မြင်းခွာရွက်က အလှအပနဲ့ ကျန်းမာရေးအတွက် ဘယ်လိုအကျိုးပြုသလဲ


၂၉ စက်တင်ဘာ

မြင်းခွာရွက်က အလှအပနဲ့ ကျန်းမာရေးအတွက် ဘယ်လိုအကျိုးပြုသလဲ

ရေစပ်စပ်နားမှာ ပေါက်လေ့ရှိပြီး အစိမ်းရောင်ရှိတဲ့ မြင်းခွာရွက်ကို သုပ်စားကြတာရှိသလို၊ ဟင်းချိုလည်း ချက်သောက်ကြပါတယ်။ မျက်စိအားကောင်းချင်တဲ့သူတွေကတော့ မြင်းခွာရွက်ကို ရေစင်အောင် ဆေးကြောပြီး ထောင်းကာ အရည်ညှစ်သောက်ကြပါတယ်။ တကယ်တော့ မြင်းခွာရွက်မှာ မျက်စိကျန်းမာရေးကောင်းစေတဲ့ အာဟာရဓါတ်တွေအပြင် အလှအပနဲ့ တခြားခန္ဓာကိုယ် အစိတ်အပိုင်းတွေရဲ့ ကျန်းမာရေးကိုပါ ကောင်းစေတဲ့ ဂုဏ်သတ္တိတွေ ရှိပါတယ်။

ကျန်းမာရေးကောင်းမွန်စေခြင်း

“Neurological sciences”ဂျာနယ်မှာတော့ မြင်းခွာရွက်ဟာ ဓါတုပစ္စည်းတွေကြောင့် ဦးနှောက် ထိခိုက်ပျက်စီးခြင်းတွေ မဖြစ်အောင် ကာကွယ်ပေးတယ်လို့ ဆိုထားပါတယ်။ မြင်းခွာရွက်ဟာ အသည်းကျန်းမာရေးအတွက်လည်း တော်တော်လေးကို အထောက်အကူပြုပါတယ်။ မြင်းခွာရွက်မှာ asiaticosida ပါဝင်တာမို့ အသည်းပျက်စီးခြင်းတွေကို ကာကွယ်ပေးပါတယ်။ ဆဲလ်တွေ ပျက်စီးခြင်းကို လျှော့ချပေးပြီး အသည်းရဲ့ လုပ်ဆောင်ချက်တွေ ပိုမိုကောင်းမွန်အောင် လုပ်ဆောင်ပေးပါတယ်။ မြင်းခွာရွက်ဟာ ဆီးအိမ်မှာ ပိုးဝင်တာတွေ မဖြစ်စေဖို့ ကာကွယ်ရာမှာ အသုံးဝင်ပါသေးတယ်။ မြင်းခွာရွက်ဟာ ဆီးအိမ်နာကျင်ခြင်းကို ဖြစ်စေတဲ့ ဘက်တီးရီးယားပိုးတွေ ဝင်မလာနိုင်အောင် ကာကွယ်ပေးပါတယ်။

Free radicals တွေဟာ ခန္ဓာကိုယ် ကျန်းမာဖို့ အနှောင့်အယှက် ပေးလွန်းတဲ့ အရာပါ။ အကယ်လို့ ခန္ဓာကိုယ်ထဲမှာ ရှိတဲ့ Free radicals တွေကို မဖယ်ရှားဘူးဆိုရင် ကျန်းမာရေးအတွက် စိုးရိမ်ရတဲ့ ကင်ဆာဆဲလ်တွေ ဒါမှမဟုတ် ရောဂါတွေ ဝင်ရောက်လာနိုင်ပါတယ်။ မြင်းခွာရွက်ဟာ ခန္ဓာကိုယ်ထဲက free radicals တွေကို ဖယ်ရှားပေးနိုင်ပါတယ်။ ဒီလိုဆိုရင်တော့ ကျန်းမာတဲ့ ဘဝကို ပိုင်ဆိုင်ရမှာပါ။ ခန္ဓာကိုယ်မှာ ကိုယ်ခံအား ကောင်းဖို့ အရမ်းအရေးကြီးပါတယ်။ ခန္ဓာကိုယ် ကိုယ်ခံအားစနစ်သာ ကောင်းမွန်နေမယ်ဆိုရင် ဗိုင်းရပ်စ်တွေ ဝင်မလာနိုင်တော့ပါဘူး။ ဒါကြောင့် မြင်းခွာရွက်ကို များများလေး စားပေးသင့်ပါတယ်။ ကျန်းမာရေးကောင်းမွန်ဖို့အတွက် မြင်းခွာရွက်က ပေးစွမ်းနိုင်တဲ့ နောက်အချက်တစ်ချက်ကတော့ မြင်းခွာရွက် စားသုံးခြင်းဟာ အားပြည့်သလို ခံစားစေရပြီး အားအင်တွေပြည့်ဝကာ စိတ်ဖိစီးမှုတွေ လျှော့ချပေးနိုင်ပါတယ်။

အလှအပအတွက် အကျိုးပြုခြင်း

မြင်းခွာရွက်ဟာ အသားအရေ ကောင်းမွန်ဖို့ အထောက်အကူပြုပါတယ်။ ဒါ့အပြင် အရွယ်မတိုင်ခင် အသက်အရွယ်ကြီးရင့်သလိုမျိုး အရေးအကြောင်းတွေ မဖြစ်အောင်လည်း ကာကွယ်ပေးပါတယ်။ ဘာလို့လဲဆိုတော့ မြင်းခွာရွက်မှာ Collagen ပါဝင်မှု များလို့ပါပဲ။ ခန္ဓာကိုယ်ထဲမှာ Collagen ပါဝင်မှု များတာက အသားအရေကို ကြည်လင်တောက်ပစေပြီး အရေးအကြောင်းတွေနဲ့ အသားအရေ မညီမျှတာတွေကို လျှော့ချပေးနိုင်ပါတယ်။

ခန္ဓာကိုယ်မှာ Cellulite တွေများတာက မိန်းကလေးတွေရဲ့ အလှကို ပျက်စီးစေပါတယ်။ ဘာလို့လဲဆိုတော့ Cellulite တွေသာ ရှိနေမယ်ဆိုရင် လိမ္မော်ခွံလိုမျိုး အဖုအထစ်တွေ ဖြစ်နေမှာပါ။ ဒါဆိုရင် ကြည့်မကောင်းတော့ပါဘူး။ ဒီလို ဖြစ်ခြင်းကို မြင်းခွာရွက်က လျှော့ချပေးပါတယ်။ မြင်းခွာရွက် စားသုံးခြင်းက ရောင်ရမ်းခြင်းတွေကို လျှော့ကျေစပြီး Cellulite တွေ ရှိတဲ့နေရာမှာ သွေးလည်ပတ်စီးဆင်းမှုကို ဖြစ်စေတာကြောင့် Cellulite ဖြစ်ခြင်းတွေ လျှော့နည်းစေပြီး လှပနေဖို့ အထောက်အကူပြုပါတယ်။

Hello ဆရာဝန်စာဖတ်ပရိသတ်တွေအတွက် ကျန်းမာရေးအတွက်လည်း ကောင်းမွန်စေပြီး ခန္ဓာကိုယ်နဲ့ အသားအရေလှပဖို့လည်း အထောက်အကူပြုတဲ့ မြင်းခွာရွက်ကို များများ စားပေးဖို့ တိုက်တွန်းလိုက်ပါတယ်နော်။

ရေးသားသူ- Eaindray Kha
ဆေးပညာပိုင်းဆိုင်ရာတည်းဖြတ်သူ - Dr. Thurein Hlaing Win
Myanmar Digital News
https://www.facebook.com/MyanmarDigitalNews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ