ဆေးဝါးထုပ်ပိုးပစ္စည်းကိစ္စ စက်ရုံမှူးတစ်ဦးတည်း ဆုံးဖြတ်ခဲ့တာမဟုတ်ဘူးလို့ဆို

 အာဏာပိုင်တွေတားမြစ်ထားလို့ စက်တင်ဘာ ၁၉ ရက် ရုံးချိန်းကို စက်ရုံဝန်ထမ်းတွေမလာရဲကြ
အဂတိ စွပ်စွဲချက်နဲ့ ဖမ်းဆီးခံထားရတဲ့ အင်းစိန် ဘီပီအိုင် ဆေးဝါးစက်ရုံမှူးကို စက်တင်ဘာ ၁၉ ရက်က ဒုတိယအကြိမ် ရုံးထုတ်ခဲ့ပြီး အမှုတည်ဆောက်တာ မပြီးပြတ်သေးလို့ နှစ်ပတ်ကြာ ချုပ်ရက်ထပ်ယူခဲ့ပါတယ်။

စက်ရုံမှူးဒေါက်တာအောင်ဇော်ကို စွပ်စွဲထားတဲ့ ကော်စေ့ ၂၆ တန် ဝယ်ယူတဲ့ကိစ္စဟာ သူတစ်ဦးတည်း ဆုံးဖြတ်ခဲ့တာ မဟုတ်ဘဲ အထက်အဆင့်ဆင့်ထိ ခွင့်ပြုချက်ယူခဲ့တဲ့ အထောက်အထားတွေရထားပြီလို့ ဒေါက်တာအောင်ဇော်ရဲ့ ဥပဒေ အကြံပေး ဦးခင်မောင်မြင့်က ပြောပါတယ်။

လက်ရှိမှာ အစိုးရက ကော်စေ့သွင်းတဲ့ ကုမ္ပဏီကို ငွေ မပေးချေရသေးတဲ့အတွက် ငွေကြေးတံစိုးလက်ဆောင် ရယူတာလည်း မပေါ်ပေါက်ဘူးလို့ ဆိုပါတယ်။

ဓာတ်ခွဲခန်းနဲ့ တင်ဒါဝယ်ယူရေးအဖွဲ့ထဲက တာဝန်ရှိသူတွေ ၊ အထက်အဆင့်ကို ခွင့်ပြုချက်ယူခဲ့ကြောင်း ကြားသိတဲ့သူတွေက ဒေါက်တာအောင်ဇော်အတွက် သက်သေလိုက်ပေးဖို့လည်း စီစဉ်နေပါတယ်။

စက်ရုံမှူးကို နောက်ထပ်ချုပ်ရမန်နှစ်ပတ်ထပ်ယူ
တင်ဒါကုမ္ပဏီက တင်သွင်းလာမယ့်ကော်စေ့တွေကို စောင့်နေစဉ်မှာ ဆေးပြတ်မှာစိုးလို့ အဲဒီကုမ္ပဏီနဲ့ ညှိနှိုင်းပြီး အမျိုးအစားတူကော်စေ့ကို သုံးဖို့ ခွင့်ပြုချက်တောင်း၊ စမ်းသပ်ခဲ့ပြီးမှ သုံးခဲ့တာလို့ ဦးခင်မောင်မြင့်က ဘီဘီစီကို ပြောပါတယ်။

ဒါကြောင့် ဒီလုပ်ငန်းစဉ်တစ်ခုလုံးမှာ ပါတဲ့ ဓာတ်ခွဲခန်းနဲ့ တင်ဒါစစ်ဆေးရေးအဖွဲ့က အရာရှိတချို့အပါအဝင် သက်သေ ၁၅ ဦးလောက် ထွက်ဆိုပေးဖို့ စီစဉ်နေတယ်လို့ ဦးခင်မောင်မြင့်က ဆိုပါတယ်။

ဒါပေမဲ့ အဂတိ လိုက်စားမှု တိုက်ဖျက်ရေး ကော်မရှင်ဘက်ကတော့ အချက်အလက်ခိုင်မာလို့ အရေးယူခဲ့တာလို့ ကော်မရှင်ပြောရေးဆိုခွင့်ရှိသူ ဦးကျော်စိုးက ပြောပါတယ်။

'ဒေါက်တာအောင်ဇော်က ကော်စေ့တွေကို တင်ဒါအောင်တဲ့ကုမ္ပဏီက တင်ဒါစည်းကမ်းနဲ့အညီ အရည်အသွေးမီ ကော်စေ့တွေမပေးသွင်းမီမှာ တင်ဒါလုပ်ထုံးလုပ်နည်းနဲ့မညီဘဲ အရည်အသွေးနိမ့်ကော်စေ့ ၂၆ တန်ကို ကုမ္ပဏီကို ပေးသွင်းစေခဲ့တယ်။ ဒီကော်စေ့တွေနဲ့ သွေးရည်ကြည်ပုလင်းတွေ ထုတ်ပြီး ကျန်းမာရေးဝန်ကြီးဌာနကို ရောင်းချစေခဲ့တယ်' လို့ သူက ပြောပါတယ်။

လက်ရှိမှာ ဒီဆေးပုလင်းတွေ ဆက်မရောင်းဖို့ ကျန်းမာရေးဝန်ကြီးဌာနက ညွှန်ကြားထားပါတယ်။ ဒါကြောင့် တိုင်းပြည်ရဲ့ဘဏ္ဍာငွေတွေ နစ်နာဆုံးရှုံးလို့ ဒေါက်တာအောင်ဇော်ဟာ အဂတိနဲ့ငြိစွန်းတယ်လို့ ဦးကျော်စိုးက ဆက်ပြောပါတယ်။

    ထိရောက်တဲ့အရေးယူမှုတွေ တိုးလာမယ်လို့ အဂတိ တိုက်ဖျက်ရေး ကော်မရှင် ဥက္ကဋ္ဌ ဦးအောင်ကြည်ပြော
    အဂတိ မှု နဲ့ ဖမ်းဆီး ခံရတဲ့ တနင်္သာရီ ဝန်ကြီးချုပ်

အဂတိဆိုတာ တာဝန်လုပ်ပိုင်ခွင့် အလွဲသုံးတာ၊ တံစိုးလက်ဆောင်ရယူတာနဲ့ အဂတိကြောင့် ဌာနတွင်း ထိခိုက်နစ်နာတာ ဒီသုံးချက်ပေါ်ပေါက်မှ အမှုမြောက်ကြောင်း အဂတိလိုက်စားမှုတိုက်ဖျက်ရေးဥပဒေမှာ ဖော်ပြထားပါတယ်။

ဒီသုံးချက်နဲ့မငြိတာကို တရားခွင်မှာ ခုခံချေပမယ့်အပြင် အထက်အဆင့်တာဝန်ရှိသူ မြန်မာ့ဆေးဝါးလုပ်ငန်း ဦးဆောင်ညွှန်ကြားရေးမှူး ဒေါက်တာကိုကိုအောင်ကို ဌာနတွင်း စုံစမ်းစစ်ဆေးရေးနဲ့အရေးယူပြီး ဒေါက်တာအောင်ဇော်ကို အဂတိနဲ့ တရားစွဲတာက လွဲမှားနေတယ်လို့ သူက ထောက်ပြပါတယ်။

ဒါနဲ့ပတ်သက်လို့ တာဝန်ကအနားပေးခံရတဲ့ ဒေါက်တာကိုကိုအောင်ကို ဘီဘီစီက စက်တင်ဘာ ၁၉ ရက်ညနေအထိ ၁၀ ကြိမ်ထက်မနည်း ဖုန်းခေါ်ခဲ့ပေမယ့် အဆက်သွယ်မရခဲ့ပါဘူး။

ဒါ့အပြင် စက်မှုဝန်ကြီးဌာန အမြဲတမ်းအတွင်းဝန် ဦးကိုကိုလွင်ကိုလည်း ဘီဘီစီက ဆက်သွယ်ခဲ့ပေမယ့် မှတ်ချက်မရခဲ့ပါဘူး။

နောက်တစ်ကြိမ်ရုံးချိန်းကို အောက်တိုဘာ ၂ ရက်ကိုပြန်လည်ချိန်းဆိုထားပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ