ကျိုင်းတုံဆွေးနွေးပွဲ မြောက်ပိုင်းလေးဖွဲ့ တက်မည်

(မြောက်ပိုင်းလေးဖွဲ့နဲ့ ငြိမ်းချမ်းရေးကော်မရှင်တို့ ၂ဝ၁၉ သြဂုတ် ၃၁ ရက်နေ့က ရှမ်းပြည်နယ် အရှေ့ပိုင်း ကျိုင်းတုံမြို့မှာ တွေ့ဆုံစဉ်)
 ရှမ်းပြည်နယ်အရှေ့ပိုင်း ကျိုင်းတုံမြို့မှာ ငြိမ်းချမ်းရေးဆွေးနွေးဖို့ အစိုးရက ဖိတ်ကြားထားတာကို မြောက်ပိုင်းမဟာမိတ် လေးဖွဲ့လုံးက လက်ခံလိုက်ပါတယ်။

လာမယ့် စက်တင်ဘာလ ၁၆ ရက်နေ့နဲ့ ၁၇ ရက်နေ့တွေမှာ ကျိုင်းတုံမြို့မှာ တွေ့ဆုံဆွေးနွေးဖို့ အစိုးရက ကမ်းလှမ်းထားတဲ့အပေါ် မြောက်ပိုင်းမဟာမိတ်အဖွဲ့တွေက ၁၇ ရက်နေ့မှာ တွေ့ဆုံဆွေးနွေးဖို့ အကြောင်းပြန်ထားတယ်လို့ ကချင်ငြိမ်းချမ်းရေး အကျိုးတော်ဆောင် ဦးလမိုင်ဂွမ်ဂျာက RFA ကို ပြောပါတယ်။

ဆွေးနွေးပွဲကို မြောက်ပိုင်းမဟာမိတ်အဖွဲ့ဘက်ကဘယ်သူတွေတက်မယ်ဆိုတာကိုတော့ အတိအကျမသိရသေးကြောင်းနဲ့ ဆွေးနွေးပွဲမှာ တပ်မတော်ကိုယ်စားလှယ်တွေ ပါဝင်လာမယ်လို့ မျှော်လင့်ကြောင်းလည်း ဦးလမိုင်ဂွမ်ဂျာက ပြောပါတယ်။

ကျိုင်းတုံမှာ ပြီးခဲ့တဲ့ သြဂုတ်လ ၃၁ ရက်နေ့ကကျင်းပခဲ့တဲ့ အစိုးရနဲ့ မြောက်ပိုင်းမဟာမိတ် လေးဖွဲ့ဆွေးနွေးပွဲမှာ စက်တင်ဘာလအတွင်း ထပ်မံတွေ့ဆုံဖို့ သဘောတူခဲ့ပြီးနောက်မှာ ကျိုင်းတုံမှာပဲ ထပ်မံတွေ့ဆုံဖို့ အစိုးရက ကမ်းလှမ်းခဲ့တာဖြစ်ပါတယ်။

ပြီးခဲ့တဲ့ ဆွေးနွေးပွဲမှာ ငြိမ်းချမ်းရေးကော်မရှင်အဖွဲ့ဝင်တွေသာ တက်ရောက်ခဲ့တာကြောင့် တပ်နေရာချထားရေးကိစ္စတွေ မဆွေးနွေးဖြစ်ခဲ့ပဲ လာမယ့် ဆွေးနွေးပွဲမှာ တပ်မတော် ကိုယ်စားလှယ်တွေ ပါဝင်လာမယ်ဆိုရင် ပဏာမအပစ်ရပ် လက်မှတ်ရေးထိုးရေးအတွက် အဓိကအခက်အခဲဖြစ်နေတဲ့ တပ်နေရာချထားရေးကိစ္စကိုလည်း ဆွေးနွေးနိုင်မယ်လို့ ငြိမ်းချမ်းရေးအကျိုးဆောင်တွေက မျှော်လင့်နေပါတယ်။

လာမယ့် ဆွေးနွေးပွဲမှာ တပ်မတော် ကိုယ်စားလှယ်တွေ တက်ရောက်သွားမယ်လို့ တပ်မတော်သတင်းမှန် ပြန်ကြားရေးအဖွဲ့ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက RFA ကိုပြောပါတယ်။

ပထမအကြိမ် ကျိုင်းတုံမှာ ဆွေးနွေးပွဲပြီးနောက်ပိုင်း တပ်မတော်က စစ်ဌာနချုပ်နယ်မြေ ငါးခုမှာ အပစ်ရပ်ကြေညာထားတာကို စက်တင်ဘာလ ၂၁ ရက်နေ့အထိ သက်တမ်းတိုးခဲ့ပါတယ်။

အလားတူ AA၊ TNLA၊ MNDAA မြောက်ပိုင်းမဟာမိတ် ၃ ဖွဲ့ကလည်း အောက်တိုဘာလ ၈ ရက်နေ့အထိ ရက် ၃၀ ကြာ အပစ်ရပ်ကြောင်း ပြီးခဲ့တဲ့ စက်တင်ဘာလ ၉ ရက်နေ့က ထုတ်ပြန်ကြေညာခဲ့ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ