ကြံ့ခိုင်ရေးပါတီရဲ့မူကြမ်းကို ပူးပေါင်းကော်မတီမှာ ထည့်ဆွေးနွေးမည်

ပြည်ထောင်စုလွှတ်တော် အစည်းအဝေးကို ၂၀၁၉၊ စက်တင်ဘာ ၄ ရက်နေ့က ကျင်းပစဉ်
ကြံ့ခိုင်ဖွံ့ဖြိုးရေးပါတီ လွှတ်တော် ကိုယ်စားလှယ် ဒေါက်တာ မောင်သင်း တင်သွင်းတဲ့ ဖွဲ့စည်းပုံအခြေခံဥပဒေ ပြင်ဆင်ရေး ဥပဒေမူကြမ်းကို ၄၅ ဦးပါဝင်တဲ့ ပူးပေါင်းကော်မတီမှာ ထည့်သွင်းဆွေးနွေးဖို့ ပြည်ထောင်စုလွှတ်တော် က ဒီနေ့ဆုံးဖြတ်လိုက်ပါတယ်။

ဒေါက်တာ မောင်မောင်သင်း အပါအဝင် လွှတ်တော် ကိုယ်စားလှယ် ၁၄၅ ဦးရဲ့ ထောက်ခံလက်မှတ်နဲ့ တင်သွင်းထားတဲ့ ဖွဲ့စည်းပုံပြင်ဆင်ရေး ဥပဒေကြမ်းကို သီးခြားဆွေးနွေးမလား ၄၅ ဦးပါဝင်တဲ့ ဖွဲ့စည်းပုံပြင်ဆင်ရေး ပူးပေါင်းကော်မတီမှာ ထည့်သွင်းဆွေးနွေးမလားဆိုတာကို ဒီနေ့ကျင်းပတဲ့ ပြည်ထောင်စုလွှတ်တော်မှာ လွှတ်တော် ကိုယ်စားလှယ်တွေရဲ့ ဆုံးဖြတ်ချက်ရယူခဲ့တာဖြစ်ပါတယ်။

ပြည်ထောင်စုလွှတ်တော်က ဖွဲ့စည်းထားတဲ့ ဖွဲ့စည်းပုံပြင်ဆင်ရေး ပူးပေါင်းကော်မတီမှာ ထည့်သွင်းဆွေးနွေးဖို့ ထောက်ခံဆန္ဒမဲပေးသူ ၃၇၆ ဦးရှိပြီး ကန့်ကွက်သူ ၂၀၃ ဦးရှိခဲ့ပါတယ်။ ကြားနေမဲပေးသူက လေးဦးလည်းရှိပါတယ်။

ဒါကြောင့် ကြံ့ခိုင်ရေးပါတီနဲ့ တပ်မတော်သား ကိုယ်စားလှယ်တွေ တင်သွင်းတဲ့ ဖွဲ့စည်းပုံပြင်ဆင်ရေး ဥပဒေကြမ်းကို ၄၅ ဦးပါဝင်တဲ့ ဖွဲ့စည်းပုံပြင်ဆင်ရေး ပူးပေါင်းကော်မတီမှာ ထည့်သွင်းဆွေးနွေးဖို့ လွှတ်တော်က ဆုံးဖြတ်လိုက် ပါတယ်။

ပြည်ထောင်စုလွှတ်တော်က ဒေါက်တာ မောင်သင်းတင်သွင်းတဲ့ မူကြမ်းကို ၄၅ ဦးကော်မတီမှာ ဆွေးနွေးဖို့ ပြောနေပေမယ့် အဲဒီကော်မတီကနေ လက်တလော နုတ်ထွက်စာတင်ထားသူ သုံးဦး ရှိနေပါတယ်။

NLD ပါတီက အမျိုးသားလွှတ်တော် ကိုယ်စားလှယ် ဦးအောင်ကြည်ညွန့်က ဖွဲ့စည်းပုံပြင်ဆင်ရေး အပေါ် သံသယတွေ၊ စိုးရိမ်ပူပန်မှုတွေ အများကြီးရှိပေမယ့် တိုင်းပြည်အကျိုအတွက် ကြည့်ပြီး အဆုံးတိုင် ကြိုးစားသွားမယ်လို့ ပြောပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ