ပြည်သူ့ပါတီ ဥက္ကဋ္ဌ ဦးကိုကိုကြီး က နေပြည်တော် ဇမ္ဗူသီရိမြို့နယ် ပြည်သူ့ပါတီ ရုံးဖွင့်ပွဲမှာ ၂ဝ၁၉ စက်တင်ဘာ ၂၉ ရက်နေ့က တွေ့ရစဉ် |
၈၈ မျိုးဆက် ကျောင်းသားတွေ အများစုဦးဆောင်ပါဝင်တဲ့ ပြည်သူ့ပါတီရုံးဖွင့်ပွဲကို နေပြည်တော် ဇမ္ဗူသီရိမြို့နယ်က ရွှေကြာပင်ရပ်ကွက်မှာ ဒီနေ့ ကျင်းပရာမှာ ပါတီ ဥက္ကဋ္ဌ ဦးကိုကိုကြီးက လွှတ်တော်က အစိုးရအဖွဲ့ကို ထိန်းကျောင်းဖို့ အရေးကြီးတဲ့အကြောင်း ပြောခဲ့တာပါ။
လွှတ်တော်ရဲ့ အဓိက တာဝန်က အစိုးရအဖွဲ့ကို ထိန်းကျောင်းဖို့နဲ့ အစိုးရဌာနတွေ အသုံးပြုမယ့် ဘတ်ဂျက်ကို စီမံခန့်ခွဲပေးဖို့ ဖြစ်ပြီး လွှတ်တော်ရဲ့ နည်းဥပဒေ ဆုံးဖြတ်ချက်တွေအတိုင်း သမ္မတ အပါအ၀င် အစိုးရအဖွဲ့က လိုက်နာရမယ်လို့ သူက ဆိုပါတယ်။
ရုံးဖွင့်ပွဲကို ပြည်သူ့ပါတီက ခေါင်းဆောင်တချို့ တက်ရောက်မိန့်ခွန်းပြောကြားခဲ့ပြီး ဒေသခံပါတီဝင် ၇၀ ကျော် တက်ရောက်လာတာ တွေ့ရပါတယ်။
ပြည်သူ့ပါတီဟာ တိုင်းရင်းသားတွေနဲ့ မဟာမိတ်ဖွဲ့နိုင်ဖို့နဲ့ မဲမကွဲစေရေး မဟာမိတ် ဆက်ဆံရေး ထူထောင်ဖို့ အရေးကြီးတယ်လို့လည်း ဦးကိုကိုကြီးက ပြောပါတယ်။
နေပြည်တော်နယ်မြေမှာ အစိုးရ ၀န်ထမ်းတွေ အများအပြားရှိတဲ့အတွက် သူတို့လက်တွေ့ဘ၀တွေကို သိရှိနားလည်အောင် ကြိုးပမ်းဖို့လည်း ပါတီဝင်တွေကို ဦးကိုကိုကြီးက တိုက်တွန်းခဲ့ပါတယ်။
၂၀၂၀ ရွေးကောက်ပွဲမှာ ဘယ်နှစ်နေရာ ၀င်ရောက်ယှဉ်ပြိုင်မလဲဆိုတာ လေ့လာနေပြီး နောက်ပိုင်းမှာ ထုတ်ပြန်ဖို့ရှိတယ်လို့ ပြောပါတယ်။
ပြည်သူ့ပါတီဟာ လက်ရှိမှာ ပါတီရုံးပေါင်း ၅၀ ကျော် ဖွင့်လှစ်နိုင်ခဲ့ပြီး ပါတီဝင်အင်အား သောင်းနဲ့ချီ ရှိနေပြီလို့ သိရပါတယ်။
RFA Burmese
https://www.rfa.org
အစိုးရအဖွဲ့ကို လွှတ်တော်က ထိန်းကျောင်းဖို့ ပြည်သူ့ပါတီ ဥက္ကဋ္ဌ ပြော
Reviewed by THITHTOOLWIN
on
01:03
Rating: