မိုင္းကိုင္ၿမိဳ႕နယ္အတြင္း ျမန္မာ့တပ္မေတာ္ႏွင့္ RCSS ထိေတြ႕မွု ျဖစ္



Share/Bookmark

စက္တင္ဘာလ ၂၄ ရက္ ၂၀၁၉

သၽွမ္းျပည္နယ္ ေတာင္ပိုင္း မိုင္းကိုင္ၿမိဳ႕နယ္ အတြင္း ျမန္မာ့တပ္မေတာ္ႏွင့္ သၽွမ္းတပ္မေတာ္(RCSS/SSA) တို႔ ထိေတြ႕မွု ျဖစ္ပြားခဲ့ေၾကာင္း သတင္းရရွိခဲ့သည္။

ျမန္မာ့တပ္မေတာ္၏ အပစ္ရပ္ကာလ ကုန္ၿပီး ၂ ရက္ အၾကာတြင္ ျမန္မာ့တပ္မေတာ္ စစ္ေၾကာင္း ႏွင့္ အပစ္ခတ္ရပ္စဲေရးသေဘာတူ စာခ်ဳပ္လက္မွတ္ထိုးထားသည့္ သၽွမ္းတပ္မေတာ္ RCSS/SSA တို႔ စက္တင္ဘာလ ၂၃ ရက္ ယမန္ေန႔က ၁၅ မိနစ္ၾကာ ထိေတြ႕မွု ျဖစ္ပြားခဲ့ေၾကာင္း RCSS/SSA မွ ေျပာေရးဆိုခြင့္ရွိသူ ဒုတိယ ဗိုလ္မွူးႀကီး စိုင္းဦးက ေျပာသည္။

“ မေန႔က လြိဳင္လမ္ ေက်းရြာ နားမွာ တပ္မေတာ္နဲ႔ က်ေနာ္တို႔ ထိေတြ႕မွုေတြျဖစ္ခဲ့ပါတယ္။ ျမန္မာ့တပ္မေတာ္ဘက္က က်ေနာ္တို႔ကို အေၾကာင္းမၾကားဘဲတက္လာေတာ့ ထိေတြ႕မွု ျဖစ္တာပါ။ ၁၅မိနစ္ပါပဲ” ဟု ဒု ဗိုလ္မွူးႀကီး စိုင္းဦး က ဆိုသည္။

ျမန္မာ့တပ္မေတာ္ ႏွင့္ RCSS/SSA ျဖစ္ပြားသည့္ ထိေတြ႕မွု တိုက္ပြဲသည္ အေသးစား တိုက္ပြဲျဖစ္ကာ ႏွစ္ဖက္ တပ္သားထိခိုက္မွုမရွိေၾကာင္း၊ ယခုႏွစ္အတြင္း ျမန္မာ့တပ္မေတာ္ႏွင့္ RCSS/SSA တို႔ၾကား မၾကာခဏ ျဖစ္ပြါးေသာ ထိေတြ႕မွု မ်ားသည္ အေသးစားတိုက္ပြဲမ်ားသာ ျဖစ္ေၾကာင္း သိရသည္။

ျမန္မာ့တပ္မေတာ္ သည္ စစ္တိုင္း ၅ ခု တြင္ တဖတ္သက္ အပစ္ရပ္ေရးကို ၂၀၁၈ ဒီဇင္ဘာလကစၿပီး ၂၀၁၉ ခုႏွစ္ စက္တင္ဘာ ၂၁ ရက္ေန႔ထိ ျပဳလုပ္ခဲ့သည္။

စက္တင္ဘာ ၂၁ ရက္ေနာက္ပိုင္း စစ္ဆင္ေရး လွုပ္ရွားမွု ရပ္ဆိုင္းေၾကာင္းထပ္မံေၾကျငာျခင္းမရွိခဲ့ေပ။

Panglong(Burmese)
https://www.facebook.com/ShanNewsBurmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ