စည္သာေက်း႐ြာတြင္ ႐ြာအဝင္မုခ္ဦးကို ကားဝင္တိုက္၍ မုခ္ဦးၿပိဳက်ၿပီး ယာဥ္ေမာင္းေသဆုံးမႈျဖစ္ပြား



Share/Bookmark

ေ႐ႊဘို စက္တင္ဘာ ၁၅

စစ္ကိုင္းတိုင္းေဒသႀကီး ေ႐ႊဘိုခ႐ိုင္ ေ႐ႊဘိုၿမိဳ႕နယ္ စည္သာေက်း႐ြာတြင္ စက္တင္ဘာ ၁၄ ရက္ ည ၈ နာရီ ၄၅ မိနစ္က စည္သာေက်း႐ြာရွိ ႐ြာအဝင္မုဒ္ဦးအား ေမာ္ေတာ္ယာဥ္တစ္စီးမွ တိုက္မိ၍ မုခ္ဦးၿပိဳက်ၿပီး လူတစ္ဦးေသဆုံးမႈျဖစ္ပြားခဲ့ေၾကာင္း ေ႐ႊဘိုခ႐ိုင္မီးသတ္ ဦးစီးမႉး လက္ေထာက္ၫႊန္ၾကားေရးမႉး ဦးေအးျမင့္ ထံမွ သိရသည္။


ျဖစ္စဥ္မွာ စစ္ကိုင္းတိုင္းေဒသႀကီး ေ႐ႊဘိုခ႐ိုင္ ေ႐ႊဘိုၿမိဳ႕တြင္ ၿမိဳ႕နယ္မီးသတ္ စခန္း၏ေျမာက္ဘက္ ၆ မိုင္ခန႔္ကြာေဝးေသာ စည္သာေက်း႐ြာရွိ ႐ြာအဝင္မုခ္ဦးအား စက္တင္ဘာ ၁၄ ရက္ ည ၈ နာရီ ၄၅ မိနစ္က ယာဥ္ေမာင္း ဦးဖုန္းႏိုင္ဦး (ခ) ဦးဖုန္း (သ) ၄၆ ႏွစ္ အမွတ္ (၁) ရပ္ကြက္ ဘူတာ (ခ) ရပ္ ကန္ေတာ္လမ္း ေ႐ႊဘိုၿမိဳ႕ေနသူ ေမာင္းႏွင္ေသာ SKAT အနီေရာင္ အုတ္ သဲ ေက်ာက္တင္ေမာ္ေတာ္ယာဥ္သည္ သဲခ်ၿပီးျပန္အထြက္ ကားေနာက္ပိုင္းႏွင့္ ႐ြာအဝင္မုဒ္ဦးအားတိုက္မိၿပီး ( ၁၅ ) တန္ခန႔္ရွိ မုခ္ဦးၿပိဳက်၍ ကားေခါင္းခန္းအေပၚသို႔ပိမိသျဖင့္ ယာဥ္ေမာင္း ဦးဖုန္းႏိုင္ဦး (ခ) ဦးဖုန္း ( သ ) ၄၆ ႏွစ္ မွာ ဦးေခါင္းျပားဒဏ္ရာ လက္ႏွင့္ေျခေထာက္က်ိဳး ဒဏ္ရာမ်ားရရွိေသဆုံးခဲ့ေၾကာင္း သိရသည္။

အဆိုပါ ယာဥ္တိုက္မႈျဖစ္ပြားသည့္ စည္သာေက်း႐ြာ သို႔ ေ႐ႊဘိုခ႐ိုင္မီးသတ္ ဦးစီးမႉး လက္ေထာက္ၫႊန္ၾကားေရးမႉး ဦးေအးျမင့္ ေခါင္းေဆာင္ေသာ ရွာေဖြကယ္ဆယ္ေရးတပ္ဖြဲ႕ဝင္ ( ၁၀)ဦး ရဲတပ္ဖြဲ႕ဝင္ ( ၄) ဦး လူမႈကယ္ဆယ္ေရး အဖြဲ႕ဝင္ ( ၃၀) ဦး မီးျငႇိမ္းသတ္ယာဥ္တစ္စီးတို႔ျဖင့္ သြားေရာက္၍ ကားေခါင္း ခန္းေပၚတြင္ ပိမိေနေသာ မုဒ္ဦးအား ကရိန္းျဖင့္ဖယ္ရွား၍ ေသဆုံးသူ ယာဥ္ေမာင္းအား ကားေခါင္းခန္းအတြင္းမွ ဆြဲထုတ္ၿပီး ေ႐ႊဘိုျပည္သူ႔ေဆး႐ုံ ႀကီးသို႔ ကူညီပို႔ေဆာင္ေပးခဲ့ေၾကာင္း ခ႐ိုင္မီးသတ္ဦးစီးဌာနမွ သတင္းရရွိသည္။

ျဖစ္စဥ္ႏွင့္စပ္လ်ဥ္း၍ ယာဥ္အားမဆင္မျခင္ေမာင္းႏွင္မႈေၾကာင့္ လူ႔အသက္ ေသဆုံးေစသူ ဦးဖုန္းႏိုင္ဦး (ခ) ဦးဖုန္းကို ေ႐ႊဘိုၿမိဳ႕မရဲစခန္းက အမႈဖြင့္အေရးယူ ေဆာင္႐ြက္လ်က္ရွိေၾကာင္း ေ႐ႊဘိုၿမိဳ႕မရဲစခန္းမွ သိရသည္။

မိုးေသာက္ ( ေ႐ႊဘို)
Myanmaalinn
https://www.facebook.com/MYANMAALINNNEWS

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ