လူထုအပန်းဖြေနေရာများတွင် ပြစ်မှုကျူးလွန်သူလေးဦးထဲမှ နှစ်ဦးဖမ်းဆီးရမိ


မကွေး စက်တင်ဘာ ၁၇

မကွေးမြို့ရှိ လူထုအပန်းဖြေနေရာ(၃)ခုတွင် စက်တင်ဘာ ၁၆ရက်နေ့တစ်ရက် တည်း၌ အုပ်စုဖွဲ့၍ ဓားကိုင် အနိုင်ကျင့်၊လုယက်၊တိုက်ခိုက်မှုများ ဖြစ်ပွားခဲ့ပြီး ပြစ်မှုကျူးလွန်သူလေးဦးထဲမှနှစ်ဦးကို မကွေးရဲတပ်ဖွဲ့က ဖမ်းဆီးထားမိပြီဖြစ် ကြောင်း မကွေးမြို့မရဲစခန်း မှ သိရသည်။
လူထုအပန်းဖြေနေရာများဖြစ်သည့် ဗိုလ်ချုပ်ပန်းခြံ ၊ ကန်သာကန် ၊ ကျောက်သားဥယျာဉ်နေရာများတွင် အဆိုပါဖြစ်ရပ်များဖြစ်ပွားခဲ့ခြင်းဖြစ်ပြီး ကျူးလွန်သူများမှာ တစ်စုတစ်ဖွဲ့ထဲ အတူတူဖြစ်ကြောင်း ၊ ဖမ်းဆီးရမိသူများမှာ အရက် သေစာများသောက်စားထားပြီး အပျော်အပါး လိုက်စားရန်ငွေကြေး ပြတ်သည့်အတွက် လုပ်ကြသည်ကို စစ်ဆေးတွေ့ရှိရကြောင်း မကွေးမြို့မ ရဲစခန်းမှူး ဒုရဲမှူးမိုးဇော်နိုင် ထံမှ သိရသည်။

“ ၁၆ရက်နေ့ ညနေ ၃နာရီခွဲလောက်က ဗိုလ်ချုပ်ပန်းခြံထဲမှာ လူနှစ်ယောက် ထိုင်နေတယ်။ အမည်မသိ အမျိုးသားလေးဦးရောက်လာပြီး သူတို့နဲ့အရက် သောက်ဖို့ခေါ်တယ်။ဓားနဲ့ထိုးမယ်၊လက်သီးနဲ့ထိုးမယ်ပြောပြီး လက်သီးနဲ့ထိုးပြီး သူတို့ဘေးမှာ ထိုင်ခိုင်းတယ်။ တစ်ယောက်ရဲ့ မျက်နှာကို ဆေးလိပ်မီးနဲ့ ထိုးတယ်။Love Garden ကေတီဗီကို ခေါ်သွားတယ်။ နှစ်ဆက်ရှင် ထိုင်ကြတယ်။ ပိုက်ဆံရှင်းခါနီးတော့ သူတို့နှစ်ယောက်ကို ထားခဲ့တယ်။ ကန်သာကန်ဘောင်ကိုရောက်လာတယ်။ ယောက်ျားလေးနှစ်ယောက်နဲ့မိန်းကလေးနှစ်ယောက်ထိုင်နေတာကို ပြဿနာသွားရှာတယ်။ မိန်းကလေးတွေကထွက်ပြေးတယ်။ ယောက်ျားလေး တွေက ပေါင်တွေမှာ ဓားနဲ့ထိုးခံရတယ်။ အဲဒီကနေ ကျူးလွန်သူလေးယောက်က ကမ်းနားလမ်းကျောက်သား ဥယျာဉ်ဘက်ကို ရောက်လာပြီး ထိုင်နေတဲ့သူ တစ်ယောက်ကို ဓားနဲ့ထိုးပြီး ဖုန်းကို ယူသွားတယ် ” ဟု ပြစ်မှုကျူးလွန်သူ လေးဦး ၏ လုပ်ရပ်နှင့်ဖြစ်စဉ်ကို မြို့မရဲစခန်းမှူးက ရှင်းပြသည်။

အဆိုပါလေးဦးထဲမှ နှစ်ဦးကို ပြစ်မှုဖြစ်ပွားသည့်နေ့ ည ၁၁နာရီ၁ဝမိနစ် အချိန်ခန့်တွင် အောင်စေတနာရပ်ကွက် အမက(၁၅)ကျောင်းဝင်းအတွင်းတွင် ဖမ်းဆီးရမိခဲ့ကြောင်း ၊ ဖမ်းဆီးရမိသူနှစ်ဦးမှာ အောင်သူ(၂၂)နှစ် အောင်ဇေယျာ ရပ်ကွက် နေသူ နှင့် လှိုင်ဖုန်းမြင့်ဦး(၂၀)နှစ်၊ အောင်စေတနာ ရပ်ကွက်နေသူ တို့ဖြစ်ပြီး အားလေး နှင့် အောင်လေးဆိုသူနှစ်ဦးကို ဖမ်းဆီး ရမိရေး လုပ်ဆောင်နေကြောင်း ရဲတပ်ဖွဲ့မှ သိရသည်။

ပြစ်မှုကျူးလွန်စဉ်က အသုံးပြုခဲ့သော ဆိုင်ကယ်နှစ်စီးကို ရဲတပ်ဖွဲ့မှ သိမ်းဆည်း ထားပြီး ပြစ်မှုကျူးလွန်သူများကို တရားဥပဒေအတိုင်း အပြစ်ပေးအရေးယူ နိုင်ရေး ဆက်လက်လုပ်လုပ်ဆောင်လျက်ရှိကြောင်း ၊ လှည့်ကင်း ၅ဖွဲ့ဖြင့် အများပြည်သူ လုံခြုံရေးကိုလည်း အလေးထားဆောင်ရွက်လျက်ရှိကြောင်း ရဲတပ်ဖွဲ့မှ သိရသည်။

ဇေယျတု(မကွေး)
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ