ကျောက်မဲမြို့နယ် အတွင်း RCSS နှင့် TNLA တိုက်ပွဲဖြစ်ပွား


စက်တင်ဘာလ ၁၇ ရက် ၂၀၁၉

သျှမ်းပြည်နယ် မြောက်ပိုင်း ကျောက်မဲမြို့နယ် အတွင်း RCSS/SSA နှင့် TNLA တို့ ထိတွေ့မှု တိုက်ပွဲဖြစ်ပွားခဲ့ကြောင်း သတင်းရရှိသည်။

စက်တင်ဘာလ ၁၆ ရက်ညနေပိုင်းက ကျောက်မဲမြို့ နယ် မိုင်းငေါ့မြို့နယ်(ခွဲ) ဟိန်းဝိုးရွာနှင့် ခင်းမ်ကောဝ် ကျေးရွာကြားတွင် မွန်းလွဲ ၂ နာရီခွဲတွင် သျှမ်းပြည် ပြန်လည် ထူထောင်ရေး ကောင်စီ၊ သျှမ်းပြည်တပ်မတော်( RCSS/SSA) နှင့် တအာင်း(ပလောင်) အမျိုးသားလွတ်မြောက်ရေး တပ်မတော် (TNLA) တို့ တိုက်ပွဲဖြစ်ပွားခဲ့ဖြင်းဖြစ်သည်။

TNLA တပ်မှ နယ်မြေလုံခြုံရေး ဆောင်ရွက်နေချိန် RCSS တပ်ဖွဲ့မှ ထိုးစစ်ဆင် ဝင်ရောက်လာသည်ဟု တအာင်း(ပလာင်)တပ် မှ စက်တင်ဘာ ၁၆ရက် ထုတ်ပြန်ချက်တွင်ရေးသားထားသည်။

“ မနေ့က ကျနော်တို့ RCSS နဲ့ TNLA တိုက်ပွဲ ကနည်းနည်း ကြာတယ်။ ၁ နာရီကျော် ၂ နာရီ နီးပါးလောက် တိုက်ကြတယ်။ TNLA က ကျနော်တို့ တပ်ကိုလာပြီးပစ်တာပါ” ဟု RCSS/SSA ပြောရေးဆိုခွင့်ရှိသူ ဒုတိယ ဗိုလ်မှူးကြီး စိုင်းဦး က သျှမ်းသံတော်ဆင့် ကို ပြောသည်။

ကျောက်မဲမြို့နယ် အတွင်း RCSS နှင့် TNLA တို့သည် မကြာခဏ ထိတွေ့ တိုက်ပွဲဖြစ်ပွားကြောင်း၊ တိုက်ပွဲများ လျော့ကျရေးအတွက် နှစ်ဖက် ထိပ်ပိုင်းခေါင်းဆောင်များ တွေ့ဆုံ ဖြေရှင်းရန် အကောင်းဆုံးဖြစ်သည်ဟု ဒုတိယ ဗိုလ်မှူးကြီး စိုင်းဦး က ပြောသည်။

RCSS နှင့် TNLA တို့သည် ၂၀၁၅ ခုနှစ်က တိုက်ပွဲများ စတင်ဖြစ်ပွါးခဲ့ပြီး တိုက်ပွဲဖြစ်ရခြင်းအကြောင်းရင်းကိုလည်း အပြန်အလှန် စွပ်စွဲခဲ့ကြသည်။

“ မနေ့က RCSS နဲ့ TNLA ဖြစ်တဲ့ တိုက်ပွဲက တော်တော်ပြင်းတယ်ထင်တယ်။ အချိန်တော်တော်ကြာတယ်။ နေအိမ်ထိတာတွေ လူထိတာတွေတော့မရှိဘူး” ဟု မိုင်းငေါ့ ဒေသခံ အမျိုးသားတဦးက ပြောသည်။

အပစ်ရပ်ကြောင်းအဖွဲ့အစည်းအသီးသီးက ကြေငြာချက်များထုတ်ပြန်ထားသော်လည်း သျှမ်းပြည်နယ် မြောက်ပိုင်း ကျောက်မဲမြို့နယ်နှင့်နမ့်ဆန်မြို့နယ်များအတွင်းမြန်မာ့တပ်မတော် နှင့် TNLA၊ RCSS နှင့် TNLA တို့ ကြားတိုက်ပွဲများ ဆက်လက် ဖြစ်ပွါးနေပါသည်။

Panglong(Burmese)
https://www.facebook.com/ShanNewsBurmese
ကျောက်မဲမြို့နယ် အတွင်း RCSS နှင့် TNLA တိုက်ပွဲဖြစ်ပွား ကျောက်မဲမြို့နယ် အတွင်း RCSS နှင့် TNLA တိုက်ပွဲဖြစ်ပွား Reviewed by THITHTOOLWIN on 00:09 Rating: 5
Powered by Blogger.