နမ့်စန်မြို့နယ် အမျိုးသမီးတဦး ကားပေါ် သေနတ်ဒဏ်ရာဖြင့်သေဆုံး



Share/Bookmark

သျှမ်းပြည်တောင်ပိုင်း နမ့်စန်မြို့နယ် တွင် အမျိုးသမီးတစ်ဦးသည် အိမ်စီးကားပေါ်၌ သေနတ်ဒဏ်ရာ ဖြင့် သေဆုံးနေကြောင်း သတင်းရရှိသည်။

ယမန်နေ့ (ဇူလိုင် ၂၃ ) ည ၁၁ နာရီ အချိန်ခန့်တွင် ဖြစ်ပွားခဲ့ကြောင်း သက်ဆိုင်ရာ ရဲတပ်ဖွဲ့ မှ စုံစမ်းသိရသည်။

နမ့်စန်မြို့နယ် တပ်ဖွဲ့မှူး ရဲမှူး မင်းအောင် က ဖြစ်စဉ် နှင့် ပတ်သက်ပြီး မေးမြန်းရာ “ မနေ့ည က အမျိုးသမီး ကားပေါ်မှာ သေနတ်ဒဏ်ရာနဲ့သေဆုံးတာ ဟုတ်ပါတယ်” ဟု ပြောသည်။

၎င်း အမျိုးသမီး သေဆုံးရာ နေရာသည် နမ့်စန်မြို့၏ အထွက် ခိုလမ်သွားသည့်လမ်း ၆ မိုင်အကွာတွင် ရှိကြောင်း နမ့်စန်မြို့နယ် ပြည်နယ်လွှတ်တော်ကိုယ်စားလှယ် အမတ် (၁)ဦးလင်းအောင်ရွှေ က ပြောသည်။

“ဘယ်လိုဖြစ်တာလဲ ဆိုတာ လောလောလတ်လတ်တော့ မပြောနိုင်ဘူးပေါ့နော်။ ကားကတော့ Mitsubishi ကားအဖြူပဲ။ ဘယ်လိုဖြစ်သလဲတော့ မသိဘူး။ ထင်ချက်တွေတော့ အမျိုးမျိုးပြောနေကြတယ်။ ပတ်သက်မှု တစ်ခုခုတော့ ရှိမှာပေါ့” ဟု ဦးလင်းအောင်ရွှေ က ဆိုသည်။

ထိုအမျိုးသမီး သေဆုံးမှုနှင့်ပတ်သက်ပြီး အသေးစိတ် အချက်အလက်ကို မသိရှိရသေးကြောင်း၊ နမ့်စန်မြို့နယ် ရဲစခန်း သေမှုသေခင်း နှင့် စုံစမ်း စစ်ဆေးနေကြောင်း သိရသည်။

နန်းဆိုင်ဖူး - သျှမ်းသံတော်ဆင့်
https://burmese.shannews.org/archives/17698

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ