ဟာရီကိန်း Dorian အားပျော့ပြီး အမေရိကန် ဖလော်ရီဒါ ဘက်ဦးတည်


ဟာရီကိန်း မုန်တိုင်း Dorian က Grand Bahama ကျွန်းကို အင်္ဂါနေ့မှာ အကြီးအကျယ် မွှေနှောက် တိုက်ခတ် ဖျက်စီးခဲ့ပြီး အမေရိကန်ရဲ့ တောင်ပိုင်း ပြည်နယ် ဖလော်ရီဒါကို စတင်ချဉ်းကပ်လာ နေပါတယ်။

အပန်းဖြေ ခရီးသွားတွေကြား ကျော်ကြားတဲ့ ဘဟားမား နိုင်ငံမှာ အန္တရာယ် အကြီးဆုံး အဖြစ် သတ်မှတ်ထားတဲ့ ပြင်းအား အဆင့် ၅ ဟာရီကိန်း မုန်တိုင်း အဖြစ်နဲ့ ပထမဆုံး ၀င်ရောက်တိုက်ခတ်ခဲ့ပြီးနောက် တနာရီကို လေတိုက်နှုန်း ၁၇၅ ကီလိုမီတာ နှုန်း ရှိလာတဲ့ ဟာရီကိန်း မုန်တိုင်း Dorian က အခုတော့ ပြင်းအား အဆင့် ၂ မုန်တိုင်း အဖြစ် သတ်မှတ်ထားပါတယ်။ ဒါပေမယ့်လည်း တချိန်တည်းမှာဘဲ မုန်တိုင်းက ကြီးလာနေတယ်လို့ အမေရိကန် ဟာရီကိန်း စောင့်ကြည့် စင်တာက ပြောဆိုထားပါတယ်။

အမေရိကန် ပြည်ထောင်စု ဖလော်ရီဒါ ပြည်နယ် ကမ်းခြေကို ဦးတည်ပြီး အနောက်မြောက်ဘက်ကို တနာရီ ၄ ကီလိုမီတာ နှုန်းနဲ့ ရွေ့လျားလာနေတဲ့ Dorian ဟာရီကိန်းက အလွန် အန္တရာယ်ရှိနေဆဲလို့လည်း မိုးလေ၀သ ပညာရှင်တွေက ပြောဆိုကြပါတယ်။ အမေရိကန် ပြည်ထောင်စုရဲ့ အရှေ့ပိုင်းကို ဦးတည်ပြီး ဗုဒ္ဓဟူးနေ့ ညပိုင်းမှာ မုန်တိုင်း ဦးမလှည့်ခင် အင်္ဂါနေ့ နှောင်းပိုင်းမှာ Dorian က အနည်းငယ် ပိုမြန်လာမယ်လို့လည်း မိုးလေ၀သ ပညာရှင်တွေက ခန့်မှန်းကြပါတယ်။

အင်္ဂါနေ့ ညပိုင်းမှာ ဟာရီကိန်း Dorian က ဖလော်ရီဒါ ကမ်းခြေကို အန္တရာယ်ကြီးတဲ့ အခြေအနေမျိုးနဲ့ ချဉ်းကပ်လာပြီး ဂျော်ဂျီယာနဲ့ တောင်ကယ်ရိုလိုင်းနား ကမ်းခြေတွေကို ဗုဒ္ဓဟူးနေ့ညနဲ့ ကြာသပတေးနေ့ တို့မှာ ချဉ်းကပ်လာဖွယ်ရှိပြီး ကြာသပတေးနေ့မှာတော့ မြောက် ကယ်ရိုလိုင်းနား ကမ်းခြေတွေကို ဦးတည်မယ်လို့ ဟာရီကိန်း စောင့်ကြည့်ရေး စင်တာက ပြောဆိုထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ