နမ့္စန္ၿမိဳ႕ရိွ နမ့္တိန္းေခ်ာင္းအတြင္း ေရနစ္ေပ်ာက္ဆံုးေနတဲ့ လူငယ္ ၂ဦး ကို ေသဆံုးလ်က္ ျပန္လည္ေတြ႕ရိွ



Share/Bookmark
ဓာတ္ပံု- ဦးေနေဇာ္ႏိုင္
ေတာင္ႀကီး၊ စက္တင္ဘာ၃၀

ရွမ္းျပည္နယ္ေတာင္ပိုင္း၊ နမ့္စန္ၿမိဳ႕၊ နမ့္တိန္းေခ်ာင္းရွိ နမ့္ဟူးေလွဆိပ္ အနီးမွာ စက္တင္ဘာလ၂၈ ရက္၊ ညေနပိုင္းက ေရနစ္ေပ်ာက္ဆံုးေနတဲ့ လူငယ္၂ဦးကို စက္တင္ဘာလ၂၉ရက္၊ ညေနပိုင္းက ေသဆံုးလ်က္ ျပန္လည္ေတြ႕ရိွခဲ့တယ္လို႔ ေမတၱာရွင္နာေရးကူညီမႈအသင္းထံမွ သိရပါတယ္။
ဓာတ္ပံု- ဦးေနေဇာ္ႏိုင္

အဆိုပါ လူငယ္၂ဦးက နမ့္ဟူးေလွဆိပ္အနီးရိွ သဲေသာင္ျပင္မွာ ေဘာလံုးကန္ေနစဥ္ နမ့္တိန္းေခ်ာင္းအတြင္း ေဘာလံုးက်သြားတဲ့အတြက္ ေခ်ာင္းအတြင္းဆင္းၿပီးဆယ္ယူရာမွ ေရနစ္ေပ်ာက္ဆံုးသြားခဲ့တာျဖစ္ပါတယ္။

"ေရနစ္တာက ၂၈ရက္ကပါ။ အေလာင္းကို မေန႔ညေနကမွျပန္ေတြ႕ တာ။သူငယ္ခ်င္း၃ေယာက္ ေဘာလံုးကန္ေနတုန္း ေဘာလံုးက်သြားလို႔ တစ္ေယာက္က ဆင္းဆယ္တာ။အဲဒီအခ်ိန္မွာ ေခ်ာင္းကလည္း ေရႀကီး ေနေတာ့ ေမ်ာသြားတယ္။အဲဒါေၾကာင့္ ေနာက္တစ္ေယာက္က ဆင္းဆယ္တဲ့အခ်ိန္မွာ ၂ေယာက္လံုးေမ်ာသြားတာ။က်န္တဲ့တစ္ေယာက္ ဖုန္းလွမ္းဆက္ၿပီး ဝိုင္းရွာၾကတာ။ေရက နစ္သြားေတာ့ ရွာလို႔မရေတာ့ဘူး။ ၂၉ရက္ေန႔ တစ္ေန႔လံုးရွာၾကတာ ညေနပိုင္းမွျပန္ေတြ႕တာ။ ေရနစ္ တဲ့ေနရာနဲ႔ ကိုက္၃၀၀အတြင္းေလာက္မွာ အေလာင္းျပန္ေတြ႕တာပါ"လို႔ ေမတၱာရွင္အသင္းမွ ဦးေနေဇာ္နိုင္က ေရႊႀတိဂံသတင္းဌာနကို
ေျပာပါတယ္။

ယင္းေရနစ္ေသဆုံးသြားတဲ့လူငယ္၂ဦးမွာ ေညာင္ဦးၿမိဳ႕မွ နမ့္စန္ၿမိဳ႕ကိုအလုပ္လာေရာက္လုပ္ကိုင္ေနသူ ေအာင္ေဇာ္ၿဖိဳး(၁၇ႏွစ္)နဲ႔ တံတားဦးၿမိဳ႕မွ နမ့္စန္ၿမိဳ႕ကိုလာေရာက္အလုပ္လုပ္ကိုုင္ေနသူ ေနထက္လင္း(၂၂ ႏွစ္)တို႔ျဖစ္တယ္လို႔ ဦးေနေဇာ္ႏိုင္က ေျပာပါတယ္။

အဆိုပါျဖစ္စဥ္နဲ႔ပါတ္သက္ၿပီး နမ့္စန္ျမိဳ႕မရဲစခန္းမွာ ေသမႈေသခင္းျဖစ္စဥ္ ၁၂/၂၀၁၉အရ အမႈေရးဖြင့္ထားၿပီး အေသးစိတ္ကို စစ္ေဆးလ်က္ ရိွတယ္လို႔ သိရပါတယ္။

သတင္း-ရဲရင့္ဇြဲ(ေရႊႀတိဂံ)
ေရႊႀတိဂံေဒသသတင္းလႊာ
https://www.facebook.com/GoldenTriangleRegionalNews/

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ