ဘူးသီးတောင်မှာ တပ်မတော် စက်တပ်လှေတချို့ တိုက်ခိုက် နှစ်မြှုပ်ခံရ

ဘူးသီးတောင်မြို့နယ်မှာ တပ်မတော်ရဲ့ စက်တပ်လှေတွေ တိုက်ခိုက်ခံရတယ်လို့ ဒေသခံတွေက ပြောတာကို ရခိုင် လက်နက်ကိုင်အဖွဲ့ AA ပြောခွင့်ရကလည်း အတည်ပြုပြောဆိုပါတယ်။ တပ်မတော်ဘက်ကတော့ ဒီတိုက်ခိုက်မှုနဲ့ ပတ်သက်လို့ အတည်ပြုချက် မရပါဘူး။ မင်းပြားမြို့နယ်ထဲမှာတော့ တပ်မတော်ယာဉ်တန်းကို AA က ဗုံးခွဲတိုက်ခိုက်တယ်လို့ တပ်မတော်ဘက်က ပြောပါတယ်။ တိုက်ပွဲတွေ ဖြစ်တိုင်းမှာလည်း ဖြစ်တဲ့နေရာပတ်ဝန်းကျင်က ရွာသူရွာသားတွေ ထွက်ပြေးကြရပါတယ်။ စစ်မီး မငြိမ်းသေးတဲ့ ရခိုင်ပြည်နယ်တွင်း အခြေအနေကို ထိုင်းအခြေစိုက် ဗွီအိုအေ မြန်မာပိုင်းသတင်းထောက် နိုင်ကွန်းအိန်က သတင်းပေးပို့ထားပါတယ်။

ရခိုင်ပြည်နယ်အတွင်း စစ်ရေးလှုပ်ရှားနေတဲ့ တပ်မတော်စစ်ကြောင်းနဲ့ ရခိုင်လက်နက်ကိုင် AA အဖွဲ့တို့အကြား တိုက်ပွဲတွေ ဆက်လက်ဖြစ်ပွားနေတာပါ။

မနေ့က မွန်းလွဲပိုင်းလောက်မှာ ရသေ့တောင်နဲ့ ဘူးသီးတောင်မြို့နယ်အစပ် ခွဆုံကျေးရွာအနီးမှာ မြန်မာစစ်တပ်ကနေ စီးနင်းလာတဲ့ စက်တပ်လှေကို သူတို့ဘက်က တိုက်ခိုက်ခဲ့ကြောင်း AA ရခိုင်လက်နက်ကိုင်အဖွဲ့ ပြန်ကြားရေးတာဝန်ခံ ခိုင်သုခက အခုလို ပြောပါတယ်။

“ဘူးသီးတောင်ဘက်မှာ မနေ့ကလည်းပဲ ဒီ ထိုးစစ်ဆင်ဖို့ အင်အားဖြည့်ဖို့ တက်လာတဲ့ ဗမာစစ်တပ်ရဲ့ စက်လှေတချို့ကို ကျနော်တို့ဘက်ကနေပြီးတော့ ဟန့်တား တိုက်ခိုက်တာတွေတော့ ရှိတယ်။ အဲဒီမှာစက်လှေ သုံး စီး။ ထိခိုက်ကျဆုံးမှု အသေးစိတ်တော့ ကျနော်ဆီ ရောက်မလာသေးဘူး။”

ဒီတိုက်ခိုက်မှုနဲ့ ပတ်သက်လို့ သူတို့ဆီကို အသေးစိတ်သတင်း ရောက်မလာသေးဘူးလို့လည်း ခိုင်သုခက ပြောပါတယ်။

မနေ့က ဘူးသီးတောင် ရေကြောင်း တိုက်ပွဲအခြေအနေနဲ့ ပက်သက်လို့ မြင်တွေ့ခဲ့ရတဲ့ အခြေအနေတွေကို ခွဆုံကျေးရွာသားတဦးက အခုလို ပြောပါတယ်။

“ခွဆုံအိုင်နားလောက်မှာ ဖြစ်ကြတယ်။ မြန်မာ့တပ်မတော် စစ်ကြောင်းထွက်လာတာကို နှစ်ဦး နှစ်ဘက် တွေ့ပြီးတော့ အဲဒီမှာ ပစ်ခတ်မှုတွေ ရှိတာပေါ့။ မြန်မာ့တပ်မတော် စက်တပ်လှေအစီး ငါး စီးလာတယ်။ နှစ်စီးမြှုပ်သွားတယ်လို့ ပြောတယ်။ မြန်မာ့တပ်မတော်ဘက်ကတော့ နည်းနည်း ထိတယ်လို့ ပြောတယ်။ ဘေးနားမှာ ရှိတဲ့ ကျေးရွာက လူတွေမြင်လိုက်တယ်လေ။”

တိုက်ပွဲဖြစ်ပွားအပြီး မြန်မာစစ်တပ်ကနေ လက်နက်ကြီးငယ်တွေနဲ့ ပစ်ခတ်မှုကြောင့် အနီးဝန်းကျင်ရွာက ရွာသားတွေ ဘေးလွတ်ရာကို တိမ်းရှောင်နေရတယ်လို့ ခွဆုံကျေးရွာသားကပဲ ဆက်ပြောပါတယ်။

“ရခိုင်တပ်တော်ဘက်က ဖြစ်ပြီးတော့ သူတို့က ပျောက်သွားတယ်။ မြန်မာ့တပ်မတော်က အဲဒီကျေးရွာတွေကို ချိန်ပြီး လက်နက်တွေနဲ့ ပစ်တယ်။ လူတွေကိုတော့ မထိဘူးပေါ့။ အဲဒီနားမှာရှိတဲ့ခွဆုံရယ် ဇေယျာမြိုင် အိုးဖေါက် ပြိန်းတောတို့ အကုန်လုံး သူတို့ ထွက်ပြေးကြတယ်လေ။ ရွာမှာ မနေရဲကြတော့ဘူး မနေ့က။”

ပစ်ခတ်တိုက်ခိုက်မှု ဖြစ်ပွားတဲ့နေရာဟာ ရသေ့တောင်မြို့နယ် အိုးဖေါက်ရွာနဲ့ ဘူးသီးတောင်မြို့နယ် ခွဆုံကျေးရွာအကြား မေယုမြစ်ထဲက သုံးခွမြစ်ချောင်းဆုံတဲ့ နေရာမှာ ဖြစ်ပွားခဲ့ကြောင်း ခွဆုံကျေးရွာအုပ်ချုပ်ရေး အဖွဲ့ဝင် တဦးက ပြောပေမဲ့ ထိခိုက်မှု အခြေအနေကိုတော့ မသိရှိဘူးလို့ ပြောပါတယ်။

မနေ့က မင်းပြားမြို့နယ်ဘက်မှာ AA အဖွဲ့နဲ့ မြန်မာစစ်တပ်တို့ တိုက်ပွဲ ဖြစ်ပွားခဲ့ကြာင်းကိုလည်း ခိုင်သုခက ပြောပါတယ်။

“မင်းပြားဘက်မှာလည်း မနေ့ကနေပြီးတော့ ဗမာစစ်တပ်ဘက်က ထိုးစစ်ဆင်ဖို့ တက်လာတဲ့ ကျနော်တို့ဘက်က ဒီထိတွေ့ တိုက်ပွဲဖြစ်တာတွေ ရှိတယ်။”

တပ်မတော် သတင်းမှန်ပြန်ကြားအတွင်းရေးမှူး ဗိုလ်မှူးချုပ်ဇော်မင်းထွန်းကတော့ ဘူးသီးတောင်မြို့နယ်အတွင်း တိုက်ပွဲဖြစ်ပွားမှု အခြေအနေကို မသိရှိရသေးဘူးလို့ဆိုသလို မနေ့က မင်းပြားမြို့နယ် ပန်းမြောင်းကျေးရွာဘက်မှာ တပ်မတော်ယာဉ် တစီး မိုင်းခွဲတိုက်ခိုက်ခံရကြောင်း ပြောပါတယ်။

“အဲဒီမှာတော့ ကျနော်တို့လည်း အခုထိ မသိသေးဘူး။ မနေ့ကတော့ ကျနော်တို့ ပန်းမြောင်းကျေးရွာဘက်မှာ ရီမုမိုင်းနဲ့ တိုက်ခိုက်ခဲ့တာ ရှိပါတယ်။ အဲဒီမှာတော့ ကျနော်တို့ဆီက စစ်သုံးမော်တော်ယာဉ် တစီး တိုက်ခိုက်တာ ဖြစ်တယ်။ မော်တော်ယာဉ်တော့ အနည်းငယ် ပျက်စီးသွားတယ်။ မီးလုံးကွဲတာတို့ ဘာတို့ပဲ ဖြစ်ပါတယ်။ မောင်းလို့ရပါတယ်။ ကျန်တဲ့ ထိခိုက်ဒဏ်ရာ ရရှိမှုတော့ မရှိဘူးဗျ။

ဒီကနေ့မှာလည်း ရသေ့တောင်မြို့နယ် ပြိန်းတောကျေးရွာထဲကို မြန်မာစစ်တပ်ဘက်က ပစ်ခတ် ပစ်ခတ် ၀င်ရောက်ခဲ့လို့ ရွာသားတွေ တိမ်းရှောင်နေရကြောင်း ကျေးရွာ ရပ်မိရပ်ဖတဦးကပြောပါတယ်။

ရခိုင်ပြည်နယ်အတွင်းမှာ မြန်မာစစ်တပ်နဲ့ ရခိုင်လက်နက်ကိုင် AA အဖွဲ့တို့အကြား တိုက်ပွဲတွေနေ့စဉ်လိုလို ဖြစ်ပွားနေပြီး စစ်ရှောင်ရွာသားတွေလည်း ပိုမို တိုးပွားလာနေပါတယ်။

မြန်မာအစိုးရဲ့ ငြိမ်းချမ်းရေးကော်မရှင်နဲ့ ရခိုင်လက်နက်ကိုင်အဖွဲ့ AA အပါအ၀င် မြောက်ပိုင်းမဟာမိတ် လေး ဖွဲ့တို့ ရှေ့သီတင်းပတ် တနင်္လာနေ့ကျရင် ရှမ်းပြည်နယ် ကျိုင်းတုံမြို့မှာ ငြိမ်းချမ်းရေးအတွက် တွေ့ဆုံဆွေးနွေးဖို့ သေချာ သလောက်ရှိနေပြီဖြစ်ပေမဲ့ ရခိုင်ပြည်နယ်ဟာ အပစ်ခတ် ရပ်စဲရေးဒေသထဲမှာ မပါဝင်တာကြောင့် တိုက်ပွဲ လျှော့ကျရေးဟာ မရေရာသေးတဲ့ အခြေအနေမှာ ရှိနေပါတယ်။

ကိုနိုင်ကွန်းအိန်/ ဗွီအိုအေ (မြန်မာပိုင်း)
https://burmese.voanews.com