 |
| တက္ကဆက်စ်က ဆေးရုံတခုမှာ ကိုရိုနာဗိုင်းရပ်စ် ကူးစက်ခံ လူနာကို ကုသပေးနေတဲ့ ကျန်းမာရေးဝန်ထမ်းများ။ (ဇွန် ၂၉၊ ၂၀၂၀) |
ဒီအတောအတွင်းမှာပဲ ဗီယက်နမ်နိုင်ငံက တောရိုင်းတိရစ္ဆာန်နဲ့ တောရိုင်းထွက်ကုန် ပစ္စည်းတွေကို ပိတ်ပင်တားမြစ်လိုက်ပါတယ်။ ဒီလိုထွက်ကုန်တွေကို မရောင်းဖို့လည်း စျေးတွေကို ပိတ်ပင်ကန့်သတ်ပါတယ်။ နောက်ထပ် ကပ်ရောဂါ ကျရောက်တာမျိုးကို တားဆီးဖို့ အခုလို ပိတ်ပင်တားမြစ်တာပါ။
လက်ရှိ ကမ္ဘာတဝန်း ပျံ့နှံ့ကူးစက်နေတဲ့ ကိုရိုနာဗိုင်းရပ်စ်ဟာ တရုတ်နိုင်ငံ တောရိုင်းထွက်ကုန်စျေး တခုကနေ စပြီး ကူးစက်ခဲ့တယ်လို့ အများက ယူဆထားကြပါတယ်။
အမေရိကန်မှာတော့ COVID-19 ကူးစက်မှု ပြန်ဖြစ်လာနေတဲ့ ပြည်နယ်တွေမှာ နောက်ထပ် ပျံ့နှံ့ကူးစက်တာကို တားဆီးဖို့အတွက် လက်ရှိ ပြန်ဖွင့်မယ့် အစီအစဉ်တွေကို ဆိုင်းထားဖို့ ကူးစက်ရောဂါဆိုင်ရာ ထိပ်တန်းကျွမ်းကျင်သူက တောင်းဆိုထားပါတယ်။
ပြည်နယ်တွေအနေနဲ့ လုံးဝပိတ်ပစ်တဲ့ အခြေအနေထိ ပြန်သွားဖို့မလိုပေမယ့် သေချာပေါက် ဆိုင်းထားရမှာဖြစ်ပြီး နည်းနည်းတော့ ပြန်ရုပ်သင့်ပါတယ်လို့ ကူးစက်ရောဂါဆိုင်ရာ ထိပ်တန်းပညာရှင် ဒေါက်တာ Anthony Fauci က ဝါရှင်တန်ပို့စ် သတင်းစာနဲ့ သောကြာနေ့ မေးမြန်းခန်းတခုမှာ ပြောထားပါတယ်။
ဒေါက်တာ Fauci က သူနဲ့ သူ့မိသားစုရဲ့ အသက်အန္တရာယ် ခြိမ်းခြောက်ခံနေရပြီး လုံခြုံရေးအကာအကွယ် ယူထားရတယ်လို့ အဲဒီမေးမြန်းခန်းအတွင်းမှာပဲ ပြောသွားပါတယ်။
ဗွီအိုအေ (မြန်မာပိုင်း)
https://burmese.voanews.com/a/world-covid19/5517298.html
ကမ္ဘာတဝန်း ကိုဗစ်ရောဂါ ကူးစက်သေဆုံးသူ တရက်အတွင်း အများဆုံးစံချိန်တင်
Reviewed by THITHTOOLWIN
on
21:13
Rating:
Reviewed by THITHTOOLWIN
on
21:13
Rating:
