သြဂုတ်လ ၃၁ ရက်နေ့က ကျိုင်းတုံမှာ ငြိမ်းချမ်းရေးကော်မရှင်အဖွဲ့နှင့် မြောက်ပိုင်းလက်နက်ကိုင်တို့ တွေ့ဆုံစဉ်(ဓါတ်ပုံ- U Hla Maung Shwe (NRPC) |
အစိုးရရဲ့ ငြိမ်းချမ်းရေးကော်မရှင်က ဦးဆောင် ကျင်းပတဲ့ ကျိုင်းတုံငြိမ်းချမ်းရေး ဆွေးနွေးပွဲကို မနက်ဖြန် စက်တင်ဘာလ ၁၇ရက်နေ့မှာ စတင်တော့မှာပါ။ ဒီ ဆွေးနွေးပွဲကိုတက်ဖို့ ဖိတ်ကြားခံထားရတဲ့ KIO ကချင်၊ PSLF တအန်း(ပလောင်)၊ MNTJP ကိုးကန့် နဲ့ ULA ရခိုင် အဖွဲ့ ၄ ဖွဲ့စလုံး တက်ရောက်ကြမှာပါ။ ဆွေးနွေးပွဲနဲ့ ပတ်သတ်လို့ အစိုးရဘက်ကတော့ ပဏာမသဘောတုစာချုပ် ချုပ်နိုင်ဖို့အထိ မျှော်လင့်ထားကြောင်း နိုင်ငံတော်သမ္မတရုံးညွှန်ကြားရေးမှုးချူုပ်ဦးဇော်ဌေးက စက်တင်ဘာလ ၁၃ ရက်နေ့က နေပြည်တော်မှာ ကျင်းပတဲ့ သတင်းစာရှင်းလင်းပွဲအတွင်း ထုတ်ဖော် ပြောဆိုထားပါတယ်။
ကျိုင်းတုံဆွေးနွေးပွဲကို ဖိတ်ကြားထားတဲ့ မြောက်ပိုင်းမဟာမိတ် ၄ဖွဲ့ဟာ တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူစာချုပ် NCA ကို လက်မှတ်မရေးထိုးသေးတဲ့ အဖွဲ့တွေဖြစ်ပြီး လက်ရှိမှာ Bilateral ခေါ် နှစ်ဘက် အပစ်ရပ်စာချုပ် ချုပ်ဆိုရေးကို ဆွေးနွေးနေတာဖြစ်ပါတယ်။
မဟာမိတ် ၄ဖွဲ့မှာ PSLF တအန်း(ပလောင်)၊ MNTJP ကိုးကန့် နဲ့ ULA ရခိုင် အဖွဲ့ ၃ဖွဲ့ကတော့ အစိုးရတပ်မတော်နဲ့ တိုက်ပွဲတွေ ပြင်းပြင်းထန်ထန်ဖြစ်ပွားခဲ့သလို ငြိမ်းချမ်းရေးဆွေးနွေးပွဲကိုလည်း ပန်ဆန်း ဒါမှမဟုတ် မိုင်းလားနဲ့ တရုတ်ပြည် တစ်နေရာရာမှာ ဆွေးနွေးဖို့ တောင်းဆိုခဲ့ပေမယ့် နောက်ပိုင်းမှာ ကျိုးတုံမှာတွေ့ဆုံမယ့်ကိစ္စကို သဘောတူလိုက်ကြပါတယ်။
ဒီဆွေးနွေးပွဲကို တပ်မတော်ညှိနှိုင်းရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့် တက်ရောက်မယ်လို့ ဆွေးနွေးပွဲမှာ ပါဝင်သူတွေက ပြောဆိုထားသလို၊ ဆွေးနွေးပွဲကနေ ကောင်းမွန်တဲ့ရလဒ်တွေ ထွက်လာလိမ့်မယ်လို့ မျှော်လင့်ကြောင်း တပ်မတော် ပြောခွင့်ရ ဗိုလ်မှူးချုပ်ဇော်မင်းထွန်း က ဗွီအိုအေကို ဒီကနေ့ ပြောပြခဲ့ပါတယ်။
“ကျနော်တို့ဘက်ကလည်း အပြုသဘောဆောင်တဲ့ မျှော်လင့်ချက်ရှိပါတယ်။ အပြုသဘောမျှော်လင့်တာကြောင့် အပစ်ရပ်တာကိုတောင် ၂၁ရက်နေ့အထိ ထပ်တိုးပေးထားတာပါ”
တိုက်ပွဲတြွေုဖစ်နေတာနဲ့ပတ်သတ်လို့ အဓိကထားဆွေးနွေးဖို့ ပြင်ဆင်ရှိနေတာကြောင့် လာမယ့် ကျိုင်းတုံဆွေးနွေးပွဲမှာ စစ်ရေးကိစ္စတွေ ဆွေးနွေးဖို့ တပ်မတော်ဘက်က ဆုံးဖြတ်မှု ပေးနိုင်သူတွေ ပါဝင်ဖို့လိုကြောင်း ရက္ခိုင့်တပ်မတော် AA ပြောခွင့်ရ ခိုင်သုခက ပြောပါတယ်။
“အဓိကတော့ Bilateral ကိစ္စဆွေးနွေးမယ်၊ အထူးသဖြင့်တော့အခုဖြစ်နေတဲ့ တိုက်ပွဲတွေ ဘယ်လိုရပ်စဲနိုင်မလဲဆိုတာ အဓိကထားဆွေးနွေးမယ်လို့သိရတယ်။ ဒါပေမယ့် ဒီဆွေးနွေးပဲ ဘယ်လိုရလဒ်ထွက်မလဲတော့ ပြောရခက်တာပေါ့။ အထူးသဖြင့် စစ်တပ်ဘက်က တက်လာတဲ့ တပ်ပိုင်းဆိုင်ရာ ကိုယ်စားလှယ်တွေက သူတို့ဘာပြောလာမလဲဆိုတာ အဓိက မူတည်ပါတယ်။”
ပြီးခဲ့တဲ့ ဆွေးနွေးပွဲတွေမှာတော့ Bilateral ခေါ် နှစ်ဘက်အပစ်ရပ်စာချုပ်မူကြမ်းကို အပြန်အလှန် ပေးအပ်ထားခဲ့တာပါ။ လာမယ့်ဆွေးနွေးပွဲမှာတော့ နှစ်ဘက် သုံးသပ်ချက်တွေကို အပြန်အလှန် ဆွေးနွေးကြပြီး နယ်မြေသတ်မှတ်ဖုိ့အတွက်လည်း ဆွေးနွေးဖို့ ရှိနေတာဖြစ်ပါတယ်။
ငြိမ်းချမ်းရေးနဲ့ ပတ်သတ်လို့ ဒီတခေါက် ဆွေးနွေးပွဲမှာ တပ်ပိုင်းဆုိုင်ရာ ကိစ္စရပ်တွေ ဆွေးနွေးနိုင်မယ်လို့ မျှော်လင့်ပေမယ့် ပမာဏ အပစ်ရပ်လက်မှတ်ထိုးနိုင်ဖို့ကိုတော့ ထပ်မံဆွေးနွေးရဦးမယ်လို့ သုံးသပ်လိုက်သူကတော့ ငြိမ်းချမ်းရေးလေ့လာသုံးသပ်သူ ဦးမောင်မောင်စိုးပါ။
ပြီးခဲ့တဲ့ ရက်ပိုင်းက KBC ဥက္ကဌနဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့တွေ့ချိန်မှာ ကာချုပ်ဘက်က တပ်မတော်ရဲ့ သဘောထား ၆ချက်ကို ညှိနှိုင်းလို့ ရတယ်လို့ သတင်းစကားပါးလိုက်တာ ရှိတာကြောင့် တပ်မတော်ဘက်က သဘောထား အပြောင်းအလဲ ရှိလေမလားလို့ ဦးမောင်မောင်စိုးကတော့ မျှော်လင့်နေပါတယ်။
“အဓိကကတော့ တပ်နေရာချထားရေးနဲ့ပတ်သတ်ပြီး တပ်ဘက်က ဘယ်လောက်အထိ လိုက်လျောမလဲဆိုတာ မူတည်ပါတယ်။ တပ်သဘောထားက အပြောင်းအလဲရှိသလား မှန်းဆရတယ်။ မှန်းဆရချိန်မှာလောလောဆယ်က Bilateral အရေးကြီးတယ်။ Bilateral မှာတပ်နေရာ ချထားရေးက အရေးကြီးဆုံးဘဲ။ တပ်နေရာချထားရေးမှာ ထိပ်ရောက်နေတာက ရခိုင်မှာရှိတဲ့ AAကို အသိအမှတ် ပြုမှာလား။ မပြုရင် အောင်မြင်မှာ မဟုတ်ဘူးလေ။ အဲဒီတော့ အခြေအနေ စောင့်ကြည့်ရမယ် ထင်တယ်။ ကျနော်ထင်တာကတော့ တပ်နေရာချထားရေးအတွက် ထပ်ပြီး ဆွေးနွေးဖို့အတွက် အချိန်ယူ မယ်ထင်တယ်။ ဒီဆွေးနွေးပွဲမှာBilateral ထိုးနိုင်ဖို့အလားအလာကတော့ ဖြစ်နိုင်ဖို့ ရာခိုင်နှုန်းနည်းနေပါတယ်။”
အစိုးရရဲ့ ငြိမ်းချမ်းရေးကိုယ်စားလှယ်အဖွဲ့နဲ့ မြောက်ပိုင်းမဟာမိတ်အဖွဲ့တို့ သြဂုတ်လ ၃၁ရက်နေ့က ကျိုင်းတုံမြို့မှာ နောက်ဆုံးတွေ့ဆုံခဲ့ကြတာမှာ ဒီဆွေးနွေးပွဲဟာ ဟန်ပြ လုပ်ပွဲအဖြစ် ဝေဖန်တာတွေလည်း ရှိခဲ့ပါတယ်။
ဒီတခေါက်ဆွေးနွေးပွဲနဲ့ ပတ်သတ်လို့ ရလဒ်ကောင်းရလာမယ်လို့ မျှော်လင့်သူတွေ ရှိသလို ပြီးခဲ့တဲ့ ဆွေးနွေးပွဲတွေကနေ ထင်သလောက် ငြိမ်းချမ်းရေးအတွက် ရလဒ်ကောင်း တစုံတခု ထွက်မလာခဲ့တာတွေကြောင့် ဆွေးနွေးပွဲတွေနဲ့ပတ်သတ်လို့ ဝေဖန်မှုတွေလည်းရှိနေပါတယ်။
မေခ/ ဗွီအိုအေ (မြန်မာပိုင်း)
https://burmese.voanews.com
ကျိုင်းတုံဆွေးနွေးပွဲ အလားအလာ
Reviewed by THITHTOOLWIN
on
03:24
Rating: