ကမ္ဘာ့အကြီးဆုံး ဆော်ဒီရေနံချက်စက်ရုံ တိုက်ခိုက်ခံရ

တိုက်ခိုက်ခံရပြီးနောက် မီးလောင်နေသည့် ဆော်ဒီရေနံချက်စက်ရုံ။ (စက်တင်ဘာ ၁၄၊ ၂၀၁၉)
ဆော်ဒီအာရေဗျနိုင်ငံထဲက Saudi Aramco ရေနံကုမ္ပဏီပိုင် ကမ္ဘာ့အကြီးဆုံး ရေနံချက်စက်ရုံနဲ့ ရေနံလုပ်ကွက်တွေကို ဒရုန်းယာဉ်သုံးပြီး တိုက်ခိုက်ခဲ့တာ သူတို့လက်ချက်ဖြစ်တယ်လို့ ယီမင် ဟူသီသူပုန်တွေက ဒီကနေ့ ပြောဆိုလိုက်ပါတယ်။

အကြီးအကျယ် မီးလောင်သွားတဲ့ ရေနံချက်စက်ရုံတွေဟာ ကမ္ဘာ့စွမ်းအင်လိုအပ်ချက်အတွက် သိပ်ကိုအရေးပါတဲ့ နေရာတွေလည်း ဖြစ်ပါတယ်။ Buqyaq နဲ့ Khurais ရေနံလုပ်ကွက်တွေမှာ ခုလို မီးလောင်မှုကြောင့် ဒဏ်ရာရသူ ရှိမရှိဆိုတာနဲ့ ဆော်ဒီအာရေဗျရဲ့ ရေနံထုတ်လုပ်ရေးအပေါ် ဘယ်လိုသက်ရောက်မှုရှိမလဲ ဆိုတာတော့ ရှင်းရှင်းလင်းလင်း မရှိသေးပါဘူး။

ကမ္ဘာ့အင်အားကြီးနိုင်ငံတွေနဲ့ အီရန်ကြား သဘောတူညီမှုရထားတဲ့ အီရန် နျူကလီးယားအရေးနဲ့ ပတ်သက်ပြီး အမေရိကန်နဲ့ အီရန်ကြား တင်းမာနေတဲ့ကာလမှာ ဆော်ဒီရေနံစက်ရုံတွေ ခုလို တိုက်ခိုက်ခံရတဲ့ ဖြစ်ရပ်ကြောင့် ပါရှန်းပင်လယ်ကွေ့ဒေသက အခြေအနေတွေ ပိုပြီးတင်းမာလာမယ့်သဘော ရှိနေပါတယ်။

အီရန်နိုင်ငံက ကျောထောက်နောက်ခံပေးထားတဲ့ ဟူသီသူပုန်တွေကို ဆော်ဒီဦးဆောင်တဲ့ ညွန့်ပေါင်းတပ်တွေက ယီမင်နိုင်ငံထဲမှာ နှစ်နဲ့ချီ တိုက်ခိုက်နေတာပါ။ အွန်လိုင်းဗီဒီယိုမှာ တွေ့ရတဲ့ ရုပ်ပုံတွေထဲမှာတော့ Buqyaq ရေနံစက်ရုံ မီးလောင်တာကို တွေ့မြင်ရသလို သေနတ်သံတွေကိုလည်း ကြားရပါတယ်။ Abqaiq ကုမ္ပဏီပိုင် ရေနံချက်စက်ရုံတွေ မီးလောင်ရာက ထွက်လာတဲ့ မီးခိုးလုံးကြီးတွေကိုလည်း အဝေးကတောင် မြင်ကြရတာပါ။

ဒရုန်းယာဉ်တွေနဲ့ စတင်တိုက်ခိုက်လိုက်ခံရချိန်မှာပဲ စပြီး မီးလောင်ခဲ့တာဖြစ်ပြီး စုံစမ်းစစ်ဆေးမှုတွေ စတင်နေပြီလို့ ပြည်ထဲရေးဝန်ကြီးဌာနရဲ့ ထုတ်ပြန်ချက်ကို အစိုးရပိုင် Saudi Press Agency သတင်းဌာနက ဖော်ပြပါတယ်။

ဟူသီစစ်ဘက်ပြောခွင့်ရသူ Yahia Sarie ကလည်း ရေနံလုပ်ကွက်ထဲက ပစ်မှတ် ၁၀ ခုကို သူတို့ဒရုန်းယာဉ်တွေနဲ့ တိုက်ခိုက်ခဲ့တာဖြစ်ပြီး ဆော်ဒီအစိုးရလုပ်ရမယ့် တခုတည်းသောလုပ်ရပ်က သူတို့ကို တိုက်ခိုက်နေတဲ့လုပ်ရပ်တွေ ရပ်မပစ်ရင် အခြေအနေတွေ ဒီထက်ပိုဆိုးလာလိမ့်မယ်လို့ ဟူသီ Al-Masirah သတင်းဌာကနေ ပြောဆိုသွားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ