သျှမ်းတောင် ရွာငံမြို့နယ် တရားမဝင် သတ္တုတူးဖော်မှု များရှိနေ

Photo credit to Ma Su Facebook- ရွာငံမြို့နယ် လင်းဝေးကျေးရွာအုပ်စု သဖန်းပင် ကျေးရွာ အတွင်း တရားမဝင် သတ္တုတူးဖော်ထုတ်ယူ သည့်နေရာအား ရွာငံမြို့ ကအုပ်ချုပ်ရေးမှူးများနှင့် လွှတ်တော်ကိုယ်စားလှယ်များက သွားရောက် ကွင်းဆင်းကြည့်ရှုစစ်ဆေးစဉ်

သျှမ်းပြည် တောင်ပိုင်း ဓနုကိုယ်ပိုင် အုပ်ချုပ်ခွင့်ရဒေသ ရွာငံမြို့နယ် အတွင်း တရားမဝင် သတ္တု တူးဖော်မှုများ ရှိနေကြောင်း သတင်းရရှိသည်။

ရွာငံမြို့နယ် လင်းဝေးကျေးရွာအုပ်စု သဖန်းပင် ကျေးရွာ အတွင်း တရားမဝင် သတ္တုတူးဖော်ထုတ်ယူမှုကြောင့် စိုက်ပျိုးမြေများ ပျက်စီး ဆုံးရှုံးမှုများကြောင့် နစ်နာကြေး လျော်ကြေးငွေ ပေးရန် သဖန်းပင်ကျေးရွာ မှ ဒေသခံများက တောင်းဆိုကြသည်။

ထိုနေရာတွင် တရားမဝင် သတ္တုတူးဖော်နေသည့် ကုမ္ပဏီများမှာ G.P.S ကုမ္ပဏီ နှင့် ဟားဘွန် စတား ကုမ္ပဏီတို့ဖြစ်ကြောင်း သိရသည်။

“G.P.S ကတော့ ခွင့်ပြုချက် မရဘဲ တူးတယ်လို့ ဝန်ခံတယ်။ဟားဘွန်စတားက ခွင့်ပြုချက် ရက်ကုန်ဆုံးပြီး ဆက်တူးတယ်။ ဒါက တရားမဝင် တူးဖော်တာပဲ။ ထိရောက်စွာ အရေးယူပေးဖို့ တောင်းဆိုတယ်” ဟု သဖန်းပင် ကျေးရွာ မှ ဦးကျော်တင် က ပြောသည်။

လက်ရှိမှာ G.P.S ကုမ္ပဏီ နှင့် ဟားဘွန်စတား ကုမ္ပဏီ လုပ်ငန်းခွင် များတွင် တရုတ်လူမျိုးများ ပါဝင်နေကြောင်းလည်း ဦးကျော်တင် က ပြောပြသည်။

လွန်ခဲ့သည့် ဇူလိုင်လပိုင်းက G.P.S ကုမ္ပဏီသည် သဖန်းပင် ကျေးရွာသို့ဝင်ရောက်လာပြီး သတ္တုတူးဖော်ရန်အတွက် လမ်းများပြင်ဆင်ခြင်း၊ သတ္တုများ တူးဖော်ခြင်း စတင်ခဲ့သည်ဟု ဒေသခံများ ပြောပြချက် အရ သိရသည်။

စိုက်ပျိုးမြေများ ပျက်စီးနေသည့်အပေါ် ဒေသခံ ၃၀ ဦးနှင့် ရဟန်း ၂ ပါး က သတ္တုတူးဖော်သည့် နေရာကို သွားရောက်လေ့လာကာ လူမှု ကွန်ရက်စာမျက်နှာပေါ် တင်ခဲ့သည်။ ထိုအတွက်လည်း အုပ်ချုပ်ရေးမှူး က လူမှု ကွန်ရက် စာမျက်နှာ ပေါ် မတင်ရန် လာရောက် ကန့်ကွက်ခဲ့သေးသည်။

Photo credit to Ma Su Facebook- ရွာငံမြို့နယ် လင်းဝေးကျေးရွာအုပ်စု သဖန်းပင် ကျေးရွာ အတွင်း တရားမဝင် သတ္တုတူးဖော်ထုတ်ယူ သည့်နေရာအား ရွာငံမြို့ ကအုပ်ချုပ်ရေးမှူးများနှင့် လွှတ်တော်ကိုယ်စားလှယ်များက သွားရောက် ကွင်းဆင်းကြည့်ရှုစစ်ဆေးစဉ်
ရွာငံ အုပ်ချုပ်ရေးမှူး အနေဖြင့် သွားရောက်စစ်ဆေးပြီး တရားမဝင် တူးဖော်နေပါက ဥပဒေ အရ အရေးယူမည်ဟု ဒေသခံများကို ကတိပေးခဲ့သော်လည်း လက်တွေ့တွင် အရေးမယူခဲ့ပေ။

“ ရွာငံ အုပ်ချုပ်ရေးမှူးက ကွင်းဆင်း စစ်ဆေးမယ်။ တရားမဝင် တူးဖော်နေတာ ကို တွေ့ရင် ဥပေဒ နဲ့ အညီ အရေးယူမယ်လို့ ပြောတယ်။ တကယ်တော့ အရေးမယူခဲ့ဘူး” ဟု ဦးကျော်တင် က ပြောပြသည်။

လက်ရှိ သတ္တုတူးဖော်နေသည့် နေရာသည် ရွာငံမှ ၂ နာရီခန့်အကြာ သွားရသည့် တောင်ပေါ်နေရာတွင်ဖြစ်ကြောင်း ၊ သွားလာရန်လည်းခက်ခဲသည့်နေရာဖြစ်ကြောင်း၊ ထိုနေရာတွင် သတ္တုတူးဖော်ခြင်းနှင့် ပတ်သက်ပြီး ဒေသခံများကို အကြောင်းကြားခြင်းမရှိခဲ့ကြောင်း ရွာငံမြို့ ပြည်သူ့ လွှတ်တော် ကိုယ်စားလှယ် ဦးအောင်စိုးမင်း က သျှမ်းသံတော်ဆင့် သို့ပြောသည်။

ထိုနေရာတွင် တူးဖော်နေသည့် G.P.S ကုမ္ပဏီသည် ခွင့်ပြုချက် မကျသေးဘဲ တူးဖော်နေကြောင်း၊ ဟာဘွန်းစတား ကုမ္ပဏီသည် ခွင့်ပြုချက် ရသော်လည်း မေလပိုင်းတွင် ခွင့်ပြုချက် သက်တမ်းကုန်ဆုံးကာ ဆက်လက်တူးဖော်နေသဖြင့် တရားမဝင် တူးဖော်နေခြင်း သာဖြစ်သည် ဟု ဦးအောင်စိုးမင်း က ပြောသည်။

“ ဒီကုမ္ပဏီ ၂ ခု မှာ ပိုင်ရှင် ဘယ်သူလဲဆိုတာ မသိဘူး။ ဒါပေမယ့် အဲ့မှာ တရုတ်တွေ ၂၀ ကျော် ရှိတယ်။ တရုတ်က ပိုင်ရှင်လားဘာလားမသိဘူး” ဟု ဦးအောင်စိုးမင်း ကဆိုသည်။

ဒေသအတွင်း စီမံကိန်း၊ သတ္တုတူးဖော်ခြင်း ပြုလုပ်ပါက ဒေသခံပြည်သူများ၊ လွှတ်တော်ကိုယ်စားလှယ်များကို ဆွေးနွေးပြီး မှ သာ လုပ်သင့်ကြောင်း၊ ယခုကဲ့သို့ တရားမဝင် တူးဖော်ခြင်းကို လက်မခံနိုင်ကြောင်း၊ ထိရောက်စွာ အရေးယူပေးရန်လည်း ဦးအောင်စိုးမင်း က ပြောဆိုလိုက်သည်။

“ ယခု လ ၆ ရက်နေ့က ကျနော်တို့ သွားစစ်ဆေးတော့ ပေ ၁၀၀ ရှည်တဲ့ လိုဏ်ဂူတွေ တူးထားတာတွေ့တယ်။ တချို့ ကလည်း တူးပြီး ပြန်ဖို့ထားတာရှိတယ်။ ဒေသခံ ပြောပြချက် အရ ၃၊ ၄ ကျင်းလောက်ရှိတယ်” ဟု ဦးအောင်စိုးမင်း က ရှင်းပြသည်။

Photo credit to Ma Su Facebook- တူးဖော်နေသည့်သတ္တုကျောက်အမျိုးအစား

သို့သော် တရားမဝင်တူးဖော်နေသည့် သတ္တုတွင်းများကို ရပ်ဆိုင်းရန် ပြောဆိုခဲ့သော်လည်း ယနေ့ထိ တူးဖော်နေသေးကြောင်း သဖန်းပင် ကျေးရွာ ဒေသခံများက ပြောသည်။

“ နေပြည်တော်က စစ်ဆေးရေးတွေ၊လွှတ်တော်အမတ်တွေလာတုန်းက ရပ်ဆိုင်းဖို့ ပြောခဲ့တယ်။ ဒါပေမယ့် ဒီနေ့ ထိ သူတို့က ဆက်တူးနေတုန်းပဲ” ဟု သဖန်းပင်ကျေးရွာက ဦးကျင်တင် က ပြောသည်။

ဓနု ကိုယ်ပိုင်အုပ်ချုပ်ခွင့်ရဒေသ ရွာငံမြို့နယ် တွင် တောင်ယာ စိုက်ပျိုးခြင်းသာ အားကိုးနေရသည့် ဒေသဖြစ်ပြီး သတ္တုများ လာရောက် တူးဖော်မှုကြောင့် တောင်ယာ လုပ်ငန်း အတွက် အခက်ခဲကြုံနေရသဖြင့် သက်ဆိုင်ရာ မှ ထိုကိစ္စကို ထိရောက်စွာ အရေးယူသင့်ကြောင်း ဒေသခံများက ပြောဆိုလိုက်သည်။

ရွာငံမြို့နယ် အတွင်း တရားမဝင် တူးဖော်နေသည့် သတ္တု တွင်း ကုမ္ပဏီ ၅ ခု ထပ်မနည်း ရှိကြောင်း သိရသည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ