ကိုဗစ္ႏွင့္ ျမန္မာ့ႏိုင္ငံေရး

အခုတပတ္ ျမန္မာ့အေရးသံုးသပ္ခ်က္အစီအစဥ္မွာ ကိုရိုနာဗိုင္းရပ္စ္ ကာကြယ္ေရးအတြက္ ျမန္မာႏို္င္ငံမွာ ဘက္စံုစည္းလံုးညီညႊတ္ေရး ရႏို္င္မလားကိစၥကို ၁၉၉၀ ျပည့္ ေရြးေကာက္ခံ လႊတ္္ေတာ္အမတ္ေလာင္း ေဒါက္တာတင့္ေဆြနဲ႔ ဦးေက်ာ္ဇံသာတုိ႔ ေဆြးေႏြးသံုးသပ္ထားပါတယ္။

ဒီကေန႔ ကမာၻေပၚမွာ လက္နက္ကိုင္ပဋိပကၡေတြ အပစ္ခတ္ရပ္စဲၾကဖို႔ ပုပ္ရဟန္းမင္းႀကီး၊ ကုလသမဂၢအတြင္းေရးမွဴးခ်ဳပ္တို႔လို ပုဂၢိဳလ္ေတြက ေဆာ္ၾသထားသလို၊ ျမန္မာႏုိင္ငံတြင္းမွာလည္း အလာတူအပစ္ခတ္ရပ္စဲဖုိ႔ လိုအပ္တယ္လို႔ အဖြဲ႔အစည္းတခ်ဳိ ႔က ေျပာဆုိေနၾကတာ ရိွပါတယ္။ တကယ့္ျဖစ္လာႏိုင္မယ့္ အလားအလာကိုေတာ့ ေဒါက္တာတင့္ေဆြက အခုလိုစတင္ေဆြးေႏြးထားပါတယ္။

ေျဖ ။ ။ ပဏာမေျဖရရင္ေတာ့ က်ေနာ္ကေတာ့ အလားအလာသိပ္အားမရဘူး။ အားေတာ့နာတယ္ - ဘာေၾကာင့္လဲဆိုေတာ့ စစ္ပြဲေတြျဖစ္တိုင္း ကမာၻေပၚမွာ ဗမာသာမကပါဘူး၊ စစ္ပြဲကိုအေၾကာင္းျပဳၿပီး စီးပြားေရးအျမတ္ထုတ္ၾကတယ္။ ေနာက္တခါ ႏုိင္ငံေရးအျမတ္ထုတ္ၾကပါတယ္။ ဒါကေတာ့ အေျခခံေပါ့။ ျမန္မာႏုိင္ငံမွာ လက္ရိွအေျခအေနကိုၾကည့္ရင္ ကိုရိုနာဗိုင္းရပ္စ္ေရာဂါေၾကာင့္ အျပစ္တင္ေဝဖန္ခံရတဲ့ ေခါင္းေဆာင္ေတြ ရိွပါတယ္။ လက္ရိွအစိုးရကအစ၊ တပ္မေတာ္ကာကြယ္ေရးဦးစီးခ်ဳပ္ပါတယ္ ေဝဖန္ခံရတယ္။ စီမံခန္႔ခြဲမႈ၊ ႀကိဳတင္ျပင္ဆင္မႈ၊ ပစၥည္းရုပ္ဝတၳဳအင္အား၊ ေငြေၾကးအင္အား ျဖည့္တင္မႈအပိုင္းမွာ အစိုးရကို အျပစ္တင္ၾကပါတယ္။ ေနာက္တခါ သတင္းျဖန္႔ခ်ီမႈအပိုင္းမွာ ျပန္ၾကားေရးကို အျပစ္တင္ၾကတာက လက္ရိွအေျခအေန။ အဲဒီအေျခအေနမွာ က်ေနာ္တို႔ သူမ်ားႏိုင္ငံေတြနဲ႔ယွဥ္ၾကည့္ရင္ တပ္မေတာ္နဲ႔ ပတ္သက္ၿပီး၊ ဆက္ေျပာပါရေစ။

ဥပမာ ၿဗိတိန္ႏုိင္ငံမွာဆုိရင္ ExCel Exhibition Centre ေခၚတဲ့ ဧရာမျပပြဲခန္းမႀကီးကို ၿဗိတိန္စစ္ဘက္နဲ႔ ၿဗိတိန္က်န္းမာေရးဝန္ႀကီးဌာနဘက္က ေပါင္းၿပီးေတာ့ ကုတင္ (၄၀၀၀) ဆန္႔ ယာယီေဆးရံု ေျပာင္းေပးၾကတယ္။ ဒါက အင္မတန္မွေကာင္းတဲ့လုပ္ရပ္။ ေနာက္တခါ အေမရိကန္ျပည္ေထာင္စုမွာဆိုရင္လဲ စစ္သေဘၤာႀကီးက ကပ္လာၿပီးေတာ့ ကိုရိုနာဗိုင္းရပ္စ္ေရာဂါျဖစ္လို႔ ေရႊ ႔ဆိုင္းထားတဲ့ ခြဲစိတ္လူနာေတြကို အဲဒီစစ္သေဘၤာက ကုေပးမယ္။ အဲဒါက ေကာင္းတဲ့နမူနာ။ က်ေနာ္တုိ႔ ဗမာႏုိင္ငံမွာေကာ တပ္မေတာ္က ဘာေတြေဆာင္ရြက္ေပးသလဲ။ ေပးေနသလဲ။ ေပးအံုးမလဲ။ အခုထိေတာ့ က်ေနာ္တို႔ မသိဘူး။ ဒါက က်ေနာ္အေနနဲ႔ တပ္မေတာ္နဲ႔ NLD အစိုးရေပၚမွာ။

ေနာက္တခါ ေမးခြန္းရဲ ႔ အဓိကအခ်က္ျဖစ္တဲ့ အပစ္ခတ္ရပ္စဲေရး၊ ၿငိမ္းခ်မ္းေရးကေတာ့ ကိုရိုနာျဖစ္လို႔ ထူးၿပီးေကာင္းလာမယ္လုိ႔ေတာ့ က်ေနာ္ကေတာ့ မထင္ဘူး။ ဘာေၾကာင့္လဲဆိုေတာ့ က်ေနာ္ အရင္အႀကိမ္ႀကိမ္ေဆြးေႏြးပါတယ္။ ကိုရိုနာျဖစ္မွ လက္နက္ကိုင္ ရပ္စဲမယ့္ဆိုတာ စစ္တပ္ဘက္နဲ႔ တုိင္းရင္းသားလက္နက္ကိုင္အုပ္စုေတြက ေလးေလးနက္နက္ စဥ္းစားၾကရဲ ႔လား။ က်ေနာ္ကေတာ့ စဥ္းစားမၾကဘူးလို႔ ထင္တဲ့အတြက္ ေမးခြန္းရဲ ႔အေျဖကေတာ့ အားမရဘူးလို႔ပဲ ေျဖပါရေစ။

ေမး ။ ။ ဒါေပမဲ့ တိုင္းရင္းသားလက္နက္ကိုင္ အင္အားစုတခ်ဳိ ႔ကေတာ့ အပစ္ခတ္ရပ္စဲေရးကို အားသြန္ခြန္စိုက္ လုပ္မယ္ဆိုၿပီးေတာ့ ေျပာေနၾကတယ္။ အထူးသျဖင့္ အခုတိုက္ပြဲအျပင္းထန္ဆံုး ျဖစ္ေနတဲ့ AA ရခိုင္တပ္ဆိုရင္လဲ၊ သူတို႔ ၿငိမ္းခ်မ္းေရးေဆြးေႏြးဖို႔ စကားကို တခ်ိန္လံုးေျပာေနတာလို႔ သိရပါတယ္။ ဒါေပမဲ့ တပ္မေတာ္ဘက္က ဒီကိစၥကို လက္ခံျခင္းမရိွတဲ့အျပင္၊ အခုဆိုရင္ ေနာက္ဆံုးၾကတဲ့ သတင္းအရ၊ KIA ထဲမွာ AA ကို ထားရိွတဲ့ကိစၥကို မထားဖို႔၊ အစိုးရက ဖိအားေပးေနတယ္လို႔ သိရပါတယ္။ ဆိုေတာ့ တုိင္းရင္းသားေတြဘက္က လုိခ်င္တဲ့သေဘာေတာ့ ေတြ႔ရတယ္ဆိုရင္ မွားသလား။ ၿပီးေတာ့ အပစ္ခတ္ရပ္စဲဖုိ႔ ေတာင္းဆိုတာကလဲ တိုင္းရင္းသားအင္အားစု KNU ဘက္က ေျပာတာကိုလည္း ၾကားရပါတယ္။

ေျဖ ။ ။ ဒီကိစၥမွာလဲ တုိင္းရင္းသားအင္အားစုလို႔ ၿခံဳေျပာရတာ တခါတခါ ေကာက္ခ်က္က မမွန္တတ္ပါဘူး။ က်ေနာ္တုိ႔ျမန္မာႏို္င္ငံမွာ လက္ရိွ လက္နက္ကိုင္ၿပီးေတာ့ အစိုးရကို ေတာ္လွန္ေနတဲ့ အဖြဲ႔အစည္းေပါင္း ေျမာက္ျမားစြာရိွတဲ့အတထဲမွာ ႏိုင္ငံေရးရည္ရြယ္ခ်က္၊ အမ်ဳိးသားေရးရည္ရြယ္ခ်က္ေတြက မတူၾကဘူးေပါ့။ သို႔ေသာ္လဲ သူတုိ႔ေတြက အင္အားအျဖစ္စုၿပီးေတာ့ အစိုးရနဲ႔ျဖစ္ျဖစ္၊ တပ္မေတာ္နဲ႔ျဖစ္ျဖစ္၊ စုစည္းမႈျပဳၿပီးေတာ့ လိုခ်င္တာေတြကို ေဆာင္ရြက္ၾကတာ ဒီဟာကေတာ့ မွန္တာေပါ့။ က်ေနာ္ကေျပာခ်င္တာက အက်ဳိးစီးပြား ရည္ရြယ္ခ်က္ေတြ သိပ္မတူၾကဘူးလို႔ ပဏာမေျပာခ်င္တယ္။

ေနာက္တခါ အခုေမးခြန္းအတိုင္းျဖစ္တဲ့ AA နဲ႔ ပတ္သက္ရင္ တပ္မေတာ္ဘက္က ေဆာင္ရြက္ေနတာေတြက တကယ့္ကို ေမးခြန္းထုတ္စရာ အဆီအေငါ မတည့္ဘူးလို႔ ဒါကေတာ့ က်ေနာ္ထင္တယ္။ AA က ေတာင္းေတာင္း၊ ဘယ္သူကေတာင္းေတာင္း၊ အပစ္အခတ္ရပ္ေစကို ကိုရိုနာဗိုင္းရပ္စ္ေၾကာင့္ ေတာင္းေတာင္းမေတာင္းေတာင္း၊ ဒါက ျဖစ္သင့္တဲ့ကိစၥ၊ ႀကိဳဆိုရမယ့္ကိစၥ။ ဒါကို ျဖည့္ဆည္းေပးဖို႔ လိုအပ္တယ္လို႔ ျမင္ပါတယ္။ တပ္မေတာ္ဘက္ကေတာ့ အခုထိ ႏွစ္ေပါင္း ေလးငါးဆယ္အတြင္းမွာ လက္နက္ကိုင္အဖြဲ႔အစည္းေတြနဲ႔ ပတ္သက္ရင္ အေတာ့္ကို အကဲမရတဲ့ အေနအထားကေတာ့ အခုထိ တုိးတက္ေျပာင္းလဲလာတယ္လို႔ က်ေနာ္မထင္ဘူး။ အဲဒီေတာ့ ဒီကူးစက္ေရာဂါႀကီးကို အေၾကာင္းျပဳၿပီးေတာ့ တပ္မေတာ္ကမ်ား တိုင္းရင္းသားလက္နက္ကိုင္ေတြနဲ႔ ပတ္သက္ၿပီးေတာ့ အယူအဆေျပာင္းရင္ေတာ့ ေကာင္းတာေပါ့။ သို႔ေသာ္ က်ေနာ္ကေတာ့ မျမင္ဘူး။

ေမး ။ ။ တပ္မေတာ္ရဲ ႔ ျပည္တြင္းစစ္အေပၚမွာ သေဘာထားက အျပဳတ္တုိက္ေရးလား။ သို႔တည္းမဟုတ္ တဘက္သားကို အင္အားေပ်ာ့ညံ့သြားၿပီးမွ အေလွ်ာ့ေပးၿပီးမွ ၿငိမ္းခ်မ္းေရး၊ ေစ့စပ္ေရးထဲကို ဝင္လာေအာင္ တပ္မေတာ္အေနနဲ႔ အေပၚစီကေန ေစ့စပ္ႏုိင္ေအာင္ဆိုတဲ့ ရည္ရြယ္ခ်က္မ်ား ရိွေနသလား။ ဘယ္လုိရည္ရြယ္ခ်က္မ်ဳိးနဲ႔ျဖစ္ျဖစ္ သူတို႔ရည္ရြယ္ခ်က္အတိုင္း ျဖစ္လာႏိုင္မယ္လို႔ ထင္ပါသလား။

ေျဖ ။ ။ အဲဒါကို က်ေနာ္တို႔ လြတ္လပ္ေရးရကတည္းက စၿပီးေတာ့ ၿခံဳၿပီးေတာ့ ၾကည့္တဲ့အခါမွာ တပ္မေတာ္ဘက္က မဟာဗ်ဴဟာအမ်ဳိးမ်ဳိးေျပာင္းတယ္။ နည္းဗ်ဴဟာေတြအမ်ဳိးမ်ဳိး ေျပာင္းခဲ့ပါတယ္။ အစကေတာ့ ကြန္ျမဴနစ္ကို အျပဳတ္တိုက္ေရးကို ဦးတည္ၿပီး ေဆာင္ရြက္ခဲ့ၾကတယ္။ ဗိုလ္ခ်ဳပ္ေနဝင္းလက္ထက္က။ ဒါက အတိုင္းအတာ တစံုတရာအထိ ေအာင္ျမင္တယ္လုိ႔ ေျပာလို႔ရတယ္။ အဲဒီေနာက္မွာ တုိင္းရင္းသားလက္နက္ကိုင္ေတြ ေတာခိုတယ္လို႔ ေျပာပါေတာ့ - အဲဒီကာလမွာေတာ့ တပ္မေတာ္၊ စစ္အစိုးရေတြ - ဦးေနဝင္းၿပီး စစ္အစိုးရ ျဖစ္လာတဲ့အခါမွာ သူတုိ႔က ခ်က္ခ်င္းယာယီ အပစ္ခတ္ရပ္စဲေရး၊ ပထမဦးဆံုးကေတာ့ ၿငိမ္းခ်မ္းေရးနဲ႔ လက္နက္လဲတယ္ဆိုတဲ့ အစီအစဥ္ လုပ္ခဲ့တယ္။ က်ေနာ္ျမင္တာ အတိုင္းအတာတခုအထိေတာ့ ေအာင္ျမင္ပါတယ္။ ဒါကေတာ့ က်ေနာ္တုိ႔ ျငင္းလို႔မရဘူး။ သို႔ေသာ္ အဲဒါ ယာယီသေဘာသာ ျဖစ္ပါတယ္။ အဲဒီေနာက္မွာ အစိုးရေျပာင္းလာတယ္။ ဦးသိန္းစိန္အစိုးရကစၿပီးေတာ့ ၿငိမ္းခ်မ္းေရးလုပ္ငန္းစဥ္ ေျပာင္းလာတယ္။ တခါ NLD အစိုးရလက္ထက္မွာလဲ အဲဒါနဲ႔မကြာလွတဲ့ ပင္လံုညီလာခံဆိုၿပီး ေျပာင္းလာတယ္။ အဲဒီိမွာ တပ္မေတာ္က အေရးႀကီးဆံုး။ လက္နက္ကိုင္အဖြဲ႔ကို လက္နက္ကိုင္နည္းနဲ႔ ေျဖရွင္းတိုက္ခိုက္ေနတာ တပ္မေတာ္ျဖစ္ေနေတာ့ အစိုးရက ဘာလုပ္လုပ္ တပ္မေတာ္ရဲ ႔ သေဘာထားက အင္မတန္မွ အေရးႀကီးပါတယ္။

အခုေနာက္ဆံုးအေျခအေနကိုၾကည့္ရင္ တပ္မေတာ္က အျပဳတ္အလဲတိုက္ႏုိင္စြမ္း မရိွဘူး။ တိုက္ခ်င္စိတ္လည္း မရိွဘဲနဲ႔ ၿငိမ္းခ်မ္းေရးလုပ္ငန္းလဲ သူက မပါျဖစ္လို႔ ပါေနရသလို ျဖစ္ၿပီးေတာ့ ထိုးထြင္တဲ့ အရွည္ကိုျမင္တဲ့ တိုင္းျပည္အက်ဳိးစီးပြားကိုၾကည့္တဲ့ မဟာဗ်ဴဟာအျမင္ တပ္မေတာ္မွာ ခ်ဳိ ႔ယြင္းေနတယ္လို႔ က်ေနာ္က ယူဆပါတယ္။ ဒါေၾကာင့္ ဒီလိုပဲ ေရရွည္ဆြဲၿပီးေတာ့ စစ္အစိုးရ တက္လာခါစဆိုရင္ တိုင္းရင္းသားလက္နက္ကိုင္ေတြရိွလို႔ တပ္မေတာ္ကုိ အားကိုးထိုက္တဲ့ အဖြဲ႔အစည္းလို႔ ျမင္လာေအာင္ ပံုေဖာ္တဲ့ ႏုိင္ငံေရးအျမတ္ကလည္း ထုတ္ခဲ့တယ္။ အဲဒီေတာ့ ခ်ဳပ္လိုက္လို႔ရိွရင္ေတာ့ တပ္မေတာ္မွာ တုိက္ႏုိင္စြမ္းနဲ႔ တိုက္ခ်င္စိတ္တို႔ မရိွဘူး။ ဒါေၾကာင့္ ျပည္တြင္းစစ္ဆိုတဲ့ တိုက္ပြဲကေတာ့ ဆက္ရွည္ေကာင္း ရွည္ႏုိင္တယ္လုိ႔ က်ေနာ္က ျမင္ပါတယ္။

ေမး ။ ။ အဲဒီေတာ့ တပ္မေတာ္ဟာ တုိင္းရင္းသားေတြ အားကိုးေလာက္တဲ့ အဖြဲ႔ဆိုတဲ့ အျမင္မ်ဳိးရဖုိ႔အတြက္ အခုအခ်ိန္မွာ အခြင့္ေကာင္းလုိ႔ က်ေနာ္ထင္မိပါတယ္။ ဘာေၾကာင့္လဲဆိုေတာ့ ဒီအခ်ိန္မွာ လူေတြရဲ ႔အက်ဳိးကို ထိထိေရာက္ေရာက္ ေဆာင္ရြက္ေပးရင္၊ အထူးသျဖင့္ စစ္ေဘးေရွာင္စခန္းေတြမွာဆိုရင္ သိပ္ကို က်န္းမာေရးအေျခအေန စိုးရိမ္စရာေကာင္းမယ္လို႔ ထင္ပါတယ္။ ဒီလိုအေျခအေနမွာ သူတုိ႔ပဋိပကၡကို ရပ္ၿပီးေတာ့ ဒီကိစၥမွာ ကူညီေျဖရွင္းေပးရင္ ပိုၿပီးသင့္ေတာ္မယ္လို႔ သူတုိ႔မစဥ္းစားမိတာလား။

ေျဖ ။ ။ မွန္ပါတယ္။ က်ေနာ္လည္း အဲဒီလို အင္မတန္မွ ျဖစ္ေစခ်င္တယ္။ တပ္မေတာ္ က်ဆင္းပ်က္စီးခဲ့တဲ့ နာမည္ဂုဏ္ရိွန္ ျပန္တင္ဖို႔၊ သူ႔ရဲ ႔စြမ္းရည္ကို ျပန္ျမွင့္ဖုိ႔၊ တိုင္းျပည္အတြက္ကို ဦးတည္တဲ့ ရည္ရြယ္ခ်က္ေျပာင္းဖို႔ဆုိတာ အခြင့္ေကာင္းကို ရွာၾကရပါတယ္။ အခု ကိုရိုနာဗိုင္းရပ္စ္က ေရာဂါအသစ္ျဖစ္ေတာ့ ျမန္မာႏိုင္ငံမွာ ဘယ္ေလာက္ပမာဏအထိ ႀကီးမားမလဲဆိုတာ ဘယ္သူမွလဲ ဒီအခ်ိန္မွာ ေျပာလို႔မရဘူး။ ဆုိးလာခဲ့ရင္ တပ္မေတာ္က ဒီအတိုင္းပဲ၊ သူ႔အတြက္ပဲ လံုၿခံဳေအာင္လုပ္ၿပီးေတာ့၊ သူ႔အက်ဳိးစီးပြားအတြက္ပဲ ေနမယ္ဆိုရင္ေတာ့ တပ္မေတာ္ရဲ ႔ ဂုဏ္သိကၡာက က်သထက္က်ၿပီးေတာ့၊ ဒါကို အခြင့္ေကာင္းယူၿပီးေတာ့ တပ္မေတာ္က ဂုဏ္သိကၡာျပန္တက္ေအာင္ ႀကိဳးစားလို႔ရိွရင္ ဒါက အခြင့္ေကာင္းႀကီးတရပ္ ျဖစ္သင့္တယ္လုိ႔ ယူဆပါတယ္။ အဲဒါ အခုနေမးခြန္းထဲမွာပါသလို စစ္ေဘးေရွာင္ေဒသေတြမွာမ်ား ကူးစက္ေရာဂါေရာက္ရင္ မေတြးဝံ့စရာပါ။ အဲဒီေတာ့ ဒီအေျခအေနေတြကို ၾကည့္ၿပီးေတာ့ တပ္မေတာ္နဲ႔ လက္ရိွအစိုးရတို႔ ထိထိေရာက္ေရာက္ ႀကိဳတင္ကာကြယ္မႈေတြ၊ ျပင္ဆင္မႈေတြ၊ အကူအညီရယူမႈေတြ လုပ္သင့္ၾကတဲ့ကာလ ျဖစ္ပါတယ္။ အဲဒါကိုျဖစ္ေအာင္ ႀကိဳးစားၾကေစခ်င္တယ္လို႔ က်ေနာ္အေနနဲ႔ အေလးအနက္ တိုက္တြန္းခ်င္ပါတယ္။

ေမး ။ ။ အစိုးရနဲ႔ တပ္မေတာ္နဲ႔ တုိင္းရင္းသားလက္နက္ကိုင္အင္အားစုေတြနဲ႔ ျပည္သူေတြ စုေပါင္းညီညာၿပီးေတာ့ ဒီေရာဂါႀကီးကို ဝိုင္းၿပီးတိုက္ခိုက္ရမယ့္ အေျခအေန ျဖစ္ေနတာေပါ့။ ဒီအခ်ိန္မ်ဳိးမွာ ေသြးစည္းညီညႊတ္ရဖို႔ အေရးႀကီးဆံုးေပါ့။

ေျဖ ။ ။ မွန္ပါတယ္။ က်ေနာ္ အျပည့္အဝ သေဘာတူပါတယ္။ က်ေနာ္တို႔အားလံုး ဘယ္သူ႔ဘယ္သူကိုမွ လက္ညိွဳးထုိး အျပစ္တင္ ေျပာမေနၾကဘဲနဲ႔ တိုင္းျပည္တခုလံုးနဲ႔ဆိုင္တဲ့ အမ်ဳိးသားေရးတာဝန္တရပ္လို႔ စစ္တပ္၊ အစိုးရ၊ အစိုးရမဟုတ္တဲ့ အဖြဲ႔အစည္းေတြ၊ မီဒီယာ၊ သာမန္ျပည္သူေတြ၊ စီးပြားေရးလုပ္ငန္းရွင္ေတြ အကုန္လံုးက ဝိုင္းဝန္ၿပီးေတာ့ လုပ္ကိုင္ၾကရင္ေတာ့ က်ေနာ္တုိိ႔ အမ်ားႀကီးသက္သာမယ္။ ေနာက္တခါ ဒါကို အခြင့္ေကာင္းႀကီးတရပ္လုိ႔ ယူဆၿပီးေတာ့ ျပင္ဆင္မႈေတြ၊ ေပါင္းစည္းမႈေတြ၊ အကုန္ေဆာင္ရြက္ၾကရင္ေတာ့ ဒီကိုရိုနာဗိုင္းရပ္စ္ေၾကာင့္မို႔ က်ေနာ္တုိ႔ျမန္မာႏုိင္ငံဟာ သမုိင္းစာမ်က္နွာသစ္မ်ား ဖြင့္ႏုိင္ေလမလားလုိ႔ ေမွ်ာ္လင့္ခ်င္ပါတယ္။

ဦးေက်ာ္ဇံသာ  / ဗြီအိုေအ (ျမန္မာပုိင္း)
----------------------------------------------------
==Unicode==

အခုတပတ် မြန်မာ့အရေးသုံးသပ်ချက်အစီအစဉ်မှာ ကိုရိုနာဗိုင်းရပ်စ် ကာကွယ်ရေးအတွက် မြန်မာနိုင်ငံမှာ ဘက်စုံစည်းလုံးညီညွှတ်ရေး ရနိုင်မလားကိစ္စကို ၁၉၉၀ ပြည့် ရွေးကောက်ခံ လွှတ်တော်အမတ်လောင်း ဒေါက်တာတင့်ဆွေနဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဒီကနေ့ ကမ္ဘာပေါ်မှာ လက်နက်ကိုင်ပဋိပက္ခတွေ အပစ်ခတ်ရပ်စဲကြဖို့ ပုပ်ရဟန်းမင်းကြီး၊ ကုလသမဂ္ဂအတွင်းရေးမှူးချုပ်တို့လို ပုဂ္ဂိုလ်တွေက ဆော်သြထားသလို၊ မြန်မာနိုင်ငံတွင်းမှာလည်း အလာတူအပစ်ခတ်ရပ်စဲဖို့ လိုအပ်တယ်လို့ အဖွဲ့အစည်းတချို့က ပြောဆိုနေကြတာ ရှိပါတယ်။ တကယ့်ဖြစ်လာနိုင်မယ့် အလားအလာကိုတော့ ဒေါက်တာတင့်ဆွေက အခုလိုစတင်ဆွေးနွေးထားပါတယ်။

ဖြေ ။ ။ ပဏာမဖြေရရင်တော့ ကျနော်ကတော့ အလားအလာသိပ်အားမရဘူး။ အားတော့နာတယ် - ဘာကြောင့်လဲဆိုတော့ စစ်ပွဲတွေဖြစ်တိုင်း ကမ္ဘာပေါ်မှာ ဗမာသာမကပါဘူး၊ စစ်ပွဲကိုအကြောင်းပြုပြီး စီးပွားရေးအမြတ်ထုတ်ကြတယ်။ နောက်တခါ နိုင်ငံရေးအမြတ်ထုတ်ကြပါတယ်။ ဒါကတော့ အခြေခံပေါ့။ မြန်မာနိုင်ငံမှာ လက်ရှိအခြေအနေကိုကြည့်ရင် ကိုရိုနာဗိုင်းရပ်စ်ရောဂါကြောင့် အပြစ်တင်ဝေဖန်ခံရတဲ့ ခေါင်းဆောင်တွေ ရှိပါတယ်။ လက်ရှိအစိုးရကအစ၊ တပ်မတော်ကာကွယ်ရေးဦးစီးချုပ်ပါတယ် ဝေဖန်ခံရတယ်။ စီမံခန့်ခွဲမှု၊ ကြိုတင်ပြင်ဆင်မှု၊ ပစ္စည်းရုပ်ဝတ္ထုအင်အား၊ ငွေကြေးအင်အား ဖြည့်တင်မှုအပိုင်းမှာ အစိုးရကို အပြစ်တင်ကြပါတယ်။ နောက်တခါ သတင်းဖြန့်ချီမှုအပိုင်းမှာ ပြန်ကြားရေးကို အပြစ်တင်ကြတာက လက်ရှိအခြေအနေ။ အဲဒီအခြေအနေမှာ ကျနော်တို့ သူများနိုင်ငံတွေနဲ့ယှဉ်ကြည့်ရင် တပ်မတော်နဲ့ ပတ်သက်ပြီး၊ ဆက်ပြောပါရစေ။

ဥပမာ ဗြိတိန်နိုင်ငံမှာဆိုရင် ExCel Exhibition Centre ခေါ်တဲ့ ဧရာမပြပွဲခန်းမကြီးကို ဗြိတိန်စစ်ဘက်နဲ့ ဗြိတိန်ကျန်းမာရေးဝန်ကြီးဌာနဘက်က ပေါင်းပြီးတော့ ကုတင် (၄၀၀၀) ဆန့် ယာယီဆေးရုံ ပြောင်းပေးကြတယ်။ ဒါက အင်မတန်မှကောင်းတဲ့လုပ်ရပ်။ နောက်တခါ အမေရိကန်ပြည်ထောင်စုမှာဆိုရင်လဲ စစ်သင်္ဘောကြီးက ကပ်လာပြီးတော့ ကိုရိုနာဗိုင်းရပ်စ်ရောဂါဖြစ်လို့ ရွှေ့ဆိုင်းထားတဲ့ ခွဲစိတ်လူနာတွေကို အဲဒီစစ်သင်္ဘောက ကုပေးမယ်။ အဲဒါက ကောင်းတဲ့နမူနာ။ ကျနော်တို့ ဗမာနိုင်ငံမှာကော တပ်မတော်က ဘာတွေဆောင်ရွက်ပေးသလဲ။ ပေးနေသလဲ။ ပေးအုံးမလဲ။ အခုထိတော့ ကျနော်တို့ မသိဘူး။ ဒါက ကျနော်အနေနဲ့ တပ်မတော်နဲ့ NLD အစိုးရပေါ်မှာ။

နောက်တခါ မေးခွန်းရဲ့ အဓိကအချက်ဖြစ်တဲ့ အပစ်ခတ်ရပ်စဲရေး၊ ငြိမ်းချမ်းရေးကတော့ ကိုရိုနာဖြစ်လို့ ထူးပြီးကောင်းလာမယ်လို့တော့ ကျနော်ကတော့ မထင်ဘူး။ ဘာကြောင့်လဲဆိုတော့ ကျနော် အရင်အကြိမ်ကြိမ်ဆွေးနွေးပါတယ်။ ကိုရိုနာဖြစ်မှ လက်နက်ကိုင် ရပ်စဲမယ့်ဆိုတာ စစ်တပ်ဘက်နဲ့ တိုင်းရင်းသားလက်နက်ကိုင်အုပ်စုတွေက လေးလေးနက်နက် စဉ်းစားကြရဲ့လား။ ကျနော်ကတော့ စဉ်းစားမကြဘူးလို့ ထင်တဲ့အတွက် မေးခွန်းရဲ့အဖြေကတော့ အားမရဘူးလို့ပဲ ဖြေပါရစေ။

မေး ။ ။ ဒါပေမဲ့ တိုင်းရင်းသားလက်နက်ကိုင် အင်အားစုတချို့ကတော့ အပစ်ခတ်ရပ်စဲရေးကို အားသွန်ခွန်စိုက် လုပ်မယ်ဆိုပြီးတော့ ပြောနေကြတယ်။ အထူးသဖြင့် အခုတိုက်ပွဲအပြင်းထန်ဆုံး ဖြစ်နေတဲ့ AA ရခိုင်တပ်ဆိုရင်လဲ၊ သူတို့ ငြိမ်းချမ်းရေးဆွေးနွေးဖို့ စကားကို တချိန်လုံးပြောနေတာလို့ သိရပါတယ်။ ဒါပေမဲ့ တပ်မတော်ဘက်က ဒီကိစ္စကို လက်ခံခြင်းမရှိတဲ့အပြင်၊ အခုဆိုရင် နောက်ဆုံးကြတဲ့ သတင်းအရ၊ KIA ထဲမှာ AA ကို ထားရှိတဲ့ကိစ္စကို မထားဖို့၊ အစိုးရက ဖိအားပေးနေတယ်လို့ သိရပါတယ်။ ဆိုတော့ တိုင်းရင်းသားတွေဘက်က လိုချင်တဲ့သဘောတော့ တွေ့ရတယ်ဆိုရင် မှားသလား။ ပြီးတော့ အပစ်ခတ်ရပ်စဲဖို့ တောင်းဆိုတာကလဲ တိုင်းရင်းသားအင်အားစု KNU ဘက်က ပြောတာကိုလည်း ကြားရပါတယ်။

ဖြေ ။ ။ ဒီကိစ္စမှာလဲ တိုင်းရင်းသားအင်အားစုလို့ ခြုံပြောရတာ တခါတခါ ကောက်ချက်က မမှန်တတ်ပါဘူး။ ကျနော်တို့မြန်မာနိုင်ငံမှာ လက်ရှိ လက်နက်ကိုင်ပြီးတော့ အစိုးရကို တော်လှန်နေတဲ့ အဖွဲ့အစည်းပေါင်း မြောက်မြားစွာရှိတဲ့အတထဲမှာ နိုင်ငံရေးရည်ရွယ်ချက်၊ အမျိုးသားရေးရည်ရွယ်ချက်တွေက မတူကြဘူးပေါ့။ သို့သော်လဲ သူတို့တွေက အင်အားအဖြစ်စုပြီးတော့ အစိုးရနဲ့ဖြစ်ဖြစ်၊ တပ်မတော်နဲ့ဖြစ်ဖြစ်၊ စုစည်းမှုပြုပြီးတော့ လိုချင်တာတွေကို ဆောင်ရွက်ကြတာ ဒီဟာကတော့ မှန်တာပေါ့။ ကျနော်ကပြောချင်တာက အကျိုးစီးပွား ရည်ရွယ်ချက်တွေ သိပ်မတူကြဘူးလို့ ပဏာမပြောချင်တယ်။

နောက်တခါ အခုမေးခွန်းအတိုင်းဖြစ်တဲ့ AA နဲ့ ပတ်သက်ရင် တပ်မတော်ဘက်က ဆောင်ရွက်နေတာတွေက တကယ့်ကို မေးခွန်းထုတ်စရာ အဆီအငေါ မတည့်ဘူးလို့ ဒါကတော့ ကျနော်ထင်တယ်။ AA က တောင်းတောင်း၊ ဘယ်သူကတောင်းတောင်း၊ အပစ်အခတ်ရပ်စေကို ကိုရိုနာဗိုင်းရပ်စ်ကြောင့် တောင်းတောင်းမတောင်းတောင်း၊ ဒါက ဖြစ်သင့်တဲ့ကိစ္စ၊ ကြိုဆိုရမယ့်ကိစ္စ။ ဒါကို ဖြည့်ဆည်းပေးဖို့ လိုအပ်တယ်လို့ မြင်ပါတယ်။ တပ်မတော်ဘက်ကတော့ အခုထိ နှစ်ပေါင်း လေးငါးဆယ်အတွင်းမှာ လက်နက်ကိုင်အဖွဲ့အစည်းတွေနဲ့ ပတ်သက်ရင် အတော့်ကို အကဲမရတဲ့ အနေအထားကတော့ အခုထိ တိုးတက်ပြောင်းလဲလာတယ်လို့ ကျနော်မထင်ဘူး။ အဲဒီတော့ ဒီကူးစက်ရောဂါကြီးကို အကြောင်းပြုပြီးတော့ တပ်မတော်ကများ တိုင်းရင်းသားလက်နက်ကိုင်တွေနဲ့ ပတ်သက်ပြီးတော့ အယူအဆပြောင်းရင်တော့ ကောင်းတာပေါ့။ သို့သော် ကျနော်ကတော့ မမြင်ဘူး။

မေး ။ ။ တပ်မတော်ရဲ့ ပြည်တွင်းစစ်အပေါ်မှာ သဘောထားက အပြုတ်တိုက်ရေးလား။ သို့တည်းမဟုတ် တဘက်သားကို အင်အားပျော့ညံ့သွားပြီးမှ အလျှော့ပေးပြီးမှ ငြိမ်းချမ်းရေး၊ စေ့စပ်ရေးထဲကို ဝင်လာအောင် တပ်မတော်အနေနဲ့ အပေါ်စီကနေ စေ့စပ်နိုင်အောင်ဆိုတဲ့ ရည်ရွယ်ချက်များ ရှိနေသလား။ ဘယ်လိုရည်ရွယ်ချက်မျိုးနဲ့ဖြစ်ဖြစ် သူတို့ရည်ရွယ်ချက်အတိုင်း ဖြစ်လာနိုင်မယ်လို့ ထင်ပါသလား။

ဖြေ ။ ။ အဲဒါကို ကျနော်တို့ လွတ်လပ်ရေးရကတည်းက စပြီးတော့ ခြုံပြီးတော့ ကြည့်တဲ့အခါမှာ တပ်မတော်ဘက်က မဟာဗျူဟာအမျိုးမျိုးပြောင်းတယ်။ နည်းဗျူဟာတွေအမျိုးမျိုး ပြောင်းခဲ့ပါတယ်။ အစကတော့ ကွန်မြူနစ်ကို အပြုတ်တိုက်ရေးကို ဦးတည်ပြီး ဆောင်ရွက်ခဲ့ကြတယ်။ ဗိုလ်ချုပ်နေဝင်းလက်ထက်က။ ဒါက အတိုင်းအတာ တစုံတရာအထိ အောင်မြင်တယ်လို့ ပြောလို့ရတယ်။ အဲဒီနောက်မှာ တိုင်းရင်းသားလက်နက်ကိုင်တွေ တောခိုတယ်လို့ ပြောပါတော့ - အဲဒီကာလမှာတော့ တပ်မတော်၊ စစ်အစိုးရတွေ - ဦးနေဝင်းပြီး စစ်အစိုးရ ဖြစ်လာတဲ့အခါမှာ သူတို့က ချက်ချင်းယာယီ အပစ်ခတ်ရပ်စဲရေး၊ ပထမဦးဆုံးကတော့ ငြိမ်းချမ်းရေးနဲ့ လက်နက်လဲတယ်ဆိုတဲ့ အစီအစဉ် လုပ်ခဲ့တယ်။ ကျနော်မြင်တာ အတိုင်းအတာတခုအထိတော့ အောင်မြင်ပါတယ်။ ဒါကတော့ ကျနော်တို့ ငြင်းလို့မရဘူး။ သို့သော် အဲဒါ ယာယီသဘောသာ ဖြစ်ပါတယ်။ အဲဒီနောက်မှာ အစိုးရပြောင်းလာတယ်။ ဦးသိန်းစိန်အစိုးရကစပြီးတော့ ငြိမ်းချမ်းရေးလုပ်ငန်းစဉ် ပြောင်းလာတယ်။ တခါ NLD အစိုးရလက်ထက်မှာလဲ အဲဒါနဲ့မကွာလှတဲ့ ပင်လုံညီလာခံဆိုပြီး ပြောင်းလာတယ်။ အဲဒီမှာ တပ်မတော်က အရေးကြီးဆုံး။ လက်နက်ကိုင်အဖွဲ့ကို လက်နက်ကိုင်နည်းနဲ့ ဖြေရှင်းတိုက်ခိုက်နေတာ တပ်မတော်ဖြစ်နေတော့ အစိုးရက ဘာလုပ်လုပ် တပ်မတော်ရဲ့ သဘောထားက အင်မတန်မှ အရေးကြီးပါတယ်။

အခုနောက်ဆုံးအခြေအနေကိုကြည့်ရင် တပ်မတော်က အပြုတ်အလဲတိုက်နိုင်စွမ်း မရှိဘူး။ တိုက်ချင်စိတ်လည်း မရှိဘဲနဲ့ ငြိမ်းချမ်းရေးလုပ်ငန်းလဲ သူက မပါဖြစ်လို့ ပါနေရသလို ဖြစ်ပြီးတော့ ထိုးထွင်တဲ့ အရှည်ကိုမြင်တဲ့ တိုင်းပြည်အကျိုးစီးပွားကိုကြည့်တဲ့ မဟာဗျူဟာအမြင် တပ်မတော်မှာ ချို့ယွင်းနေတယ်လို့ ကျနော်က ယူဆပါတယ်။ ဒါကြောင့် ဒီလိုပဲ ရေရှည်ဆွဲပြီးတော့ စစ်အစိုးရ တက်လာခါစဆိုရင် တိုင်းရင်းသားလက်နက်ကိုင်တွေရှိလို့ တပ်မတော်ကို အားကိုးထိုက်တဲ့ အဖွဲ့အစည်းလို့ မြင်လာအောင် ပုံဖော်တဲ့ နိုင်ငံရေးအမြတ်ကလည်း ထုတ်ခဲ့တယ်။ အဲဒီတော့ ချုပ်လိုက်လို့ရှိရင်တော့ တပ်မတော်မှာ တိုက်နိုင်စွမ်းနဲ့ တိုက်ချင်စိတ်တို့ မရှိဘူး။ ဒါကြောင့် ပြည်တွင်းစစ်ဆိုတဲ့ တိုက်ပွဲကတော့ ဆက်ရှည်ကောင်း ရှည်နိုင်တယ်လို့ ကျနော်က မြင်ပါတယ်။

မေး ။ ။ အဲဒီတော့ တပ်မတော်ဟာ တိုင်းရင်းသားတွေ အားကိုးလောက်တဲ့ အဖွဲ့ဆိုတဲ့ အမြင်မျိုးရဖို့အတွက် အခုအချိန်မှာ အခွင့်ကောင်းလို့ ကျနော်ထင်မိပါတယ်။ ဘာကြောင့်လဲဆိုတော့ ဒီအချိန်မှာ လူတွေရဲ့အကျိုးကို ထိထိရောက်ရောက် ဆောင်ရွက်ပေးရင်၊ အထူးသဖြင့် စစ်ဘေးရှောင်စခန်းတွေမှာဆိုရင် သိပ်ကို ကျန်းမာရေးအခြေအနေ စိုးရိမ်စရာကောင်းမယ်လို့ ထင်ပါတယ်။ ဒီလိုအခြေအနေမှာ သူတို့ပဋိပက္ခကို ရပ်ပြီးတော့ ဒီကိစ္စမှာ ကူညီဖြေရှင်းပေးရင် ပိုပြီးသင့်တော်မယ်လို့ သူတို့မစဉ်းစားမိတာလား။

ဖြေ ။ ။ မှန်ပါတယ်။ ကျနော်လည်း အဲဒီလို အင်မတန်မှ ဖြစ်စေချင်တယ်။ တပ်မတော် ကျဆင်းပျက်စီးခဲ့တဲ့ နာမည်ဂုဏ်ရှိန် ပြန်တင်ဖို့၊ သူ့ရဲ့စွမ်းရည်ကို ပြန်မြှင့်ဖို့၊ တိုင်းပြည်အတွက်ကို ဦးတည်တဲ့ ရည်ရွယ်ချက်ပြောင်းဖို့ဆိုတာ အခွင့်ကောင်းကို ရှာကြရပါတယ်။ အခု ကိုရိုနာဗိုင်းရပ်စ်က ရောဂါအသစ်ဖြစ်တော့ မြန်မာနိုင်ငံမှာ ဘယ်လောက်ပမာဏအထိ ကြီးမားမလဲဆိုတာ ဘယ်သူမှလဲ ဒီအချိန်မှာ ပြောလို့မရဘူး။ ဆိုးလာခဲ့ရင် တပ်မတော်က ဒီအတိုင်းပဲ၊ သူ့အတွက်ပဲ လုံခြုံအောင်လုပ်ပြီးတော့၊ သူ့အကျိုးစီးပွားအတွက်ပဲ နေမယ်ဆိုရင်တော့ တပ်မတော်ရဲ့ ဂုဏ်သိက္ခာက ကျသထက်ကျပြီးတော့၊ ဒါကို အခွင့်ကောင်းယူပြီးတော့ တပ်မတော်က ဂုဏ်သိက္ခာပြန်တက်အောင် ကြိုးစားလို့ရှိရင် ဒါက အခွင့်ကောင်းကြီးတရပ် ဖြစ်သင့်တယ်လို့ ယူဆပါတယ်။ အဲဒါ အခုနမေးခွန်းထဲမှာပါသလို စစ်ဘေးရှောင်ဒေသတွေမှာများ ကူးစက်ရောဂါရောက်ရင် မတွေးဝံ့စရာပါ။ အဲဒီတော့ ဒီအခြေအနေတွေကို ကြည့်ပြီးတော့ တပ်မတော်နဲ့ လက်ရှိအစိုးရတို့ ထိထိရောက်ရောက် ကြိုတင်ကာကွယ်မှုတွေ၊ ပြင်ဆင်မှုတွေ၊ အကူအညီရယူမှုတွေ လုပ်သင့်ကြတဲ့ကာလ ဖြစ်ပါတယ်။ အဲဒါကိုဖြစ်အောင် ကြိုးစားကြစေချင်တယ်လို့ ကျနော်အနေနဲ့ အလေးအနက် တိုက်တွန်းချင်ပါတယ်။

မေး ။ ။ အစိုးရနဲ့ တပ်မတော်နဲ့ တိုင်းရင်းသားလက်နက်ကိုင်အင်အားစုတွေနဲ့ ပြည်သူတွေ စုပေါင်းညီညာပြီးတော့ ဒီရောဂါကြီးကို ဝိုင်းပြီးတိုက်ခိုက်ရမယ့် အခြေအနေ ဖြစ်နေတာပေါ့။ ဒီအချိန်မျိုးမှာ သွေးစည်းညီညွှတ်ရဖို့ အရေးကြီးဆုံးပေါ့။

ဖြေ ။ ။ မှန်ပါတယ်။ ကျနော် အပြည့်အဝ သဘောတူပါတယ်။ ကျနော်တို့အားလုံး ဘယ်သူ့ဘယ်သူကိုမှ လက်ညှိုးထိုး အပြစ်တင် ပြောမနေကြဘဲနဲ့ တိုင်းပြည်တခုလုံးနဲ့ဆိုင်တဲ့ အမျိုးသားရေးတာဝန်တရပ်လို့ စစ်တပ်၊ အစိုးရ၊ အစိုးရမဟုတ်တဲ့ အဖွဲ့အစည်းတွေ၊ မီဒီယာ၊ သာမန်ပြည်သူတွေ၊ စီးပွားရေးလုပ်ငန်းရှင်တွေ အကုန်လုံးက ဝိုင်းဝန်ပြီးတော့ လုပ်ကိုင်ကြရင်တော့ ကျနော်တို့ အများကြီးသက်သာမယ်။ နောက်တခါ ဒါကို အခွင့်ကောင်းကြီးတရပ်လို့ ယူဆပြီးတော့ ပြင်ဆင်မှုတွေ၊ ပေါင်းစည်းမှုတွေ၊ အကုန်ဆောင်ရွက်ကြရင်တော့ ဒီကိုရိုနာဗိုင်းရပ်စ်ကြောင့်မို့ ကျနော်တို့မြန်မာနိုင်ငံဟာ သမိုင်းစာမျက်နှာသစ်များ ဖွင့်နိုင်လေမလားလို့ မျှော်လင့်ချင်ပါတယ်။

ဦးကျော်ဇံသာ  / ဗွီအိုအေ (မြန်မာပိုင်း)
https://burmese.voanews.com/a/weekly-news-analysis-covid-and-myanmar-politics/5354804.html