သြဂုတ်လအတွင်းက တနင်္သာရီမှာ ရေကြီးခဲ့စဉ် |
၂၀၁၉ခုနှစ် စက်တင်ဘာလ (၅) ရက်နေ့ တနင်္သာရီ မြစ်ရေ ကြီးမှု အခြေအနေဟာ စိုးရိမ်ရေမှတ်ဖြစ်တဲ့ ၁၇ ပေအထက်ကို ၄ပေကျော်မြင့်တက်နေပြီး မြို့တွင်းမှာရေတွေလည်းပြန်တက်လာနေတယ်လို့ ဒေသခံတွေ ထံက သိရပါတယ်။
တနင်္သာရီမြို့မှာ ပြီးခဲ့တဲ့သြဂုတ်လ အတွင်းကလည်း မြစ်ရေအခြေအနေဟာ အန္တရာယ်ရေအမှတ် ၂၄ ပေ ကို ကျော်လွန်ပြီး ၂၆ ပေကျော်အထိ မြင့်တက်ခဲ့တဲ့အတွက် မြို့ပေါ်ရပ်ကွက်အများစုမှာ နေအိမ်တွေ ရေမြုပ်ကုန် လို့ ကယ်ဆယ်ရေးစခန်းတွေမှာသွားရောက်နေထိုင်ခဲ့ကြရပါသေးတယ်။
တနင်္သာရီမြို့မှာ ပြီးခဲ့တဲ့သြဂုတ်လအတွင်းက ရေကြီးမြင့်တက်ခဲ့တဲ့အပြင် မိုးကြီးမြေပြိုမှုကြောင့် မလွှဲ တောင်ကားလမ်းမြေပြိုပျက်စီးသွားခဲ့တဲ့အတွက် လမ်းပန်းဆက်သွယ်ရေးတွေလည်း ပြတ်တောက်ကုန်ပြီး အခြေခံစားကုန်အချို့လည်း ဈေးတက်လာတဲ့အခြေအနေကိုကြုံတွေ့ခဲ့ရတယ်လို့ ဒေသခံတွေက ပြောပြပါတယ်။
BBC Burmese
https://www.bbc.com
တနင်္သာရီမှာ ရေပြန်ကြီးနေ
Reviewed by THITHTOOLWIN
on
00:31
Rating: