တာေလတိုးဂိတ္မွာ သိန္း၁၀၀၀ခန္႔တန္ဖိုးရိွ မူးယစ္ေဆးဝါးေတြနဲ႔ တူမီးတစ္လက္သယ္ေဆာင္လာသူကို ဖမ္းဆီးရမိ

ဓာတ္ပံု-ျမန္မာနိုင္ငံရဲတပ္ဖြဲ႕

ေတာင္ႀကီး၊ စက္တင္ဘာ၁၄

ရွမ္းျပည္နယ္အေရွ႕ပိုင္း၊ တာခ်ီလိတ္ၿမိဳ႕နယ္၊ တာေလၿမိဳ႕အထြက္တိုးဂိတ္မွာ စက္တင္ဘာလ၁၃ရက္၊ ညပိုင္းအခ်ိန္က သိန္း၁၀၀၀ခန္႔တန္ဖိုးရိွ မူးယစ္ေဆးဝါးေတြနဲ႔တူ တူမီးတစ္လက္သယ္ေဆာင္လာသူကို ဖမ္းဆီးရမိတယ္လို႔ ရွမ္းျပည္နယ္ရဲတပ္ဖြဲ႔မွဴးရံုးမွ သိရပါတယ္။

စက္တင္ဘာလ၁၃ရက္၊ ညပိုင္းအခ်ိန္က ရွမ္းျပည္နယ္ရဲတပ္ဖြဲ႔မွဴးရံုးမွ တပ္ဖြဲ႔ဝင္ေတြပါဝင္တဲ့ ပူးေပါင္းအဖြဲ႕က အဆိုပါ တိုးဂိတ္အနီးမွာ မိုင္းျဖတ္ၿမိဳ႕နယ္၊ နမ့္ယြန္းေက်းရြာေန က်ဘိုရွီး (၂၃ ႏွစ္) စီးနင္းေမာင္းႏွင္လာတဲ့ ေမာ္ေတာ္ယာဥ္ကို ရပ္တန္႔စစ္ေဆးရွာေဖြရာ ယာဥ္ေနာက္ခန္းထိုင္ခံုေပၚရွိ ဆာလာအိတ္အတြင္းမွ ပလတ္စတစ္ကပ္ခြာအိတ္ေတြနဲ႔ထည့္ထားတဲ့ စိတ္ႂကြ႐ူးသြပ္ေဆးျပား ၁၀၀၀၀၀ ျပား (ေဒသကာလေပါက္ေစ်းတန္ဖိုးေငြက်ပ္ ၁၀၀၀ သိန္း)၊ တူမီးေသနတ္ ၁လက္၊ လက္ကိုင္ဖုန္း ၁ လံုးတို႔ကို ေတြ႕ရွိသိမ္းဆည္းရမိခဲ့တယ္လို႔ သိရပါတယ္။

အဆိုပါျဖစ္စဥ္နဲ႔ပါတ္သက္ၿပီးတာေလနယ္ေျမရဲစခန္းမွာ မူးယစ္ေဆးဝါးႏွင့္ စိတ္ကိုေျပာင္းလဲေစေသာေဆးဝါးမ်ား ဆိုင္ရာဥပေဒနဲ႔အမႈဖြင့္အေရးယူၿပီး ကြင္းဆက္ေတြကိုေဖာ္ထုတ္စစ္ေဆးလ်က္ရွိတယ္လို႔ သိရပါတယ္။

အလားတူယင္းေန႔ ညပိုင္းအခ်ိန္က ေနာင္ခ်ိဳၿမိဳ႕အဝင္၊ မူဆယ္-မႏၲေလး သြားကားလမ္းေပၚမွာ ေက်ာက္မဲၿမိဳ႕ဘက္မွ ေနာင္ခ်ိဳၿမိဳ႕ဘက္ကိုေမာင္းႏွင္လာတဲ့ေမာ္ေတာ္ယာဥ္တစ္စီးေပၚမွ စိတ္ႂကြ႐ူးသြပ္ေဆးျပား ၁၆၈၇ ျပား(ေဒသကာလေပါက္ေဈးတန္ဖိုးေငြက်ပ္ ၃၃.၇၄ သိန္း)နဲ႔ ျမန္မာေငြ ၁ သိန္းက်ပ္တို႔ကိုေတြ႕ရိွသိမ္းဆည္းရမိခဲ့တယ္လို႔ သိရပါတယ္။

ရဲရင့္ဇြဲ(ေရႊႀတိဂံ)
ေရႊႀတိဂံေဒသသတင္းလႊာ
https://www.facebook.com/GoldenTriangleRegionalNews/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ