အမေရိကန် လယ်ယာထုတ်ကုန်တွေ ပြန်ဝယ်ဖို့ တရုတ်စဉ်းစားနေ


အမေရိကန်နဲ့ တရုတ်နိုင်ငံကြား ကုန်သွယ်ရေးဆိုင်ရာ အဆင့်မြင့်ဆွေးနွေးပွဲတွေ ပြန်စဖို့ ပြင်ဆင်နေချိန်မှာပဲ သဘောထားကောင်းပြသတဲ့ အစီအစဉ်တခုကို တရုတ်နိုင်ငံက ဒီကနေ့ပဲ ကြေညာလိုက်ပါတယ်။

ဝက်သားနဲ့ ပဲပိစပ်တို့လို အမေရိကန် လယ်ယာ ထွက်ကုန်တွေကို ၀ယ်ယူဖို့ စဉ်းစားနေကြောင်း တရုတ်ကူးသန်းရောင်းဝယ်ရေး ၀န်ကြီးဌာန ပြောခွင့်ရ Gao Feng က ပြောဆိုလိုက်တာပါ။

အမေရိကန်သမ္မတ Donald Trump အစိုးရရဲ့ စိတ်စေတနာကောင်းနဲ့ လုပ်ရပ်တွေကို ကြိုဆိုကြောင်းနဲ့ ကုန်သွယ်ရေး ဆွေးနွေးညှိနှိုင်းမှုတွေမှာ အခြေအနေကောင်းတွေ ပေါ်ထွက်လာအောင် ဖန်တီးနိုင်ဖို့ မျှော်လင့်ကြောင်းလည်း ပြောဆိုခဲ့ပါတယ်။

သမ္မတ Trump ကတော့ ဒေါ်လာဘီလီယံ ၂၅၀ တန်ဖိုးရှိတဲ့ တရုတ်ကုန်ပစ္စည်းတွေအပေါ် အောက်တိုဘာလ ၁ ရက်နေ့ကစပြီး အခွန်တွေတိုးမြှင့် ကောက်ခံဖို့ စီစဉ်ထားတာကို ၁၅ ရက်နေ့အထိ ရွှေ့လိုက်ကြောင်း မနေ့ကပဲ ကြေညာခဲ့တာပါ။

အောက်တိုဘာလ ၁ ရက်နေ့ဟာ တရုတ်နိုင်ငံ ထူထောင်တဲ့ အနှစ် ၇၀ ပြည့်မယ့် အချိန်ဖြစ်တာကြောင့် သွင်းကုန်ခွန် ကောက်ခံမယ့် အစီအစဉ်ကို ဆိုင်းငံ့ထားဖို့ တရုတ် ဒုဝန်ကြီးချုပ် Liu He က မေတ္တာရပ်ခံခဲ့တယ်လို့လည်း မနေ့နှောင်းပိုင်းမှာ သမ္မတ Trump က Twitter လူမှုကွန်ရက်ကနေ ပြောခဲ့ပါတယ်။

စက်တင်ဘာ ၁၇ ရက်နေ့ကစလို့ ထပ်မံကန့်သတ်ဖို့ စီစဉ်ထားတဲ့ အမေရိကန် ကုန်ပစ္စည်းတွေထဲက တချို့ကို တရုတ်နိုင်ငံက ဖယ်ရှားပေးလိုက်ကြောင်း မနေ့အစောပိုင်းက ကြေညာခဲ့ပြီး နောက်မှာပဲ သမ္မတ Trump ရဲ့ ကြေညာချက် ထွက်ပေါ်လာတာလည်း ဖြစ်ပါတယ်။

ကန့်သတ်မယ့် စာရင်းထဲကနေ တရုတ်နိုင်ငံက ဖယ်ရှားပေးလိုက်တဲ့ အမေရိကန်ကုန်ပစ္စည်းတွေထဲမှာတော့ ပုဇွန်၊ ကင်ဆာရောဂါ တိုက်ဖျက်ရေးအတွက် အသုံးပြုတဲ့ စက်ပစ္စည်းတွေ စက်မှုလုပ်ငန်းသုံး ချောဆီနဲ့ လုပ်ငန်းသုံး ဓာတုပစ္စည်းတွေ ပါဝင်ပါတယ်။

တရုတ်နဲ့ အမေရိကန်ကြား ဇူလိုင်လကတည်းက ရပ်ဆိုင်းနေခဲ့တဲ့ ကုန်သွယ်ရေးဆိုင်ရာ အဆင့်မြင့် ဆွေးနွေးညှိနှိုင်းမှုတွေကိုတော့ ရှေ့လထဲ ၀ါရှင်တန်မှာ ကျင်းပဖို့ စီစဉ်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ