နိုင်ငံတကာဖွဲ့စည်းလုပ်ဆောင်မှုတွေ မြန်မာပူးပေါင်းဖို့ ကုလမဟာမင်းကြီး တိုက်တွန်း

လူ့အခွင့်အရေးဆိုင်ရာ ကုလသမဂ္ဂမဟာမင်းကြီး Michelle Bachelet
မြန်မာနိုင်ငံဆိုင်ရာ သီးခြားလွတ်လပ်တဲ့ ကုလသမဂ္ဂ စုံစမ်းစစ်ဆေးရေးအဖွဲ့ (IIMM) အနေနဲ့ အချက်အလက်ရှာဖွေရေးအဖွဲ့ (UNFFM) ရဲ့ အားကောင်းလှတဲ့ လုပ်ငန်းကို ဆက်လက်လုပ်ဆောင်တဲ့အနေနဲ့ ရာဇဝတ်ကြောင်းအရ အရေးယူနိုင်ရေး မှုခင်း ဖြစ်ရပ်တွေကို စုဆောင်းသွားတော့မှာ ဖြစ်တယ်လို့ လူ့အခွင့်အရေးဆိုင်ရာ ကုလသမဂ္ဂမဟာမင်းကြီး Michelle Bachelet က ပြောပြီး မြန်မာအစိုးရကိုလည်း အခုလို တိုက်တွန်းသွားပါတယ်။

“တရားဥပဒေနဲ့အညီ ဖြစ်စေဖို့နဲ့ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေး ခိုင်မာအားကောင်းစေဖို့ တည်ထောင်ထားတဲ့ နိုင်ငံတကာ ဖွဲ့စည်းလုပ်ဆောင်ချက်တွေမှာ ပူးပေါင်းဆောင်ရွက်ဖို့ အစိုးရကို ကျမတိုက်တွန်းပါတယ်။” လို့ ဆွစ်ဇာလန်နိုင်ငံ၊ ဂျီနီဗာမြို့မှာ လက်ရှိကျင်းပနေတဲ့ ကုလသမဂ္ဂလူ့အခွင့်အရေးကောင်စီ ၄၂ ကြိမ်မြောက်အစည်းအဝေး အဖွင့်မိန့်ခွန်းမှာ မဟာမင်းကြီးက ပြောသွားပါတယ်။

IIMM အကြီးအကဲအဖြစ် ပြီးခဲ့တဲ့ဧပြီလမှာ ကုလသမဂ္ဂအတွင်းရေးမှူးချုပ်က အတည်ပြုခန့်အပ်ခဲ့တဲ့ နိုင်ငံတကာ ဥပဒေပညာရှင် Nicholas Koumjian ကလည်း သူတို့လုပ်ဆောင်မှာတွေနဲ့ ပတ်သက်ပြီးတော့ ဒီကနေ့အစည်းအဝေးအတွင်း ရှင်းပြသွားပြီး လာမယ့်လတွေအတွင်း ဒေသတွင်းကို သူတို့အဖွဲ့ သွားရောက်ဖို့ရှိတယ်ဆိုတာကိုလည်း ပြောသွားပါတယ်။

UNFFM အဖွဲ့ရဲ့ နောက်ဆုံးအစီရင်ခံစာကိုလည်း အခုအစည်းအဝေးအတွင်း တင်သွင်းသွားမှာဖြစ်ပြီး မြန်မာနိုင်ငံတဝန်း ကျူးလွန်ထားတဲ့ လူ့အခွင့်အရေး ချိုးဖောက်မှုတွေရဲ့ အတိုင်းအတာ ပမာဏအပေါ် ကမ္ဘာကြီးအနေနဲ့ ရှင်းရှင်းလင်းလင်း သိမြင်ကြရပါလိမ့်မယ်လို့လည်း လူ့အခွင့်အရေးဆိုင်ရာ ကုလသမဂ္ဂမဟာမင်းကြီး Michelle Bachelet က ပြောသွားပါတယ်။

ရခိုင်ပြည်နယ်မှာ အရင်က ဖြစ်ပျက်ခဲ့တာတွေနဲ့ အခုလက်ရှိဖြစ်နေတဲ့ တိုက်ပွဲတွေ၊ တိုင်းပြည်ကနေ ထွက်ပြေးသွားရသူတွေနဲ့ ပြည်တွင်းမှာ အိုးအိမ်စွန့် ထွက်ပြေးနေရသူတွေ နေရပ်ပြန်နိုင်ရေးအလားအလာ မှေးမှိန်နေတာနဲ့ ရှမ်းပြည်နယ်မှာ မကြာသေးခင်က တိုက်ပွဲတွေ ပြန်ဖြစ်လာတာ ကချင်ပြည်နယ်ဘက်မှာ အခြေအနေတွေ မတည်ငြိမ်သေးတာ စတာတွေကို လူ့အခွင့်အရေးဆိုင်ရာ မဟာမင်းကြီး Michelle Bachelet က ထည့်ပြောသွားပါတယ်။

တိုက်ပွဲတွေ ပဋိပက္ခတွေကြောင့် အိုးအိမ်စွန့်ထွက်ပြေးကြရလို့ လူတွေ ဘေးဒုက္ခရောက်ကြရပြီး ငြိမ်းချမ်းရေး လုပ်ငန်းစဉ်ကို ထိခိုက်စေတယ်လို့လည်း မဟာမင်းကြီး Bachelet က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ