ရခိုင်ပြည်နယ် ရသေ့တောင်မြို့နယ်က အငူမော်ဆိပ်ကမ်းကို တွေ့ရစဉ် |
မနေ့က မနက်ပိုင်းကတည်းက တိုက်ပွဲဖြစ်ပွားခဲ့ရာမှာ အဲဒီဇက်ဆိပ်အနီး စိုက်ခင်းမှာ အလုပ်လုပ်နေတဲ့ ဒေသခံအမျိုးသားကြီးတစ်ဦးကို သေနတ်ကျည်ထိမှန်ခဲ့တာလို့ အမည်မဖော်လိုတဲ့ ဒေသခံတစ်ဦးက ပြောပါတယ်။
ဒါပေမဲ့ သေဆုံးသူရဲ့ ရုပ်အလောင်းကို ညနေ လေးနာရီကျော်မှ သယ်ထုတ်နိုင်ခဲ့တယ်လို့ ဆိုပါတယ်။
အဲဒီဆိပ်ကမ်းကို တပ်မတော် သင်္ဘောတစ်စီး ရောက်ရှိချိန်လောက်မှာ AA က ဗုံးဖောက်ကွဲပြီး တိုက်ခိုက်ခဲ့တာကြောင့် အပြန်အလှန် ပစ်ခတ်ရင်း ဒေသခံတစ်ဦး သေဆုံးခဲ့တာလို့ အနောက်ပိုင်းတိုင်းစစ်ဌာနချုပ် တိုင်းဦးစီး ဗိုလ်မှူးကြီး ၀င်းဇော်ဦးက ပြောပါတယ်။
ဒီအခြေအနေတွေနဲ့ပတ်သက်လို့ ရခိုင့်တပ်တော် AA ကို RFA က ဆက်သွယ်ပေမယ့် ဖုန်းလက်ခံဖြေကြားတာ မရှိပါဘူး။
မြောက်ဦးမြို့နယ်မှာတော့ တပ်မတော်စစ်ကြောင်းတစ်ခုက အိုးထိန်းရွာက ဆရာတော်တစ်ပါး၊ ရွာအုပ်ချုပ်ရေးမှူးနဲ့ ရွာသားတစ်ဦးကို ဖမ်းဆီးစစ်ဆေးနေတယ်လို့ ဒေသခံတွေက ပြောပါတယ်။
ဘာကြောင့်ဖမ်းဆီးထားသလဲ ဆိုတာကိုတော့ အတိအကျမသိရသေးပါဘူး။
ထိန်းသိမ်းခံထားရသူတွေကို သွားရောက်တွေ့ဆုံဖို့ ကြိုးစားတဲ့ ဆရာတော်တွေကို တပ်မတော်အရာရှိတစ်ဦးက - မြို့နယ်နဲ့ ပြည်နယ်အဆင့် သံဃမဟာနာယကဆရာတော်တွေရဲ့ ထောက်ခံချက်ယူလာဖို့ ပြောတယ်လို့ ဆရာတော် အရှင်ဝဏ္ဏသာရ က မိန့်ပါတယ်။
ဗိုလ်မှူးကြီး ၀င်းဇော်ဦး ကတော့ - အိုးထိန်းရွာကိစ္စ သူ့အနေနဲ့ သေချာမသိသေးတဲ့အတွက် မပြောနိုင်သေးဘူးလို့ ပြောပါတယ်။
ဖမ်းဆီးထိန်းသိမ်းခံထားရသူတွေကို အရင်က လင်းမြွေတောင်ဆုတောင်းပြည့်ဘုရားသိမ်မှာ ထားရှိတယ်လို့ သိထားပေမယ့် ဒီနေ့လယ်မှာတော့ ဘယ်ကိုခေါ်ဆောင်သွားလဲဆိုတာ မသိရဘူးလို့ မြို့ဦးခေါင်းဆရာတော် အရှင်ဝဏ္ဏသာရ က မိန့်ပါတယ်။
ရက္ခိုင့်တပ်တော် AA နဲ့ တပ်မတော်တို့ တိုက်ပွဲတွေအတွင်း သေဆုံးသူ အရပ်သား ၇၂ ယောက်၊ ဒဏ်ရာရသူ ၁၅၉ ယောက်နဲ့ AA နဲ့ဆက်စပ်တယ်ဆိုတဲ့ သံသယနဲ့ အမှုဖွင့်ခံရသူ ဖမ်းဆီးခံထားရသူ ၁၉၀ ကျော် ရှိနေပြီလို့ ဒေသအခြေစိုက် ရခိုင်တိုင်းရင်းသားမျိုးနွယ်များအစည်းအရုံး REC က ပြုစုထားတဲ့စာရင်းတွေအရ သိရပါတယ်။
RFA Burmese
https://www.rfa.org
အငူမော်တိုက်ပွဲအတွင်း ဒေသခံတစ်ဦး သေဆုံး
Reviewed by THITHTOOLWIN
on
20:29
Rating: