ကျောက်တော်မှာ ရဲတပ်ဖွဲ့ဝင်တစ်ဦးဓါးထိုးခံရပြီး သေဆုံး

ပြီးခဲ့တဲ့ သြဂုတ်လက လည်း ရဲတပ်ဖွဲ့မှူး ရဲမှူး စောသန်းလွင် လူတစ်စုကဓါးနဲ့ထိုးခံခဲ့ရပါတယ်။
ရခိုင်ပြည်နယ် ကျောက်တော်မြို့မရဲစခန်းမှာ တာဝန်ထမ်းဆောင်နေတဲ့ ရဲတပ်ကြပ်ကြီးတစ်ဦးဟာ စက်တင်ဘာ ၂၂ ရက်နေ့မနက် ၇ နာရီလောက်မှာ ဓါးထိုးခံရပြီး သေဆုံးသွားတယ်လို့ ဒေသခံတွေရဲ့ပြောပြချက်အရ သိရပါတယ်။

သေဆုံးသွားတဲ့ ရဲတပ်ကြပ်ကြီးဟာ ဦးမောင်လှ အသက် ၅၀ နှစ်ဖြစ်ကြောင်း သူဟာကျောက်တော်မြို့ခံဖြစ်ပြီး ပြည်တော် သာရပ်ကွက်မှာ နေထိုင်သူတစ်ဦးလည်းဖြစ်ပါတယ်။

စက်တင်ဘာ ၂၂ ရက်နေ့ သူ့ရဲ့နေအိမ်အပြင်ဘက်မှာ ဓါးနဲ့ထိုးခံခဲ့ရတာ ဖြစ်တယ်လို့ ဒေသခံတွေက ဆိုပါတယ်။

"ဓားထိုးသတ်ခံလိုက်ရသူက ရဲတပ်ကြပ်ကြီးပါ။ ကျောက်တော်စခန်းမှာတာဝန်ကျနေတာပါ။ သူနေတာက ပြည်တော်သာရပ်ကွက်မှာ နေတာပေါ့။ မနက်ပိုင်းက သူအိမ်ကနေထွက်လာတဲ့အချိ န် ၇ နာရီလောက်မှာ အသတ်ခံလိုက်ရတာပါ။"လို့ အမည်မဖော်လို သူ ကျောက်တော်မြို့ခံတစ်ဦးကေပြာပါတယ်။

ဖြစ်စဉ်နဲ့ပတ်သက်လို့ သိရှိလိုတဲ့အတွက် ကျောက်တော်မြို့မရဲစခန်းနဲ့ ပြည်တော်သာရပ်ကွက်အုပ်ချုပ်ရေးမှူးတို့ဆီကို ဆက်သွယ်ခဲ့ပေမယ့် အဆက်အသွယ်မရခဲ့ပါဘူး။

လုပ်ကြံသတ်ဖြတ်ခံလိုက်ရတဲ့ ရဲတပ်ကြပ်ကြီး ဦးမောင်လှဟာ ဓါးထိုးဒဏ်ရာသုံးချက်ရရှိခဲ့ပြီး ဆေးရုံကိုပို့ဆောင်ပေးပေမယ့် ကျောက်တော်ဆေးရုံမှာ ဆေးကုသမှုခံယူနေရင်း သေဆုံးသွားခဲ့တာဖြစ်ပါတယ်။

ဘူးသီးတောင်မြို့ပေါ် ၆ ရက်ကွက်မှာလည်း စက်တင်ဘာလ၂၂ ရက်မနက်ပိုင်းက အခုလိုမျိုးဓါထိုးမှုဖြစ်ခဲ့ပြီး ဓါးထိုးခံရသူ ဦးသိန်းထွန်း အသက် ၆၀ ဟာ နေအိမ်ခြံဝင်းအတွင်းမှာ သေဆုံးသွားခဲ့တာဖြစ်ပါတယ်။

သတ်ဖြတ်ခဲ့သူတွေဟာ ဘယ်သူတွေဖြစ်တယ်ဆိုတာကိုမသိရရှိရကြောင်းနဲ့ ဖမ်းဆီးနိုင်ခြင်းမရှိသေး ကြောင်း ဒေသခံတွေက ပြောပါတယ်။

အခုလိုမျိုး ရခိုင်ပြည်နယ်အတွင်း သတ်ဖြတ်ခံရသူတွေဟာ တဖြေးဖြေးများပြားလာနေပြီး မြေပုံ၊ မင်းပြား၊ ကျောက်တော်၊ ပုဏ္ဏားကျွန်း၊ ရသေ့တောင်နဲ့ ဘူးသီးတောင်မြို့နယ်တွေမှာ အခုလိုမျိုး သတ်ဖြတ်မှုတွေ ဖြစ်ပွားနေတာဖြစ်ပါတယ်။

လွန်ခဲ့တဲ့ သြဂုတ်လ ၁၉ ရက်နေ့ ညနေ ၆ နာရီလောက်မှာ ကျောက်တော်မြို့နယ် ရဲတပ်ဖွဲ့မှူး ရဲမှူး စောသန်းလွင်ကို ကျောက်တော်သင်္ဘောဆိပ်အနီးမှာ လူတစ်စုကဓါးနဲ့ထိုးခံရပြီးတော့ ပုဏ္ဏားကျွန်းမြိ့နယ် ယိုးတရုတ်ရဲကင်းစခန်းက ဒုရဲအုပ်တစ်ဦးကို ကျေးရွာဈေးမှာ ဈေးဝယ်နေစဉ် လူတစ်စုက ဓါးနဲ့ထိုးသတ်သွားတဲ့ ဖြစ်စဉ်တွေဖြစ်ပွားခဲ့ဖူးပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ