တူမျဖစ္သူ ၁၀ ႏွစ္မိန္းကေလးငယ္အား အဓမၼျပဳက်င့္ရန္ ၾကံစည္မႈျဖင့္ စြပ္စြဲခံရသူ ရဲစခန္းတြင္ ၾကိဳးဆြဲခ်ေသဆံုး


နိရဥၥရာ၊ ေမ ၈/၂ဝ၂ဝ

ရခိုင္ျပည္နယ္၊ စစ္ေတြၿမိဳ႕တြင္ တူမျဖစ္သူ ၁ဝႏွစ္အရြယ္ မိန္းခေလးငယ္အား အဓမၼျပဳက်င့္ရန္ ၾကံစည္မႈျဖင့္ စြပ္စြဲဖမ္းဆီးခံရသူသည္ ယမန္ေန႕ ညေနက ၾကိဳးဆြဲခ် ေသဆံုးသြားေၾကာင္း သတင္းရရွိသည္။

ေသဆံုးသူမွာ ဦးေမာင္ေယ(၃၄)ႏွစ္ ျဖစ္ျပီး စစ္ေတြၿမိဳ႕အမွတ္(၂)ရဲစခန္းရွိ အခ်ဳပ္ခန္း၌ ယေန႔ညေန ၆နာရီခန္႔တြင္ ၾကိဳးဆြဲခ် ေသဆံုးသြားေၾကာင္း အဓမၼျပဳက်င့္ရန္ ၾကံစည္ခံရသူ မိန္းကေလးငယ္၏ မိခင္ျဖစ္သူက နိရဥၥရာသတင္းဌာနအားေျပာသည္။

“ေမာင္ေယကို အမွတ္ ၂ ရဲစခန္းကိုေခၚသြားတယ္။ကၽြန္မေယာက္က်္ားနဲ႔ေမာင္ေယက ညီအစ္ကို တဝမ္းကြဲေလ။ ဒီညေန မွာၾကိဳးဆြဲခ်ၿပီးေသသြားတယ္လို႔သိရတယ္။ ကေလးအေဖက သြားၾကည့္ခဲ့ပါတယ္” ဟု ၎ကေျပာသည္။

ၾကံစည္ခံရသူကေလးငယ္မွာ ဆတ္ရိုးက် ကယ္ဆယ္ေရး အကြက္(၁)တြင္ မိဘမ်ားမွာ ေစ်းေရာင္းရန္ နံနက္အေစာၾကီးေနအိမ္မွ ထြက္သြားၿပီး ေနာက္ ၎မိန္းကေလးငယ္မွာ အိပ္က်န္ေနခဲ့ေၾကာင္း၊ နံနက္ ၇ နာရီခန္႔တြင္ ဦးေလးေတာ္စပ္သူ ဦးေမာင္ေယ ေရာက္လာၿပီး လူၾကီးမ်ားမရွိသျဖင့္ ကေလးအိပ္ေနသည့္ ျခင္ေထာင္ထဲသို႔ အဝတ္မဲ့ဝင္ေရာက္ၿပီး လည္ပင္းညစ္၍ ျခိမ္းေျခာက္ကာ အဓမၼျပဳက်င့္ရန္ၾကံစည္ျခင္း ျဖစ္ေၾကာင္း ကေလးငယ္၏ မိခင္ကေျပာသည္။

ဆတ္ရိုးက်ကယ္ဆယ္ေရးအကြက္(၁) တာဝန္ခံဦးေမာင္သာဦးက “ ကေလးကို ၾကံစည္ၿပီးထြက္ေျပးတာကို လူေတြလိုက္ဖမ္းတယ္။ ရဲေတြလည္းပါတယ္လို႔ၾကားတယ္။ အမွတ္(၂) ရဲစခန္းကို ဖမ္းေခၚသြားတယ္။ ညေနက ေသတယ္ဆိုလို႔စခန္းသြားၾကည္႔ပါတယ္။အခုမွစခန္းကေရာက္တာ။ အေလာင္းကို စစ္ေတြ ေဆးရံုကို ယူသြားပါတယ္” ဟု ယမန္ေန႔ ညေန ၆ နာရီခြဲခန္႔ကေျပာသည္။

ဆတ္ရိုးက်ကယ္ဆယ္ေရးရပ္ကြက္အုပ္ခ်ဳပ္ေရးမွဴး ဦးဖိုးသန္းစိန္က “ျဖစ္တာေတာ့ၾကားလိုက္တယ္။ ကၽြန္ေတာ္လိုက္သြားေတာ့မရွိေတာ့ဘူး။ ရဲစခန္းကိုေခၚသြားတယ္လို႔သိရတယ္။ က်န္တာ ဘာမွ မသိရဘူး” ဟုေျပာသည္။

အဆိုပါကိစၥႏွင့္ ပတ္သက္၍ ယေန႔ည ၆ နာရီ၁၈ မိနစ္ခန္႔က စစ္ေတြၿမိဳ႕အမွတ္(၂)ရဲစခန္းသို႔ နိရဥၥရာမွ ေမးျမန္းရာ တာဝန္က် ရဲအရာရွိက ဦးေမာင္ေယအားဖမ္းဆီးထားသည္မွာဟုတ္မွန္ေၾကာင္း၊ ေသဆံုးသြားျခင္းႏွင့္ ပတ္သက္ျပီး ၄င္းအမႈစစ္ အရာရွိမွာ စခန္းအျပင္သို႔ေရာက္ေနသျဖင့္ တိတိက်က် ေျပာဆိုႏိုင္ျခင္း မရွိေၾကာင္းေျဖဆိုသည္။

အိမ္စုိးျဖဴ / Narinjara
---------------------------------------
Unicode:

တူမဖြစ်သူ ၁၀ နှစ်မိန်းကလေးငယ်အား အဓမ္မပြုကျင့်ရန် ကြံစည်မှုဖြင့် စွပ်စွဲခံရသူ ရဲစခန်းတွင် ကြိုးဆွဲချသေဆုံး

နိရဥ္စရာ၊ မေ ၈/၂ဝ၂ဝ

ရခိုင်ပြည်နယ်၊ စစ်တွေမြို့တွင် တူမဖြစ်သူ ၁ဝနှစ်အရွယ် မိန်းခလေးငယ်အား အဓမ္မပြုကျင့်ရန် ကြံစည်မှုဖြင့် စွပ်စွဲဖမ်းဆီးခံရသူသည် ယမန်နေ့ ညနေက ကြိုးဆွဲချ သေဆုံးသွားကြောင်း သတင်းရရှိသည်။

သေဆုံးသူမှာ ဦးမောင်ယေ(၃၄)နှစ် ဖြစ်ပြီး စစ်တွေမြို့အမှတ်(၂)ရဲစခန်းရှိ အချုပ်ခန်း၌ ယနေ့ညနေ ၆နာရီခန့်တွင် ကြိုးဆွဲချ သေဆုံးသွားကြောင်း အဓမ္မပြုကျင့်ရန် ကြံစည်ခံရသူ မိန်းကလေးငယ်၏ မိခင်ဖြစ်သူက နိရဥ္စရာသတင်းဌာနအားပြောသည်။

“မောင်ယေကို အမှတ် ၂ ရဲစခန်းကိုခေါ်သွားတယ်။ကျွန်မယောက်ကျ်ားနဲ့မောင်ယေက ညီအစ်ကို တဝမ်းကွဲလေ။ ဒီညနေ မှာကြိုးဆွဲချပြီးသေသွားတယ်လို့သိရတယ်။ ကလေးအဖေက သွားကြည့်ခဲ့ပါတယ်” ဟု ၎င်းကပြောသည်။

ကြံစည်ခံရသူကလေးငယ်မှာ ဆတ်ရိုးကျ ကယ်ဆယ်ရေး အကွက်(၁)တွင် မိဘများမှာ စျေးရောင်းရန် နံနက်အစောကြီးနေအိမ်မှ ထွက်သွားပြီး နောက် ၎င်းမိန်းကလေးငယ်မှာ အိပ်ကျန်နေခဲ့ကြောင်း၊ နံနက် ၇ နာရီခန့်တွင် ဦးလေးတော်စပ်သူ ဦးမောင်ယေ ရောက်လာပြီး လူကြီးများမရှိသဖြင့် ကလေးအိပ်နေသည့် ခြင်ထောင်ထဲသို့ အဝတ်မဲ့ဝင်ရောက်ပြီး လည်ပင်းညစ်၍ ခြိမ်းခြောက်ကာ အဓမ္မပြုကျင့်ရန်ကြံစည်ခြင်း ဖြစ်ကြောင်း ကလေးငယ်၏ မိခင်ကပြောသည်။

ဆတ်ရိုးကျကယ်ဆယ်ရေးအကွက်(၁) တာဝန်ခံဦးမောင်သာဦးက “ ကလေးကို ကြံစည်ပြီးထွက်ပြေးတာကို လူတွေလိုက်ဖမ်းတယ်။ ရဲတွေလည်းပါတယ်လို့ကြားတယ်။ အမှတ်(၂) ရဲစခန်းကို ဖမ်းခေါ်သွားတယ်။ ညနေက သေတယ်ဆိုလို့စခန်းသွားကြည့်ပါတယ်။အခုမှစခန်းကရောက်တာ။ အလောင်းကို စစ်တွေ ဆေးရုံကို ယူသွားပါတယ်” ဟု ယမန်နေ့ ညနေ ၆ နာရီခွဲခန့်ကပြောသည်။

ဆတ်ရိုးကျကယ်ဆယ်ရေးရပ်ကွက်အုပ်ချုပ်ရေးမှူး ဦးဖိုးသန်းစိန်က “ဖြစ်တာတော့ကြားလိုက်တယ်။ ကျွန်တော်လိုက်သွားတော့မရှိတော့ဘူး။ ရဲစခန်းကိုခေါ်သွားတယ်လို့သိရတယ်။ ကျန်တာ ဘာမှ မသိရဘူး” ဟုပြောသည်။

အဆိုပါကိစ္စနှင့် ပတ်သက်၍ ယနေ့ည ၆ နာရီ၁၈ မိနစ်ခန့်က စစ်တွေမြို့အမှတ်(၂)ရဲစခန်းသို့ နိရဥ္စရာမှ မေးမြန်းရာ တာဝန်ကျ ရဲအရာရှိက ဦးမောင်ယေအားဖမ်းဆီးထားသည်မှာဟုတ်မှန်ကြောင်း၊ သေဆုံးသွားခြင်းနှင့် ပတ်သက်ပြီး ၄င်းအမှုစစ် အရာရှိမှာ စခန်းအပြင်သို့ရောက်နေသဖြင့် တိတိကျကျ ပြောဆိုနိုင်ခြင်း မရှိကြောင်းဖြေဆိုသည်။

အိမ်စိုးဖြူ / Narinjara
https://www.facebook.com/narinjara.info/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အခ်ိန္နဲ ့တေျပးညီ သတင္းမ်ား ဖတ္ရႈႏိုင္ဖုိ ့ facebook "like" ကုိ ႏွိပ္ပါ။ thithtoolwin9@gmail.com ကုိ လည္း သတင္းမ်ား ဆက္သြယ္ေပးပုိ ့ႏိုင္ပါသည္။
ေနာက္ဆုံးရ သတင္းမ်ားကုိ ေအာက္ပါ Tweets မွာ ေဖာ္ျပထားပါတယ္။ Tweets ရဲ ့ေဘးေဘာင္တန္းကုိ ဆဲြခ်ျပီ မိမိတုိ ့စိတ္၀င္စားတဲ့ သတင္းေခါင္းစဥ္ ေအာက္က Link ကုိ ႏွိပ္ျပီ အျပည့္အစုံဖတ္ရႈႏိုင္ပါတယ္။
 

Advertisement

 

အသစ္ တင္သမွ် သတင္းမ်ား အလို အေလွ်ာက္ပုိ ့ ေပးပါမည္

က်န္းမာေရးႏွင့္ ေဖ်ာ္ေျဖေရး

တစ္ပတ္အတြင္း စိတ္ဝင္စားဖြယ္ရာ သတင္းမ်ား