ကြတ္ခိုင္မွာ မေန႔က တိုက္ပြဲျဖစ္၊ ေနအိမ္ေတြပ်က္စီးၿပီး ရြာသားေတြ ထြက္ေျပးေနရ



Share/Bookmark
ကြတ္ခိုင္ၿမိဳ႕ မဟာစည္ေက်ာင္းမွာ ထြက္ေျပးခိုလံႈေနရတဲ့ ေဟြခုတ္မန္ထန္ရြာသားေတြကို ၂၀၁၉ စက္တင္ဘာ ၃ ရက္ေန႔ကေတြ႕ရစဥ္
ရွမ္းျပည္ေျမာက္ပိုင္း ကြတ္ခိုင္ၿမိဳ႕အထြက္ ရပ္ကြက္ ၈ နဲ႔ ေဟြခုတ္မန္ထန္ရြာေတြဘက္မွာ စက္တင္ဘာလ ၂ ရက္ မေန႔ကညေနပိုင္းမွာ တပ္မေတာ္နဲ႔ ေျမာက္ပိုင္းမဟာမိတ္ သံုးဖြဲ႔တို႔ တိုက္ပြဲျဖစ္ပြားခဲ့ရာမွာ ေနအိမ္အေဆာက္အဦး တခ်ိဳ႕ ပ်က္စီးခဲ့သလို ရြာသားတစ္ရာေက်ာ္လည္း ထြက္ေျပးခဲ့ရပါတယ္။

မေန႔ကညေနပိုင္းမွာ တပ္မေတာ္ဘက္က ရဟတ္ယာဥ္ ႏွစ္စင္းနဲ႔ ပစ္ခတ္ခဲ့တယ္လို႔ ေဒသခံေတြက ေျပာၾကပါ တယ္။ ႏွစ္ဖက္တိုက္ပြဲေတြေၾကာင့္ ေဟြခုတ္ရြာက ေနအိမ္တစ္လံုးပ်က္စီးခဲ့သလို ရြာဘုန္းႀကီးေက်ာင္းလည္း အနည္းငယ္ပ်က္စီးသြားခဲ့တယ္လို႔ ေက်းရြာဆရာေတာ္က မိန္႔ပါတယ္။ အဲဒီပစ္ခတ္မႈေတြေၾကာင့္ ေဟြခုတ္မန္ ထန္ေက်းရြာသား ႏွစ္ရာေက်ာ္ဟာ ကြတ္ခိုင္ၿမိဳ႕ မဟာစည္ေက်ာင္းကို ထြက္ေျပးခိုလံႈေနၾကရပါတယ္။

မေန႔က တပ္မေတာ္က ရဟတ္ယာဥ္သံုးၿပီး ေျမာက္ပိုင္း သံုးဖြဲ႔ကို တိုက္ခိုက္ခဲ့ေပမယ့္လည္း ေနအိမ္အေဆာက္ အဦးေတြ ထိခုိက္တာမ်ိဳးေတာ့ မရွိခဲ့ဘူးလို႔ တပ္မေတာ္သတင္းမွန္ျပန္ၾကားေရးအဖြဲ႔က ဗုိလ္မွဴးခ်ဳပ္ ေဇာ္မင္းထြန္း က RFA ကို ေျပာပါတယ္။

ဒီကေန႔မွာေတာ့ ကြတ္ခိုင္ၿမိဳ႕ေပၚမွာ တည္ၿငိမ္ေနၿပီး ေစ်းဆိုင္ေတြလည္း ပံုမွန္ျပန္ဖြင့္ေနသလို ခရီးသြားေတြလည္း ပံုမွန္သြားလာေနတာကို ေတြ႔ရပါတယ္။

ၿပီးခဲ့တဲ့ ၾသဂုတ္လ ၁၅ ရက္ေန႔ကစၿပီး ရွမ္းျပည္ေျမာက္ပိုင္းဘက္မွာ တပ္မေတာ္နဲ႔ ေျမာက္ပိုင္းမဟာမိတ္ သံုးဖြဲ႔တို႔ရဲ႕ တုိက္ပြဲေတြေၾကာင့္ အရပ္သားျပည္သူေတြ ထိခိုက္ေသဆံုးခဲ့ရတာေတြရွိခဲ့ပါတယ္။

ၾသဂုတ္လ ၃၁ ရက္ေန႔မနက္ပိုင္းက ကြတ္ခိုင္ၿမိဳ႕ ေမာ္ဟစ္စုစည္းေက်းရြာက ေနအိမ္တစ္လံုးေပၚ လက္နက္ႀကီး က်ည္ က်ေရာက္ခဲ့လို႔ လသားအရြယ္ကေလးငယ္တစ္ဦး အပါအဝင္ ငါးဦး ေသဆံုးခဲ့ၿပီး သံုးဦး ဒဏ္ရာရခဲ့ပါတယ္။

RFA Burmese
https://www.rfa.org

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ