ထိုင်း Vita စက်ရုံ ဆန္ဒပြအလုပ်သမား ၁၅၀ ကျော် အများစုမြန်မာတွေပါဝင်

ထိုင်း Vita စက်ရုံ ဆန္ဒပြအလုပ်သမားများ
ထိုင်းနိုင်ငံ၊ ကန်ချနဘူရီခရိုင်က Vita Food Factory မှာ မြန်မာနဲ့ ထိုင်းအလုပ်သမား ၃၀ ၀ကျော်ကို လုပ်အားခ ၃ လစာ မပေးတာကြောင့် ဆန္ဒပြတောင်းဆိုနေတာ ဒီကနေ့ဆိုရင် ၅ ရက်ရှိပါပြီ။ ထိုင်းလူအခွင့်ရေးရှေနေ ဦးဆောင်ပြီိး ကမ်ချနဘူရီခရိုင် Pak Phraek အမှတ် (၇) ဒေသ မြို့ နယ်တရားရုံးရှေမှာ ဆန္ဒပြမူတွေဆက်လုပ်နေပါတယ်။ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ ထားပါတယ်။

ထိုင်းနိုင်ငံ လူ့ အခွင့်ရေး ရှေ့ နေကြီး Achariya Rueangratanaphong ဦးဆောင်တဲ့ မြန်မာနဲ့  ထိုင်းလူမျိုး ၁၅၆ ဦးဟာ စက်တင်ဘာလ ၁၆ ရက်နေ့ မနက်ပိုင်းကစပြီိး လုပ်အားခ လစာပေးဖို့ ဆန္ဒပြ တောင်းဆိုနေကြတာပါ။

သုံးလစာ လုပ်အားခရှင်းမပေးတာကြောင့် အလုပ်သမားနစ်နာကြေးပေးဖို့ အင်အား ၃၀၀ ကျော်ဟာ မြို့ နယ် ရဲတပ်ဖွဲ့  ၀င်းထဲမှာ စက်တင်ဘာလ ၁၂ ရက်နေ့ က စတင်ဆန္ဒပြခဲ့ကြရာမှာ Vita Food စက်ရုံ တာဝန်ရှိသူက အလုပ်သမားတွေ တောင်းဆိုချက်အတိုင်း နစ်နာကြေးပေးဖို့ လိုက်လျှောမယ်လို့ ဆိုခဲ့ပါတယ်။ ဒါပေမယ့် ၃လစာ ငွေကို ၅ကြိမ်ခွဲပေးမယ်ဆိုတဲ့ လုပ်ငန်းရှင်ရဲ့ တုံ့ပြန်ချက်ကို လက်မခံနိုင်ဘူးလို့  အလုပ်သမား အကျိုးဆောင်ရှေ့နေကြီး ကပြောပါတယ်။

“အလုပ်သမားတွေရဲ့ နစ်နာကြေးပေးဖို့အတွက် အလုပ်သမားတွေအနေနဲ့ တောင်းဆိုပိုင်ခွင့် အခွင့်အရေးအရ တောင်းဆိုတာဖြစ်တယ်။ တောင်းဆိုတာကို တားဆီးပိတ်ပင်လို့ မရဘူး။ အခုလိုမျိုး အလုပ်ရှင်ဘက်က အချိ်န်ဆွဲပြီး ငွေရှင်းပေးမယ်ဆိုတာ အလုပ်သမားတွေ စိတ်ကျေနပ်အောင် ဖြေသိမ့်တာမျိုးဖြစ်ပြီး တကယ်တမ်း အလုပ်ရှင်ဘက်ကပေးမယ်ဆိုတဲ့ မှတ်တမ်းသာရှိပြီး နောင်ပိုင်းမှာ သတင်းအစဖျောက်ပြီး အလုပ်သမားတွေ နေရပ်ပြန်ပို့ တာမျိုးတွေ ဖြစ်ခဲ့ဖူးတယ်” လို့လည်းပြောသွားပါတယ်။

စက်တင်ဘာလ ၁၆ ရက်မှာ အလုပ်သမားရုံးချုပ်ကို ဆန္ဒပြဖို့လာကြတဲ့ အလုပ်သမားတွေ ကိုတော့ အလုပ်သမားရုံးချုပ် နေရာကို မသွားနိုင်အောင် ရဲတွေက ပိတ်ဆို့ ထားတာကြောင့် တရားရေးဌာနကို နေရာ ပြောင်းခဲ့ရတယ်လို့ ဆန္ဒပြပွဲကို ဦးဆောင်နေတဲ့ ထိုင်းရှေ့နေကြီးက ပြောပါတယ်။

နာမည်ကြီး Vita စားသောက်ကုန် (Vita Food Factory) ကုမ္ပဏီဟာ ကမ်ချနဘူရီ ခရိုင်အတွင်းမှာ ဘတ်သန်း ၄၀၀ ကျော် ရင်းနှီးမြှုပ်နှံထားတဲ့ ကုမ္ပဏီ ဖြစ်ပါတယ်။ ဒီစက်ရုံမှာ လုပ်ကိုင်နေကြတဲ့ အလုပ်သမားတွေ ဟာလည်း မြန်မာအများစုဖြစ်ပါတယ်။ ထိုင်း နဲ့ မြန်မာအလုပ်သမား ၃၀၀ ကျော်ကို ၃လကြာတဲ့အထိ လုပ်အားခ လစာရှင်းမပေးလို့  အလုပ်သမားတွေက သက်ဆိုင်ရာ ဌာနတွေကို တိုင်ကြားခဲ့ပေမယ့် လာရောက် အရေးယူဖြေရှင်းပေးခဲ့ခြင်း မရှိဘူးလို့ လည်း ရှေ့နေဖြစ်သူက ဆိုပါတယ်။

မြန်မာနိုင်ငံသားအများစုပါဝင်တဲ့ အလုပ်သမား ၃၀၀ ရဲ့လုပ်အားခ နစ်နာကြေးအဖြစ် ဘတ်ငွေ သန်း ၂၀ ပေးချေဖို့  အလုပ်သမားတွေဘက်က တောင်းဆိုထားပါတယ်။

မအေးအေးမာ/ ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ