ဟာရီကိန်း Dorian ကနေဒါကို ဝင်ရောက်

ဟာရီကိန်း Dorian ကြောင့် မြောက်ကယ်ရိုလိုင်းနား Nags Head မြို့တွင် ဓာတ်တိုင်များ လဲကျနေစဉ်။ (စက်တင်ဘာ ၇၊ ၂၀၁၉)
သမိုင်းဝင် အကြီးမားဆုံး ဟာရီကိန်းမုန်တိုင်းဖြစ်တဲ့ Dorian ဟာ မြောက်အတ္တလန္တိတ် သမုဒ္ဒရာဘက်ကို ဦးတည်မထွက်ခွာခင် တနင်္ဂနွေက သူ့ရဲ့ နောက်ဆုံးရိုက်ခတ်မှုအဖြစ် ကနေဒါ အရှေ့ခြမ်းကို ၀င်ရောက်ခဲ့ပါတယ်။

ဟာရီကိန်းမုန်တိုင်း အဆင့်ကနေ အားပျော့သွားပေမယ့် ဆိုက်ကလုန်မုန်တိုင်းအဆင့် လေပြင်းအားရှိနေတဲ့ Dorian ဟာ ကနေဒါအရှေ့ပိုင်း ပင်လယ်နဲ့နီးတဲ့ ဒေသတွေနဲ့ Quebec ပြည်နယ် အရှေ့ဖျားကို မွှေနှောက် တိုက်ခတ်ခဲ့ပါတယ်။

အိမ်တွေ၊ အဆောက်အဦတွေရဲ့ အမိုးတွေ ပျက်စီးခဲ့ပြီး သစ်ပင်တွေလည်း အမြစ်ကနေ ကျွတ်ထွက် ကျိုးကျခဲ့ပါတယ်။ လူပေါင်းထောင်ချီအတွက်လည်း လျှပ်စစ်မီးတွေ ပြတ်တောက်ခဲ့ပါတယ်။ ဒါပေမယ့် အခုချိန်ထိ မုန်တိုင်းကြောင့် သေဆုံးသူစာရင်း ကနေဒါမှာ မထုတ်ပြန်သေးပါဘူး။

ဒီအတောအတွင်းမှာပဲ Dorian မုန်တိုင်းဒဏ် အလူးအလဲခံခဲ့ရတဲ့ Bahamas နိုင်ငံမှာ ရှာဖွေရေးနဲ့ ကယ်ဆယ်ရေး လုပ်ငန်းတွေအတွက် နေရာပေးဖို့ Bahamas နိုင်ငံပေါ် ဖြတ်သန်းမယ့် အမေရိကန် လေကြောင်းလိုင်း အစီအစဉ်တွေကို အမေရိကန် ပြည်ထောင်စု လေကြောင်းပျံသန်းမှုဆိုင်ရာ စီမံခန့်ခွဲရေးဌာန FAA ကနေ ယာယီကန့်သတ်ထားပါတယ်။ Bahama အစိုးရရဲ့ မေတ္တာရပ်ခံမှုကြောင့် အခုလို စီမံဆောင်ရွက်ခဲ့တာဖြစ်ကြောင်း FAA က ပြောပါတယ်။

Abaco နဲ့ Great Baham ကျွန်းတွေကို သွားရောက်ကြည့်ရှုခဲ့တဲ့ အမေရိကန် ပြည်ထောင်စု နိုင်ငံတကာ ဖွံ့ဖြိုးရေးအေဂျင်စီ (USAID) ရဲ့ အကြီးအကဲ Mark Green ကတော့ အပျက်အစီးတွေဟာ နျူကလီးယား ဗုံးကြဲလိုက်သလိုမျိုး ဖြစ်နေကြောင်း ပြောခဲ့ပါတယ်။

ပြန်လည်ထူထောင်ရေးအတွက် အချိန်အတော်ကြာမယ်ဆိုတာကို သိရှိထားပြီး လတ်တလော ကူညီကယ်ဆယ်ရေး လုပ်ငန်းတွေကို အမေရိကန်ဘက်က အကူအညီပေးဖို့ Bahama အစိုးရနဲ့ အနီးကပ် လုပ်ဆောင်နေတယ်လို့လည်း Green က ပြောကြားခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ