ဇင္းက်ိဳက္ၿမိဳ႕ဖလပ္ေဈးတြင္ ကေလးငယ္တစ္ဦးထံမွေ႐ႊဆြဲႀကိဳးျဖတ္လုမႈျဖစ္ပြား


ဇင္းက်ိဳက္ စက္တင္ဘာ ၁၃

ဇင္းက်ိဳက္ၿမိဳ႕၊ ဖလပ္ရပ္ကြက္ေဈးတြင္ အဖြားႏွင့္အတူလိုက္ပါလာေသာ ကေလးငယ္တစ္ဦး၏လည္ပင္းတြင္ဝတ္ဆင္ထားေသာ ေ႐ႊဆြဲႀကိဳးတစ္ကုံးအား အမ်ိဳးသမီးတစ္ဦးက ကတ္ေၾကးျဖင့္ ျဖတ္လုမႈျဖစ္ပြားခဲ့ေၾကာင္းသိရသည္ ။

ျဖစ္စဥ္မွာ မြန္ျပည္နယ္ ၊ ေပါင္ၿမိဳ႕နယ္ ၊ ဇင္းက်ိဳက္ၿမိဳ႕ ၊ ဖလပ္ရပ္ကြက္ေဈးအတြင္း၌ စက္တင္ဘာ ၁၂ ရက္ နံနက္ ၈ နာရီခန႔္က ေဒၚမိေလး ၊ ၅၆ ၊ ( ႏွစ္ ) ၊ အင္းပိုင္း (၁၃) ရပ္ကြက္ ၊ ဇင္းက်ိဳက္ၿမိဳ႕ ၊ ေပါင္ၿမိဳ႕နယ္ေနသူသည္ သမီးျဖစ္သူ မခိုင္ခိုင္ထြန္း ၊ ေျမးျဖစ္သူ မႏွင္းယမင္းမြန္တို႔ႏွင့္အတူ ဇင္းက်ိဳက္ၿမိဳ႕ ၊ဖလပ္ရပ္ကြက္ေဈးအတြင္းတြင္ ေဈးဝယ္ေနစဥ္မခိုင္ခိုင္ထြန္းမွ "ႏွင္းယမင္းမြန္ရဲ႕ဆြဲႀကိဳးမရွိေတာ့ဘူး " ဟု မိခင္ျဖစ္သူအားလွမ္းေျပာလိုက္သျဖင့္ ေဒၚမိေလးမွာအေနာက္ဘက္သို႔လွည့္ၾကည့္လိုက္စဥ္ အမည္မသိ အမ်ိဳးသမီးတစ္ဦးက မႏွင္းယမင္းမြန္၏ လည္ပင္းတြင္ဝတ္ဆင္ထားသည့္ ေ႐ႊဆြဲႀကိဳးအား ျဖတ္ေျပးသြားသည္ကို ျမင္ေတြ႕လိုက္ရသျဖင့္ သူခိုး သူခိုးဟု ေအာ္ဟစ္ေျပာဆို၍ ၎အမ်ိဳးသမီး၏လက္အားလွမ္းဆြဲခဲ့ရာ အနီးအနားမွလူမ်ားက ဝိုင္းဝန္းကူညီေပးခဲ့သျဖင့္ ထိုအမည္မသိအမ်ိဳးသမီးလက္ အတြင္းဝယ္ မႏွင္းယမင္းမြန္၏ ေ႐ႊဆြဲႀကိဳး ၊ ၁၅ ပဲရည္ သံႀကိဳးအမ်ိဳးအစား အေလးခ်ိန္( ၆ ) ပဲခန႔္ ၊ ျပတ္လွ်က္သား ( ၁ ) ကုံးႏွင့္ အရွည္( ၄ )လက္မခန႔္ရွိ ထိပ္ဖ်ားခြၽန္ကတ္ေၾကးအေသး( ၁ ) ခုတို႔အား ေတြ႕လိုက္ရသည္ ။၎အမည္အားေမးျမန္းရာ မလဲ့လဲ့မ်ိဳး ၊ ၅၀ (ႏွစ္) ၊ ကြင္းေက်ာင္းလမ္း ၊ ေဈးႀကိဳရပ္ ၊ ေမာ္လၿမိဳင္ၿမိဳ႕ေနသူျဖစ္ေၾကာင္း သိရသည္။

သိုျဖစ္ပါ၍ ေျမးျဖစ္သူ မႏွင္းယမင္းမြန္၏ လည္ပင္းတြင္ ဝတ္ဆင္ထားေသာ ေ႐ႊဆြဲႀကိဳးအား ကတ္ေၾကးျဖင့္ျဖတ္ကာခိုးယူထြက္ေျပးခဲ့သူ မလဲ့လဲ့မ်ိဳးအား ဥပေဒအရအေရးယူေပးပါရန္ ေဒၚမိေလးမွ တိုင္တန္းသျဖင့္ ေပါင္ၿမိဳ႕မရဲစခန္းက အမႈဖြင့္စစ္ေဆးေဆာင္႐ြက္ထားေၾကာင္း သိရသည္ ။

ေနျခည္ ( ဇင္းက်ိဳက္ )
Myanmaalinn
https://www.facebook.com/MYANMAALINNNEWS/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ