လသားအရွှယ် ကလေးငယ်အပါဝင် လူ ၅ ဦးကို စက်တင်ဘာ လ ၁ရက်နေ့က ကွတ်ခိုင်မြို့ ခရစ်ယာန် သုသာန် မှာ ဆုတောင်းပြီး မြေမြှုပ် |
တပ်မတော်က ရွာတွင်းကို လက်နက်ကြီးတွေနဲ့ ဝင်ပစ်လို့ အရပ်သား ရွာသူရွာသားတွေ သေဆုံးဒဏ်ရာရရှိတယ်လို့ ကွတ်ခိုင်မြို့နဲ့ နယ်မြေခံတပ်ဌာနချုပ်တွေကို လာပစ်တဲ့ လက်နက်ကိုင်အဖွဲ့တွေက သတင်းမှား ကောလာဟလ ထုတ်လွှင့်ခဲ့တာလို့လည်း တပ်ဘက်က ရှင်းပါတယ် ။
ကွတ်ခိုင်မြို့ရဲ့ အနောက်တောင်ဘက်ကနေ လက်နက်ကြီးတွေနဲ့ လာရောက် နှောင့်ယှက်ပစ်ခတ်တိုက်ခိုက်ခဲ့တာ ဖြစ်ပြီးတော့ အရပ်သားတွေသေဆုံးခဲ့တဲ့ မော်ဟစ်စုစည်းရွာဟာ ပန်ဆေးကျေးရွာအနီးကနေ ပစ်ခတ်တဲ့ ကျည်လမ်းကြောင်းနဲ့ မန်ထန်ရွာ ကချင် ဘုရားကျောင်းအနီးက ပစ်ခတ်တဲ့ ရန်သူ့ကျည်လမ်းကြောင်း ၂ ကြောင်း ပေါ်မှာ ကျရောက်နေတာကို စစ်ဆေးတွေ့ရှိရတယ်လို့လည်း တပ်မတော် ထုတ်ပြန်ချက်မှာ ပါပါတယ် ။
မြောက်ပိုင်း မဟာမိတ်အဖွဲ့ကတော့ အရပ်သား ၅ ဦးဟာ မြန်မာတပ်မတော်က ပစ်ခတ်မှုကြောင့် သေဆုံးခဲ့တာဖြစ်ပြီးတော့ အဲဒီအတွက် အထူးဝမ်းနည်းကြောင်း စက်တင်ဘာလ ၁ ရက်နေ့ က သတင်းထုတ်ပြန်ပါတယ်။
မော်ဟစ်စုစည်းရွာထဲ ကျတဲ့ ဗုံးသီးဒလက် |
လူမှုကွန်ရက် စာမျက်နှာတွေမှာ ပထမဦးဆုံးတင်ခဲ့တဲ့ ဗုံးသီးဒလက်ပိုင်း ဓာတ်ပုံ အထောက်အထားဟာ အမှတ်အသားစာ တစ်စုံတစ်ရာ မပါပေမယ့် နောက်ပိုင်း တင်တဲ့ ဓာတ်ပုံတွေမှာ တပ်မတော်က ထုတ်တဲ့ ဗုံးသီးပုံသဏ္ဍာန် အမှတ်အသားပါ ဓာတ်ပုံတွေကို လုပ်ကြံဖန်တီး သတင်းအမှား ဖော်ပြတာလို့လည်း ထုတ်ပြန်ချက်မှာ ပြန်ရှင်းပါတယ်။
မြောက်ပိုင်းမဟာမိတ် အဖွဲ့ကတော့ ဒီပစ်ခတ်မှုဟာ ကွတ်ခိုင်အခြေစိုက် ခမရ ၂၄၁ က ပစ်တာဖြစ်ပြီးတော့ ၁၂၂ မမ လက်နက်ကြီးကျည် ၃ လုံးပစ်တာဖြစ်တယ်လို့ သြဂုတ်လ ၃၁ ရက်နေ့က ပြောပါတယ်။
တပ်မတော်ဘက်ကတော့ ဒီပစ်ခတ်မှုနဲ့ပက်သက်ပြီး အသေးစိတ် စုံစမ်းစစ်ဆေးမှုတွေကို ဆက်လက်ပြုလုပ်လျက် ရှိတယ်လို့လည်း ပြောပါတယ်။
တပ်မတော်ကပြန်ရှင်း တဲ့ထုတ်ပြန်ချက် |
' ' ဒဏ်ရာ ရတဲ့ ၂ယောက်ကိုတော့ လားရှိုးဆေးရုံကို ပို့လိုက်ပြီ။ ဆုံးသွားတာတော့ ၅ဦးပါ။ လသား ကလေးငယ်တစ်ယောက်ရယ် မိခင်ရယ်၊ နောက်ထပ် ၈ နှစ်အရွယ် ကလေး တစ်ယောက် လည်း ပါတယ်။''လို့ အခင်းဖြစ်ရာကို သွားရောက်ကူညီခဲ့တဲ့ ဗြဟ္မစိုရ်နှလုံးသား လူမှုကူညီရေးအသင်းက အဖွဲ့ဝင် တစ်ဦးက ဘီဘီစီကိုပြောပါတယ်။
သြဂုတ်လ ၃၁ ရက် မနက် အစောပိုင်းကတည်းက ကွတ်ခိုင်မြို့ပေါ်ရပ်ကွက်တွေမှာပါ ပစ်ခတ်မှုတွေဖြစ်ခဲ့ပြီး မြို့ပေါ် ရပ်ကွက်တစ်ခုဖြစ်တဲ့ ရပ်ကွက် ၈ မှာပါ တိုက်ပွဲတွေဖြစ်ခဲ့တဲ့အတွက် အဲဒီရပ်ကွက်မှာရှိတဲ့ မသန်စွမ်း ကျောင်းက ကလေးငယ်တွေကို ဘေးလွတ်ရာ တိမ်းရှောင်နေကြရတယ်လို့ ကျောင်း တာဝန်ခံ ဒေါ်မိုင်းမိုင်းက ဘီဘီစီကိုပြောပါတယ်။
မူဆယ်လမ်းပိုင်းစက်တင်ဘာ ၃ရက်ပြန်ပွင့် |
ကွတ်ခိုင်-မူဆယ်လမ်းပိုင်း စက်တင်ဘာလ ၃ ရက်နေ့မှာ ပြန်ပွင့်ပေမယ် မူဆယ်တက်မယ့် ကားဆရာတွေဟာ လမ်းမှာ မီးလောင်ထားတဲ့ကားတွေ လမ်းထောင့်တွေမှာ ရှိတာ သတိထားဖို့လိုတယ်လို့လည်း ဒေသခံတစ်ဦး ကပြောပါတယ်။
BBC Burmese
https://www.bbc.com
ကွတ်ခိုင်မြို့တိုက်ပွဲ အရပ်သား ၅ ဦး သေဆုံးမှု တပ်မတော်ကပြန်ရှင်း
Reviewed by THITHTOOLWIN
on
02:07
Rating: