ဆော်ဒီ အာရေးဘီးယားနိုင်ငံက ရေနံလုပ်ငန်းနဲ့ဆိုင်တဲ့ နေရာနှစ်ခုကို စနေနေ့က တိုက်ခိုက်မှုကြောင့် ရေနံစိမ်းတစည်ဈေးဟာ ဒေါ်လာ ၁၀၀ အထိ တက်သွားနိုင်တယ်လို့ လေ့လာသူတွေက သတိပေးလိုက်ပါတယ်။ ဒါ့အပြင် အီရန်နဲ့ အမေရိကန်ကြား စေ့စပ် ညှိနှိုင်းရေး အလားအလာပေါ်လည်း ထိခိုက်သွားတဲ့ပုံရှိပါတယ်။
အီရန်ကပြန်လုပ်လာနေတဲ့ နျူကလီးယားအစီအစဉ် ရပ်တန်ု့ရေး သဘောတူညီချက်တခုရဖို့ အီရန်ခေါင်းဆောင်တွေ ပြန်ပြီး ဆွေးနွေးလာအောင် အားပေးတဲ့အနေနဲ့ အီရန်အပေါ် ချမှတ်ထားတဲ့ ဒဏ်ခတ်အရေးယူမှုတွေကို လျှော့ပေါ့ပေးဖို့ သမ္မတ ဒေါ်နယ်လ်ဒ် ထရမ့်ပ်က စဉ်းစားနေချိန်မှာပဲ ဆော်ဒီ ရေနံလုပ်ငန်းနေရာတွေကို ဒရုံးယာဉ်နဲ့ တိုက်ခိုက်တဲ့ဖြစ်ရပ် ပေါ်လာတာပါ။
သမ္မတထရမ့်ပ်က သူ့ရဲ့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် John Bolton ကို ပြီးခဲ့တဲ့သီတင်းပတ်က ဖြုတ်ပစ်လိုက်တာ ကြောင့် အမေရိကန်နဲ့ အီရန်ကြား အနိမ့်ဆုံးတော့ တင်းမာမှု လျော့သွားတော့မယ်ဆိုတဲ့ မျှော်လင့်ချက်တွေ ထွက်ခဲ့ပါတယ်။ မစ္စတာ Bolton ဟာ သမ္မတထရမ့်ပ်နဲ့ နီးစပ်တဲ့ထဲက အီရန်ကို အဆန့်ကျင်ဆုံး တာဝန်ရှိသူဖြစ်တယ်လို့ အီရန်သတင်းစာတွေက ဖော်ပြကြပြီး သူပြုတ်သွားတာကို ဝမ်းသာအားရရေးကြပါတယ်။
စနေနေ့က တိုက်ခိုက်မှုကို ယီမင်အခြေစိုက် ဟူသီသူပုန်တွေက သူတို့လက်ချက်လို့ပြောပေမယ့် အမေရိကန် တာဝန်ရှိသူတွေက တော့ အီရန်လက်ချက်လို့ စွပ်စွဲထားပါတယ်။ ဒီတိုက်ခိုက်မှုကို လက်တုန့်ပြန်ဖို့ အမေရိကန်တပ်ဖွဲ့တွေ လုံးဝ အဆင်သင့်ဖြစ်နေပြီ လို့ သမ္မတထရမ့်ပ်ကလည်း ပြောထားပါတယ်။
အီရန်ကတော့ ဒီစွပ်စွဲချက်ဟာ လုံးဝကို လိမ်လည်ပြောဆိုတာဖြစ်တယ်လို့ တုံ့ပြန် ငြင်းဆိုထားပါတယ်။
ဗွီအိုအေ (မြန်မာပိုင်း)
https://burmese.voanews.com
ရေနံစိမ်းတစည် ဒေါ်လာတရာအထိ ဈေးတက်လာနိုင်
Reviewed by THITHTOOLWIN
on
00:40
Rating: