ရခိုင် ကျောက်တော်က စခန်းတစ်ခုကို ရောက်ရှိလာတဲ့ စစ်ဘေးရှောင်တွေကို ဇန်နဝါရီလ ၄ ရက်နေ့က တွေ့ရတဲ့ မြင်ကွင်း |
ရခိုင်ပြည်နယ်အတွင်း လက်ရှိဖြစ်ပွားနေတဲ့ တိုက်ပွဲတွေမှာ လက်နက်ကိုင်အဖွဲ့အစည်းတွေအနေနဲ့ ရှေးဟောင်းယဉ်ကျေးမှု၊ ဘာသာရေးအဆောက်အအုံတွေနဲ့ လူနေကျေးရွာတွေကို အကာအကွယ် ယူ ပစ်ခတ်မှုတွေမပြုလုပ်ဖို့ ပြည်နယ်အစိုးရက စီမံဆောင်ရွက်ပေးရေးအဆိုကို စက်တင်ဘာလ ၂၅ ရက်နေ့ ရခိုင်ပြည်နယ်လွှတ်တော် ၁၁ ကြိမ်မြောက် အစည်းအဝေးမှာ အတည်ပြုဆုံးဖြတ်ခဲ့တာဖြစ်ပါတယ်။
ဒီအဆိုကို မင်းပြားမြို့နယ် မဲဆန္ဒနယ်မြေ အမှတ် ၁၊ ပြည်နယ်လွှတ်တော်ကိုယ်စားလှယ် ဦးလှသိန်း အောင်က တင်သွင်းခဲ့တာဖြစ်ပြီး အဆိုကို အစိုးရအဖွဲ့က မှတ်တမ်းအဖြစ်ထားရှိဖို့ သဘေားထားပေးခဲ့ပေ မယ့် တပ်မတော်နဲ့ လွှတ်တော်ကိုယ်စားလှယ်တွေက ထောက်ခံခဲ့တာကြောင့် အတည်ပြုဆုံးဖြတ်လိုက်တာ ဖြစ်ပါတယ်။
ဒီအဆိုဟာ လုပ်သင့်လုပ်ထိုက်တဲ့ဆောင်ရွက်ချက်တစ်ခုဖြစ် အပြုသဘောနဲ့ကြိုဆိုပြီး မိမိတို့အနေနဲ့ တိကျစွာလိုက်နာဆောင်ရွက်သွားမယ်လို့လည်း ရက္ခိုင့်တပ်တော် အေအေက စက်တင်ဘာလ ၂၆ ရက်နေ့မှာ ကြေညာချက်တစ်စောင်ထုတ်ပြန်ခဲ့ပါတယ်။
အခုလိုမျိုး သူ့ရဲ့အဆိုအပေါ်မှာ လွှတ်တော်က အတည်ပြုနိုင်ခဲ့တဲ့အပြင် တပ်မတော်ရော ရက္ခိုင့် တပ်တော် က ထောက်ခံတဲ့အတွက် အတိုင်းမသိဝမ်းသာမိတယ်လို့ အဆိုတင်သွင်းသူ လွှတ်တော်ကိုယ်စားလှယ် ဦးလှသိန်းအောင်က ဘီဘီစီကို ပြောပါတယ်။
ဒါ့အပြင် ဒုတိယကမ္ဘာ့စစ်ကြီးမှာတောင် သာသနိကအဆောက်အအုံတွေကို ဝင်ရောက်ပုန်းခိုလို့ရှိရင် အသက်ဘေးကလွတ်နိုင်တဲ့ အနေအထားတွေရှိခဲ့ပြီး လက်ရှိမှာလဲပဲ အစိုးရအနေနဲ့ သဘောတူ လက်မှတ် ရေးထိုးထားတဲ့ နိုင်ငံတကာသဘောတူညီချက် စာချုပ်စာတန်းတွေ၊ ကတိကဝတ် တွေရှိနေပါလျက်နဲ့ လက်တွေ့မှာတော့ အဲ့ဒီစံချိန်စံညွှန်းတွေနဲ့ သွေဖီနေတယ်လို့လည်း ထောက်ပြပါတယ်။
ဒါအပြင် ရခိုင်ပြည်နယ်ရှိ ရှေးဟောင်းယဉ်ကျေးမှုနယ်မြေအဖြစ် မြောက်ဦးဒေသကို ကမ္ဘာ့ရှေးဟောင်း ယဉ်ကျေးမှုအမွေအနှစ်ဒေသအဖြစ် သတ်မှတ်နိုင်ဖို့ ယူနက်စ်ကို အသိအမှတ်ပြုရေး အဆိုပြုလွှာမူကြမ်း တင်သွင်းလိုက်ပြီဖြစ်တယ်လို့ မြောက်ဦးယဉ်ကျေးမှုအမွေအနှစ် ထိန်းသိမ်းရေးအဖွဲ့ ဥက္ကဋ္ဌဒေါ်ခင်သန်းက ဘီဘီစီ ကိုပြောပါတယ်။
BBC Burmese
https://www.bbc.com
ရခိုင်မှာ အရပ်သားနေရာတွေကို အကာအကွယ်ယူပစ်ခတ်တာမျိုးမလုပ်ဖို့ တပ်နဲ့အတူ အေအေဘက်ကပါ လက်ခံ
Reviewed by THITHTOOLWIN
on
00:57
Rating: