ကျောက်ဖြူအထူးစီးပွားရေးဇုန်ကို ဒီနှစ်မကုန်ခင် အကောင်အထည်ဖော်ဖို့ အစိုးရကို ရခိုင်လူထုတောင်းဆို

ကျောက်ဖြူ အထူး စီးပွားရေးဇုန် စီမံကိန်းကြောင့် အလုပ်အကိုင် အခွင့်အလမ်းတွေ ပေါ်လာမယ်လို့ဆို
ရခိုင်ပြည်နယ်ကျောက်ဖြူမြို့မှာ စက်တင်ဘာ ၂၈ရက်နေ့ လူပေါင်း ၆၀၀ ကျော် တက်ရောက်ခဲ့တဲ့ ကျောက်ဖြူ ခရိုင် ဒေသခံတိုင်းရင်းသားများတွေ့ဆုံဆွေးနွေးပွဲ တစ်ခုကတဆင့် ကျောက်ဖြူ အထူး စီးပွားရေး ဇုန်ကို ဒီနှစ်မကုန်မီ စတင် အကောင်အထည်ဖော် တည်ဆောက်ပေးဖို့ နိုင်ငံတော် အစိုးရကို တောင်းဆိုခဲ့ကြပါတယ်။

အဆိုပါ လူထုအစည်းအဝေးကို ကျောက်ဖြူမြို့ အမုန်းတရားကင်းမဲ့ဇုန် အစည်း အဝေး ခန်းမမှာ ပြုလုပ်ခဲ့ပြီး ကျောက်ဖြူ၊ ရမ်းဗြဲ၊ မာန်အောင်နဲ့ အမ်းမြို့နယ် ၄ ခုက ကိုယ်စားလှယ်တွေ အပါအဝင် နိုင်ငံရေး ပါတီ တွေကိုယ်စားလှယ် လွှတ်တော်ကိုယ်စားလှယ်တွေ စုစုပေါင်း လူပေါင်း ၆၀၀ ကျော်တက်ရောက် ခဲ့ကြပါ တယ်။

အဒီ အစည်းအဝေးမှာ ကျောက်ဖြူမြို့မှာ တည်ဆောက်မယ့် အထူးစီးပွားရေးဇုန်ကို ဒီနှစ်မကုန်ခင် စတင် တည်ဆောက်ပေးဖို့ နိုင်ငံတော် အစိုးရကို တောင်းဆိုဖို့ ဆုံးဖြတ်ခဲ့ကြပါတယ်။

ဘာကြောင့် ခုလိုတောင်းဆိုရတယ်ဆိုတာကို

' ' ရခိုင်ပြည်မှာက ဘာစီးပွားရေးလုပ်ငန်း ဘာစက်မှုလုပ်ငန်းမှ မရှိတော့ ရခိုင်တွေက ဘာအလုပ်အကိုင် အခွင့်အလမ်းမရှိတော့။ ဝင်ငွေရလမ်းမရှိတော့ အဲ့လိုအခြေအနေမှာ ရခိုင်တွေက ရခိုင်ပြည်နယ်ရဲ့ပြင်ပကို နည်းမျိုးမျိုးနဲ့ထွက်ပြီးသွားလုပ်နေရတယ်။ ပြည်ပမှာပဲဖြစ်ဖြစ် ပြည်မကိုပဲဖြစ်ဖြစ် သွားနေရတယ်။ ဒီအခက် အခဲကို ဖြေရှင်းနိုင်ဖို့ဆိုရင် စက်ရုံအလုပ်ရုံတွေ ဒီဒေသမှာ မြန်မြန်လုပ်ကိုင်နိုင်ဖို့ လိုအပ်လာပြီ''လို့ ကျောက်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးဘရှင် ကပြောပါတယ်။

အခု တည်ဆောက်မယ့် ကျောက်ဖြူ အထူးစီးပွားရေးဇုန်ဟာ ယခင် ဦးသိန်းစိန်လက်ကထက်ကတည်းက အကောင်အထည်ဖော် ဆောင်ရွက်ခဲ့တဲ့ စီမံကိန်းဖြစ်ပေမယ့် အဲအစိုးရသက်တမ်းမှာရော အခု အစိုးရ သက်တမ်းမှာရော ဘာမှ အကောင်အထည်ဖော် ဆောင်ရွက်တဲ့ အနေအထားမျိုး မတွေ့ရတဲ့ အတွက် ကျောက်ဖြူဒေသခံ တိုင်းရင်းသားတွေက ခုလို တောင်းဆိုလာကြတာဖြစ်တယ်လို့ သိရပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ