တွင်းပိသေသူတွေအတွက် ကျောက်မီးသွေးကုမ္ပဏီ လျော်ကြေးပေး

၂ဝ၁၉ သြဂုတ် ၂၅ ရက်နေ့က ပြိုကျခဲ့တဲ့ မင်းလှမြို့နယ် အင်ကြင်းတောင်က ကျောက်မီးသွေးတွင်းကို တွေ့ရစဉ် ။  ဓါတ်ပုံ - ဇော်တူး/ RFA
ကျောက်မီးသွေးတွင်းပြိုကျလို့ အသက်ဆုံးရှုံးခဲ့တဲ့ တွင်းတူးလုပ်သား လေးဦးတို့အတွက် ကုမ္ပဏီကနေ အလုပ်သမား ဥပဒေအရ လျော်ကြေးအပြင် မိသားစုအတွက် ထောက်ပံ့ကြေးများကို မနေ့က ပေးအပ်ခဲ့ပါတယ်။

ပြီးခဲ့တဲ့ ဩဂုတ်လ ၂၅ ရက်နေ့က အင်ကြင်းတောင်ကျောက်မီးသွေးတွင်းပြိုကျရာမှာ အသက်သေဆုံးခဲ့ရတဲ့ လုပ်သားလေးဦးအတွက် တစ်ဦးကို ကျပ်သိန်း ၇၀ နှုန်းနဲ့   ကျန်ရစ်သူမိသားစုတွေကို မင်းလှမြို့ အထွေထွေ အုပ်ချုပ်ရေးဦးစီးဌာန ခန်းမမှာ ‌ပေးအပ်ခဲ့တယ်လို့ ကုမ္ပဏီမန်နေဂျာ ကိုသဲသဲစံမြတ် က RFA ကို ပြောပါတယ်။

ဒါ့အပြင် အလုပ်သမားဝန်ကြီးဌာနက သတ်မှတ်ထားတဲ့အတိုင်း အလုပ်သမားထိခိုက်နစ်နာမှုလျော်ကြေးအဖြစ် တစ်ဦးကို လေးသိန်းခွဲစီ တစ်ပါတည်း လေးဦးစလုံးအတွက် ပေးအပ်ခဲ့တယ်လို့ပြောပါတယ်။

အမ်းမြို့နယ်က သေဆုံးသူ ကိုပိုင်စိုးဝင်းအတွက်ကိုတော့ ဇနီးဖြစ်သူရောက်ရှိလာတဲ့အချိန်မှ သက်ဆိုင်ရာလူကြီး များရှေ့မှောက်မှာ ဆက်လက်ပေးအပ်သွားမယ်လို့ သိရပါတယ်။

ဒီကျောက်မီးသွေးတွင်းပြိုကျမှုမှာ မင်းလှမြို့နယ်က ကိုစိုးအောင်နဲ့ ရခိုင်ပြည်နယ်၊ အမ်းမြို့နယ်က ကိုပိုင်စိုးဝင်းတို့ရဲ့ ရုပ်အလောင်းတွေကို ထုတ်ယူနိုင်ခဲ့ပေမယ့် မင်းလှ မြို့နယ်က ကိုနိုင်ထက်ဦးနဲ့ ကိုအောင်ချမ်းသာတို့ရဲ့ ရုပ်အလောင်းတွေ ရှာဖွေဖို့ကိုတော့ လုပ်ငန်းခွင်အန္တရာယ်ရှိနေတာကြောင့် မနေ့ကစပြီးရပ်ဆိုင်းထားရတယ်လို့ မကွေးတိုင်းသတ္တုတွင်း ဦးစီးဌာနက ဒုညွှန်ကြားရေးမှူး ဦးဇော်ဇော်လင်းက ပြောပါတယ်။

မကွေးတိုင်းအတွင်းမှာ ကျောက်မီးသွေးတွင်း လုပ်ကွက်ပေါင်း ၃၁ ကွက်ကို ကုမ္ပဏီ ၂၄ ခုက လုပ်ကိုင်နေတာပါ။ ၂ဝ၁၅ ခုနှစ်ကစလို့ လုပ်ငန်းခွင်အတွင်း အန္တရာယ်ဖြစ်မှု ငါးခုရှိခဲ့ပြီး တွင်းလုပ်သား ၁၈ ဦးထက်မနည်း သေဆုံးခဲ့ ရပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ