Photo Kutkai Youth- လက်နက်ကြီးထိမှန်သည့်နေအိမ် |
စက်တင်ဘာလ ၂ ရက် ညနေ ၄ နာရီ ကျော်တွင် မြန်မာ့တပ်မတော်မှ လေကြောင်းဖြင့် ပစ်ခတ်မှုကြောင့် ကွတ်ခိုင် မြို့နယ် ဟွေ့ခုတ်ကျေးရွာ ဘုန်းကြီးကျောင်း လက်နက်ကြီးကျကာပျက်စီးကြောင်း တအာင်းစာပေနှင့် ယဉ်ကျေးမှု ဥက္ကဌ ဦးအိုက်မွန်း က သျှမ်းသံတော်ဆင့် သို့ ပြောသည်။
“ ပထမဆုံး ကလေယာဉ်နဲ့ ပစ်တယ်။ နောက် လက်နက်ကြီးနဲ့ ပစ်တယ်။ လေယာဉ်နဲ့ ပစ်တော့ ဟွေ့ခုတ် ဘုန်းကြီးကျောင်းကို ထိတယ်။ လက်နက်ကြီးကတော့ အိမ်ကိုထိတယ်” ဟု ဦးအိုက်မွန်း က ဆိုသည်။
ကွတ်ခိုင်မြို့နယ် အတွင်း ယမန်နေ့က တိုက်ပွဲများ ငြိမ်သက်နေပြီး ညနေ ၄ နာရီမှသာ မြန်မာ့တပ်မတော် လေယာဉ် ၂ စီးသည် ကွတ်ခိုင်မြို့ ပတ်ပတ်လည် ပျံဝဲ ကာ ညနေ ၅ နာရီ အချိန် လက်နက်ကြီးများပစ်ခတ်ခဲ့ကြောင်း ဦးအိုက်မွန်း က ရှင်းပြသည်။
“ တဖက်သံပါပဲ။အပြန်အလှန် ပစ်ခတ်တာမရှိဘူး” ဟု ဦးအိုက်မွန်း က ထပ်လောင်းပြောသည်။
Photo Credit to Shar Htat Paing- လက်နက်ကြီးနှင့် လေယာဉ်ပစ်ခတ်မှုကိုစိုးရိမ်ထိတ်လှန့်သဖြင့် ရွာသားများ နေရပ်မှထွက်ပြေတိမ်းရှောင် |
Photo Kutkai Youth- လက်နက်ကြီးထိမှန်သည့်နေအိမ် |
ယမန်နေ့ ကွတ်ခိုင်မြို့ ပေါ် သို့ မြန်မာ့တပ်မတော် လေကြောင်းများ ပစ်ခတ်မှု နှင့် လက်နက်ကြီးကျမှုကြောင့် အရပ်သားထိခိုက်မှု မရှိကြောင်း၊ လေယာဉ်ပျံဝဲသံ ကြားသည့်အချိန်တွင်ဒေသခံများအားလုံး ဗုံးခိုကျင်းသို့ ထွက်ပြေး ခိုလှုံနေသဖြင့် ထိခိုက်မှု မရှိခဲ့ကြောင်း ၎င်း ဒေသခံ က ထပ်လောင်း ပြောပြသည်။
ထို မြန်မာတပ်မတော်လေယာဉ် ဖြင့် ပစ်ခတ်မှုနှင့် လက်နက်ကြီး ကျမှုကြောင့် ဟွေ့ခုတ် ကျေးရွာ၊ မန်ထန်ကျေးရွာ နှင့် ဟိုကျန့် ကျေးရွာ ဒေသခံ ၂၆၀ ကျော်သည် ကွတ်ခိုင် မဟာစည် ရိပ်သာ သို့စစ်ရှောင်နေကြရကြောင်း ကွတ်ခိုင် ဂရုဏာ အသင်းမှ ဦးထွန်းအောင်က သျှမ်းသံတော်ဆင့် သို့ ပြောသည်။
“ မနေ့ ညနေက လက်နက်ကြီးကျတော့ ကျနော်တို့ အဖွဲ့တွေ ရွာက လူတွေသွားခေါ်ထုတ်ခဲ့တယ်။ ဒေသခံ ၂၆၄ဦးကို အခု မဟာစည်ကျောင်းမှာ ထားတယ်” ဦးထွန်းအောင် က ဆိုသည်။
ယမန်နေ့ လက်နက်ကြီး ကျသည့် ဟွေ့ခုတ် ကျေးရွာ သည် ကွတ်ခိုင်မြို့ နှင့် ၂မိုင်သာ ဝေးကွာသည်။
Photo Kutkai Youth- လက်နက်ကြီးထိမှန်သည့်နေအိမ် |
သြဂုတ် ၃၁ရက် မြောက်ပိုင်းမဟာမိတ် (၄)ဖွဲ့ နှင့် အမျိုးသား ပြန်လည်သင့်မြတ်ရေး နှင့် ငြိမ်းချမ်းရေးဗဟိုဌာန (NRPC ) တို့ ဆွေးနွေးပွဲ ပြုလုပ်ပြီး တပ်မတော်မှ တဖက်သက် အပစ်ရပ်ဆိုင်းသည့် သတင်းကြောင်း ကွတ်ခိုင် စစ်ရှောင်များ နေရပ်ပြန်ရန် စီစဉ်ထားကြသည်။
သို့သော် ယမန်နေ့တွင် လေကြောင်း နှင့် လက်နက်ကြီးများပြန်လည် ပစ်ခတ်မှု ကြောင့် နေရပ်ပြန်ရန် စိုးရိမ်နေကြကြောင်းလည်း ဦး အိုက်မွန်း ကပြောသည်။
“ ပြီးခဲ့တဲ့ ရက်မှာ လည်း အပစ်ခတ်ရပ်ကို နောက် ထပ်တိုးထားတာ ရှိတယ်။ ကျနော်တို့တောင် ဝမ်းသာပြီး စစ်ရှောင်တွေ ကို နေရပ်ပြန်ဖို စီစဉ်နေတယ် ။တိုက်ပွဲ တဖက်နဲ့ တဖက်ပစ်တာ မစိုးရိမ်ဘူး။ အခုလို လေယာဉ်နဲ့လက်နက်ကြီးကို လူတွေ က အစိုးရိမ်ဆုံးဘဲ။ လက်နက်ကြီး က ဘယ်အချိန်ကျမလဲ။ ဘယ်နေရာ ကျမလဲ ဆိုတာ မှန်းလို့ မဘူး” ဟု ဦးအိုက်မွန်း က ပြောသည်။
ယမန်နေ့မနက်ပိုင်းက မြောက်ပိုင်းမဟာမိတ်တပ်ဖွဲ့က ကွတ်ခိုင်ရှိအစိုးရတပ်သို့ သွားရောက်ပစ်ခတ်ခဲ့ကြောင်း ထိုအတွက် ညနေပိုင်းတွင် ကွတ်ခိုင်မှ အစိုးရတပ်က အဆိုပါ ရွာ ၃ ရွာဘက်သို့လက်နက်ကြီးဖြင့် ပြန်လည်ပစ်ခတ်ခဲ့သည့်အပြင် ရဟတ်ယာဉ်ဖြင့်လည်း သွားရောက်ပစ်ခတ်ခဲ့ကြောင်း အသက် ၅၀ ကျော်အရွယ် ကွတ်ခိုင်ဒေသခံ တဦးက သျှမ်းသံတော်ဆင့်အားပြောသည်။
အဆိုပါ ကိစ္စ နှင့် ပတ်သက်ပြီး တပ်မတော် သတင်းမှန် ပြန်ကြားရေး အဖွဲ့ကို သျှမ်းသံတော်ဆင့်မှ ဖုန်းဆက်မေးမြန်းခဲ့သော်လည်း ပြန်လည် ဖြေကြားခြင်းမရှိပေ။
သြဂုတ် ၃၁ရက်နေ့တွင်လည်း ကွတ်ခိုင်မြို့နယ် မော်ဟိတ်စုစည်းကျေးရွာတွင် လက်နက်ကြီးကျပြီး အမျိုးသမီးများနှင့် လသာအရွယ် ကလေး အပါအဝင် ၅ဦး သေဆုံးခဲ့သည်။
မြန်မာ့ တပ်မတော် နှင့် ညီနောင်မဟာမိတ်(၃)ဖွဲ့ တို့ သြဂုတ် ၁၅ရက်နေ့မှ စတင်ဖြစ်ပွားလာသည့် တိုက်ပွဲကြောင့် အရပ်သား ၁၇ဦး အထက် သေဆုံးကာ၊ ထိခိုက်ဒဏ်ရာရရှိသူ ၃၀ဦးထိ ရှိလာသည်။
Panglong(Burmese)
https://www.facebook.com/ShanNewsBurmese/
ကွတ်ခိုင်မြို့နယ်အတွင်း မြန်မာ့တပ်မတော် လေကြောင်းဖြင့် ပစ်ခတ် ရွာသားများပြော
Reviewed by THITHTOOLWIN
on
01:41
Rating: