နိုင်ငံတော်အတိုင်ပင်ခံပုဂ္ဂိုလ်ကို နေပြည်တော် MICC 2 မှာ ၂၀၁၉ အောက်တိုဘာ ၁ ရက်နေ့ကကျင်းပတဲ့ မြန်မာယူနီကုဒ်စံ စနစ် ကူးပြောင်းတဲ့ အခမ်းအနားမှာတွေ့ရစဉ်
Photo: Thiha Tun/RFA
|
နေပြည်တော် MICC 2 မှာ အစိုးရအဖွဲ့တာဝန်ရှိသူတွေ၊ အိုင်တီပညာရှင်တွေ၊ ယူနီကုဒ် အသုံးပြုရေးနှိုးဆော်တဲ့ အနုပညာရှင်တွေ တက်ရောက်တဲ့ တစ်နိုင်ငံလုံး အတိုင်းအတာနဲ့ မြန်မာယူနီကုဒ်စံ စနစ်ကို ကူးပြောင်းတဲ့ အခမ်းအနားမှာ နိုင်ငံတော်အတိုင်ပင်ခံပုဂ္ဂိုလ်က ယူနီကုဒ် အသုံးပြုကြဖို့ တိုက်တွန်းပြောကြားလိုက်ပါတယ်။
ဒီအပြောင်းအလဲဟာ နိုင်ငံဖွံ့ဖြိုးတိုးတက်ရေးအတွက် အရေးပါတယ်လို့ သူက ဆိုပါတယ်။
ကွန်ပြူတာသုံး မြန်မာစာစနစ်မှာ အားကိုးခဲ့ကြတာကတော့ ယူနီကုဒ်စံမမီတဲ့ ဇော်ဂျီဖောင့် ဖြစ်ပါတယ်။
ဇော်ဂျီကနေ ယူနီကုဒ် ပြောင်းသုံးရာမှာ အခက်အခဲ အနည်းနဲ့အများ ကြုံတွေ့ရမှာ ဖြစ်ပေမယ့် အောင်အောင်မြင်မြင် ကျော်လွှားနိုင်မယ်လို့ ယုံကြည်ကြောင်း ဒေါ်အောင်ဆန်းစုကြည်က ပြောပါတယ်။
ယူနီကုဒ်နဲ့ ရေးသားထားတဲ့ မြန်မာစာကို Google translate ကို သုံးပြီး တခြားဘာသာစကားပြောင်းပြီး ဖတ်နိုင်သလို၊ နိုင်ငံတကာ ဘာသာ အများအပြားကိုလည်း မြန်မာစာနဲ့ ပြောင်းဖတ်နိုင်တော့မှာ ဖြစ်ပါတယ်။ ဒါပေမဲ့ တခြား ဘာသာတွေလိုပဲ ရာနှုန်းပြည့်မှန်ကန်တဲ့ ဘာသာပြန်မှုတော့ မရနိုင်သေးပါဘူး။
ပို့ဆောင်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်ဇင်မောင်က ကမ္ဘာမှာ ယူနီကုဒ် မသုံးသေး တဲ့နိုင်ငံဆိုလို့ မြန်မာပဲ ကျန်တော့တယ်လို့ ပြောပါတယ်။
တပ်မတော် ( ကြည်း၊ရေ၊လေ) သတင်း နည်းပညာဌာနက ဌာနခွဲမှူး ဗိုလ်မှူး နန္ဒအောင်က ဧပြီလကစပြီး သူတို့ဌာနမှာ ယူနီကုဒ်ပြောင်းလဲ အသုံးပြုခဲ့တဲ့ အတွေ့အကြုံကို ပြောပြပါတယ်။
ဝန်ကြီးဌာန အင်တာနက်စာမျက်နှာတွေမှာတော့ ယူနီကုဒ်ကို သုံးနေတာကြာပါပြီ။ ဇော်ဂျီကို မသုံးကြတော့ပါဘူး။ စာရွက်စာတမ်းကိစ္စတွေမှာလည်း ယူနီကုဒ်နဲ့ ရေးသားတင်ပြလာတာကိုပဲ လက်ခံမယ် ဆိုတဲ့ စည်းကမ်းချက် ဌာနအများအပြားကချထားတာ နှစ်နဲ့ချီ ရှိနေပါပြီ။
မြန်မာနိုင်ငံမှာ အင်တာနက်သုံးသူ အများစုဟာ ယူနီကုဒ်စနစ်ကို မပြောင်းလဲကြသေးဘဲ ဇော်ဂျီနဲ့သာ ဆက်လက် အသုံးပြုနေတာများတယ်လို့ လေ့လာသူတချို့က ပြောပါတယ်။
အစိုးရအဆက်ဆက်က ယူနီကုတ် အပြောင်းအလဲကို စိတ်ဝင်စားမှု သိပ်မပြခဲ့ကြပါဘူး။
၁၉၉၂ ခုနှစ်မှာ Win Myanmar စာ စနစ်ကို စတင်တည်ထွင်ခဲ့တဲ့ ဦးဇော်ထွဋ်က ဒီ ယူနီကုဒ်စနစ်ကို လွန်ခဲ့တဲ့ နှစ်ပေါင်းများစွာကတည်းက မြန်မာမှာ အသုံးပြုနိုင်ခဲ့ရမှာလို့ ပြောပါတယ်။
ယူနီကုတ် စနစ်မှာ အသံနဲ့ ပြောတာကို စာနဲ့ ပြောင်းပြီးရေးပေးတဲ့ ပုံစံ ၊ လက်ရေးနဲ့ ရေးသားတာကို ပုံနှိပ်စာလုံးအဖြစ် နည်းပညာသုံးပြီး ပြောင်းပေးတဲ့ ပုံစံတွေပါတယ်လို့ သိရပါတယ်။
RFA Burmese
https://www.rfa.org
ယူနီကုဒ်သုံးဖို့ ဒေါ်အောင်ဆန်းစုကြည် တိုက်တွန်း
Reviewed by THITHTOOLWIN
on
19:53
Rating: