မလႈိင္ၿမိဳ႕နယ္၌ ေရေမာ္တာခိုးယူသူႏွစ္ဦးအား ဖမ္းဆီးရမိ



Share/Bookmark

မလႈိင္ စက္တင္ဘာ ၁၀

မႏၲေလးတိုင္းေဒသႀကီး မိတၳီလာခ႐ိုင္ မလႈိင္ၿမိဳ႕နယ္ ပန္းအိုင္အုပ္စု ျမစ္က်င္းေက်း႐ြာ သိမ္ေတာ္ဦးဘုန္းေတာ္ႀကီး ေက်ာင္းဝန္းအတြင္းမွ ေရေမာ္တာခိုးယူသူႏွစ္ဦးအား ေဖာ္ထုတ္ဖမ္းဆီးရမိ၍ အေရးယူထားေၾကာင္း မလႈိင္ၿမိဳ႕မရဲစခန္းမွ သိရသည္။

ျဖစ္စဥ္မွာ ၂၀၁၉ စက္တင္ဘာ ၁ဝရက္ နံနက္ ၈နာရီအခ်ိန္ခန႔္က ပန္းအိုင္အုပ္စု ျမစ္က်င္းေက်း႐ြာ သိမ္ေတာ္ဦး ဘုန္းေတာ္ႀကီးေက်ာင္းဝန္းအတြင္းမွ ေရေမာ္တာေပ်ာက္ဆုံးသြားေၾကာင္း သတင္းအရ သြားေရာက္ၾကည့္ရႈရာ ေက်ာင္းေဆာင္အေနာက္ဘက္ရွိ ေရအုတ္ကန္ထဲသို႔ ေရတင္သည့္ ေရေမာ္တာ ေပ်ာက္ဆုံးေနသျဖင့္ ျမစ္က်င္းေက်း႐ြာေန ဦးတင္ဝင္းမွ တရားလိုျပဳလုပ္တိုင္တန္းၿပီး မလႈိင္ၿမိဳ႕မရဲစခန္းမွ ဒုရဲအုပ္ေဝဇင္ထြန္း ဦးစီးေသာရဲတပ္ဖြဲ႕ဝင္မ်ားမွ နယ္ေျမအတြင္းလိုက္လံစုံစမ္းစဥ္ မလႈိင္ၿမိဳ႕ ထေနာင္းက်င္းေက်း႐ြာ ေန ဘိုပိန္(၂၉)ႏွင့္ အဆိုပါေက်း႐ြာေန ငထြန္း(၃၀)ႏွစ္တို႔အား မသကၤာဖြယ္ေတြ႕ရွိရ၍ စစ္ေဆးေမးျမန္းရာ အဆိုပါ ေရေမာ္တာအား ခိုးယူၿပီး မလႈိင္ၿမိဳ႕ ထန္းေတာေက်း႐ြာအုပ္စု အုတ္က်င္းေက်း႐ြာတြင္ ေရာင္းခ်ထားသည္ကို စစ္ေဆးေပၚေပါက္ခဲ့သျဖင့္ ၎တို႔အား မလႈိင္ၿမိဳ႕မရဲစခန္းက ဖမ္းဆီး အေရးယူထားေၾကာင္း သိရသည္။

ဘိုဘို(မလႈိင္)
Myanmaalinn
https://www.facebook.com/MYANMAALINNNEWS

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ