မန္တလေးရေဘေး ဒေသခံ ၃,၀၀၀ ကျော် ယာယီစခန်းမှာရှိနေဆဲ



Share/Bookmark
မန္တလေးတိုင်း အမရပူရမြို့ ရွှေဂဲ ရေထိန်းတံခါး ကျိုးပေါက်ပြီး ဧရာဝတီမြစ်ရေ စီးဆင်းဝင်တဲ့ မြင်ကွင်း။ (ဓာတ်ပုံ - Myanmar Fire Services Department (MDY) - ဇူလိုင် ၂၀၊ ၂၀၂၀)
မန္တလေးတိုင်းအတွင်း တာရိုးကျိုးပေါက်ရာက ရေဘေးသင့်ခဲ့တာ သီတင်းတစ်ပတ်ကျော်လာချိန်အထိ ရေဘေးသင့်သူ ၃,၀၀၀ လောက် ယာယီစခန်းတွေမှာ နေထိုင်နေရဆဲဖြစ်တဲ့အကြောင်း ဗွီအိုအေမြန်မာပိုင်း သတင်းထောက်စုစုက ပြောပြပါမယ်။

မန္တလေးတိုင်း၊ အမရပူရမြို့နယ်၊ ရွှေဂဲရေဆိုးထုတ်စက်ရုံအနီးက ဒီလ ၁၉ ရက်နေ့တုန်းက တာရိုးကျိုးပေါက်မှုကြောင့် အနီးအနား ရွာတွေထဲ ဧရာဝတီမြစ်ရေ ဝင်လာရာက ဒေသခံ ၁၄,၀၀၀ လောက် ဘေးလွတ်ရာ တိမ်းရှောင်ခဲ့ကြရတာပါ။ ဒီအထဲက အများစုကတော့ အခုအခါ ရေပြန်ကျလာတဲ့အတွက် နေရပ်ပြန်ခဲ့ကြပြီး ၃,၀၀၀ လောက်ကတော့ ယာယီရေဘေးကယ်ဆယ်ရေးစခန်းမှာ ကျန်နေသေးတဲ့အကြောင်း ရွာဘုံလူမှုကူညီရေးအသင်းက ကိုကျော်ဇင်က ပြောပါတယ်။

“ဒေသခံတွေကတော့ လောလောဆယ်တော့ ကယ်ဆယ်ရေးစခန်းတွေမှာပဲ နေပါတယ်ဗျ။ တချို့တဝက်ကတော့ ရပ်ကွက်တွေထဲ ပြန်နေကြပါပြီဗျ။ ရေကတော့ စက်ကြီးတွေနဲ့ စုတ်ထုတ်နေတော့ ရေကတော့ တော်တော်လျော့သွားပါပြီဗျ။ နေရာအကုန်မှာလို့တော့ ပြောလို့မရဘူးဗျ။ ကျသင့်တဲ့နေရာလေးတွေမှာ ကျသွားပြီ။ တချို့နေရာလေးတွေမှာတော့ ရေကကျန်နေတုန်းပဲ။ ပုံမှန်ထက် ၂ ပေလောက်ကျသွားလောက်ပဲ ရှိမယ်ဗျ။”

မန္တလေးတိုင်း ဒုတိယ မြို့တော်ဝန် ဦးရဲမွန်ကတော့ တာရိုးကျိုးပေါက်မှုကို အခုအခါ ပြန်လည်ပြင်ဆင်ပြီး ဖြစ်ကြောင်းနဲ့ ရေကြီးမှု အခြေအနေကို ထိန်းချုပ်နိုင်ပြီဖြစ်ကြောင်း VOA ကိုပြောပါတယ်။
မန္တလေးတိုင်း အမရပူရမြို့ ရွှေဂဲ ရေထိန်းတံခါး ကျိုးပေါက်ပြီး ဧရာဝတီမြစ်ရေ စီးဆင်းဝင်တဲ့ မြင်ကွင်း။ (ဓာတ်ပုံ - Myanmar Fire Services Department (MDY) - ဇူလိုင် ၂၀၊ ၂၀၂၀)
“တာရိုးကတော့ လုံးဝပိတ်ပြီးသွားပြီ ဖြစ်ပါတယ်။ ပိတ်တာကတော့ စိတ်ချရတဲ့အနေအထားကို ရောက်သွားပါပြီ။ မကြာခင်မှာ လမ်းဖွင့်ပေးဖို့ ရှိပါတယ်။”

တာရိုးကျိုးပေါက်ရာက တင်ကျန်ခဲ့တဲ့ ရေတွေကို ဧရာဝတီမြစ်ဘက်ဆီ ပြန်စုပ်ထုတ်နေတာကြောင့် ရေပြန်ကျလာတဲ့အတွက် ရေဘေးသင့် ဒေသခံ တော်တော်များများ နေရပ်ပြန်ကုန်ကြပြီလို့လည်း ဦးရဲမွန်ကပြောပါတယ်။

မန္တလေးတိုင်း အပါအဝင် မြန်မာနိုင်ငံ အလယ်ပိုင်းနဲ့ အထက်ပိုင်းဒေသတွေမှာ မကြာသေးခင်ရက်တွေအတွင်း မိုးများပြီး ရေကြီးမှုတွေ ကြုံခဲ့ရတဲ့အတွက် လမ်းပန်းဆက်သွယ်ရေး ပြတ်တောက်ခဲ့တာတွေ၊ ရေဘေးသင့်တာတွေနဲ့ ကြုံခဲ့ရတာပါ။ မြန်မာနိုင်ငံ မိုးလေဝသနဲ့ ဇလဗေဒ ညွှန်ကြားမှု ဦးစီးဌာနရဲ့ ဒီကနေ့ တိုင်းတာချက်အရ ဧရာဝတီမြစ်ရေဟာ စိုးရိမ်ရေမှတ်ကိုရောက်ဖို့ ၁၀ စင်တီမီတာသာ လိုတော့ပေမဲ့ နောက်ရက်မှာ ပြန်ကျနိုင်တယ်လို့လည်း ခန့်မှန်းထားပါတယ်။

စုစု  / ဗွီအိုအေ ( မြန်မာပိုင်း)
https://burmese.voanews.com/a/mdy-flood/5521976.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ