Orion အာကာသယာဉ်အတွက် စမ်းသပ်မှုအောင်မြင်ကြောင်း နာဆာပြော

Orion အာကာသယာဉ် လွတ်တင်မှုမြင်ကွင်း

(Unicode)⤵⤵⤵
အမေရိကန် အာကာသအေဂျင်စီ NASA အတွက် တည်ဆောက်ပေးတဲ့ Orion အာကာသယာဉ် အတွက် အရေးကြီးတဲ့ စမ်းသပ်မှု ပြီးစီး အောင်မြင်ခဲ့ပြီလို့ အမေရိကန် လေကြောင်းဆိုင်ရာ ကုမ္ပဏီ Lockheed Martin က ပြောပါတယ်။ ဒီ Orion အာကာသယာဉ်နဲ့ အမေရိကန် အာကာသယာဉ်မှူးတွေကို လကမ္ဘာပေါ်ကို ထပ်မံ ပို့လွှတ်ဖို့ NASA က စီစဉ်နေတာပါ။

ဒီလ အစောပိုင်းမှာ ကိုလိုရာဒိုပြည်နယ်က Lockheed Martin ကုမ္ပဏီရဲ့ သုတေသနစခန်းမှာ ပြုလုပ်ခဲ့တဲ့ စမ်းသပ်မှုကို မှတ်တမ်း တင်ထားတဲ့ ဗီဒီယိုကိုကြာသပတေးနေ့ကတော့ ထုတ်ပြန်ခဲ့ပါတယ်။

စမ်းသပ်မှု အောင်မြင်ပြီး လမျက်နှာပြင်ပေါ် ဆိုက်ကပ်ရေး နည်းစနစ်တွေကိုလည်း အတည်ပြု နိုင်ခဲ့ကြောင်းနဲ့ ဒီ စမ်းသပ်မှုက Orion အာသာသယာဉ် ပုံစံသစ် တည်ဆောက်ရာမှာ အထောက်အကူ ပြုမှာ ဖြစ်ကြောင်း Lockheed Martin ကုမ္ပဏီက ပြောပါတယ်။

NASA ကတော့ ၂၀၂၁ ခုနှစ် အစောဆုံးထားပြီး ဒီ အာကာသယာဉ် ပထမဆုံး စမ်းသပ် ပစ်လွှတ်မှုကို ပြုလုပ်နိုင်မယ်လို့ ခန့်မှန်ထားပြီး ၂၀၂၄ ခုနှစ်မှာ လကမ္ဘာကို ပစ်လွှတ်ဖို့ စီစဉ်ထားပါတယ်။

ဗွီအိုအေ (မြန်မာပိုင်း)
------------------------------
(Zawgyi)⤵⤵⤵
Orion အာကာသယာဥ္အတြက္ စမ္းသပ္မႈေအာင္ျမင္ေၾကာင္း နာဆာေျပာ

အေမရိကန္ အာကာသေအဂ်င္စီ NASA အတြက္ တည္ေဆာက္ေပးတဲ့ Orion အာကာသယာဥ္ အတြက္ အေရးႀကီးတဲ့ စမ္းသပ္မႈ ၿပီးစီး ေအာင္ျမင္ခဲ့ၿပီလို႔ အေမရိကန္ ေလေၾကာင္းဆိုင္ရာ ကုမၸဏီ Lockheed Martin က ေျပာပါတယ္။ ဒီ Orion အာကာသယာဥ္နဲ႔ အေမရိကန္ အာကာသယာဥ္မႉးေတြကို လကမာၻေပၚကို ထပ္မံ ပို႔လႊတ္ဖို႔ NASA က စီစဥ္ေနတာပါ။

ဒီလ အေစာပိုင္းမွာ ကိုလိုရာဒိုျပည္နယ္က Lockheed Martin ကုမၸဏီရဲ႕ သုေတသနစခန္းမွာ ျပဳလုပ္ခဲ့တဲ့ စမ္းသပ္မႈကို မွတ္တမ္း တင္ထားတဲ့ ဗီဒီယိုကိုၾကာသပေတးေန႔ကေတာ့ ထုတ္ျပန္ခဲ့ပါတယ္။

စမ္းသပ္မႈ ေအာင္ျမင္ၿပီး လမ်က္ႏွာျပင္ေပၚ ဆိုက္ကပ္ေရး နည္းစနစ္ေတြကိုလည္း အတည္ျပဳ ႏိုင္ခဲ့ေၾကာင္းနဲ႔ ဒီ စမ္းသပ္မႈက Orion အာသာသယာဥ္ ပုံစံသစ္ တည္ေဆာက္ရာမွာ အေထာက္အကူ ျပဳမွာ ျဖစ္ေၾကာင္း Lockheed Martin ကုမၸဏီက ေျပာပါတယ္။

NASA ကေတာ့ ၂၀၂၁ ခုႏွစ္ အေစာဆုံးထားၿပီး ဒီ အာကာသယာဥ္ ပထမဆုံး စမ္းသပ္ ပစ္လႊတ္မႈကို ျပဳလုပ္ႏိုင္မယ္လို႔ ခန႔္မွန္ထားၿပီး ၂၀၂၄ ခုႏွစ္မွာ လကမာၻကို ပစ္လႊတ္ဖို႔ စီစဥ္ထားပါတယ္။

ဗြီအိုေအ (ျမန္မာပိုင္း)
https://burmese.voanews.com/a/nasa-say-testing-of-orion-spaceship-is-successful/5468526.html