လက်နက်ကြီးကျည်သင့်လို့ ကျောက်တော်အရပ်သား ၅ ဦး ဒဏ်ရာရ

ရခိုင်ပြည်နယ်အတွင်း တိုက်ပွဲများကြောင့် ကျောက်တော်မြို့နယ်ရှိ စစ်ဘေးရှောင်စခန်းသို့ တိမ်းရှောင်လာသည့် ဒေသခံများ။ (ဇန်နဝါရီ ၄၊ ၂၀၁၉)

ရခိုင်မြောက်ပိုင်း ကျောက်တော်မြို့နယ် ကုလားတန်မြစ်မှာရှိတဲ့ မြန်မာအစိုးရ ရေတပ်သင်္ဘောနှစ်စင်းကို AA ရခိုင်လက်နက်ကိုင်တွေဘက်က ပစ်ခတ်မှုကြောင့် အပြန်အလှန် ပစ်ခတ်မှုတွေဖြစ်ပြီး ဒေသခံရွာသားတွေ ထိခိုက်ဒဏ်ရာရမှုတွေ ရှိတယ်လို့ သိရပါတယ်။ ရေတပ်သင်္ဘောဘက်က ပြန်လည်ပစ်ခတ်တာကြောင့် ရွာသား ၅ ဦး ထိခိုက်ခဲ့တာလို့ ဒေသခံတွေက ပြောပါတယ်။ မြန်မာအစိုးရနဲ့ ရခိုင်လက်နက်ကိုင် AA အဖွဲ့ အပါအ၀င် မြောက်ပိုင်းမဟာမိတ်အဖွဲ့တွေနဲ့ ငြိမ်းချမ်းရေးအတွက် တွေ့ဆုံဖို့ စီစဉ်နေဆဲမှာပဲ ရခိုင်ပြည်နယ်အတွင်း အခုလို တိုက်ပွဲတွေ ပြင်းပြင်းထန်ထန် ဆက်ဖြစ်နေတာပါ။ ဗွီအိုအေမြန်မာပိုင်းသတင်းထောက် နိုင်ကွန်းအိန်က ဆက်သွယ်မေးမြန်း သတင်းပေးပို့ထားပါတယ်။

ရခိုင်ပြည်နယ်၊ ကျောက်တော်မြို့နယ်အတွင်း ဒီနေ့မနက် အစောပိုင်းမှာ မြန်မာစစ်တပ်ရဲ့ ရေတပ်သင်္ဘောနှစ်စီ်းကို ရခိုင်လက်နက်ကိုင် AA အဖွဲ့ကနေ နှစ်ကြိမ်တိုင်တိုင် ပစ်ခတ်တိုက်ခိုက်ခဲ့တယ်လို့ AA ပြန်ကြားရေးအရာရှိ ခိုင်သုခက ပြောပါတယ်။

“စက်တင်ဘာလ ၁၅ ရက်နေ့ မနက် ၁ နာရီလောက်မှာ ကျောက်တော်မြို့နယ် အပေါက်ဝနားမှာ အင်အား ၃၀၀ လောက်ပါတဲ့ မြန်မာစစ်တပ်ရဲ့ စစ်သင်္ဘောနှစ်စီးကို ကျနော်တို့ဘက်ကနေပြီးတော့ ပစ်ခတ်ခဲ့တာရှိတယ်။ နောက်ပြီးတော့ အဲဒီသင်္ဘောနှစ်စီးကိုပဲ ကျောက်တော်ရဲ့ အထက်ပိုင်းမှာလည်းပဲ မနက် ၃ နာရီခွဲလောက်မှာ တကြိမ် နောက်ထပ်ပစ်ခတ်တာရှိတယ်။ ကျနော်တို့ဘက်ကနေ ၁၀၇ မီလိမီတာတွေနဲ့ပစ်တာ။ ဆိုတော့ သင်္ဘောကိုထိတယ်။ အထိခိုက်အကျဆုံး နောက်ပြီးတော့ သင်္ဘောရဲ့ ပျက်စီးမှုအခြေအနေနဲ့ ပတ်သက်ပြီးတော့ ကျနော်တို့ ဆက်လက်စုံစမ်းနေဆဲပဲရှိတယ်ဗျ။”

ဒီမနက် ရေတပ်သင်္ဘောကို AA အဖွဲ့ ပစ်ခတ်မှုအပြီး သဘောင်္ဘက်ကနေ ပြန်လှန်ပစ်ခတ်မှုတွေလည်း ရှိနေခဲ့ပါတယ်။

ဒီလိုပစ်ခတ်မှုကြောင့် ကျောက်တော်မြို့နယ် သင်္ဂနက်နဲ့ စံပယ်လှရွာသားတွေ ထိခိုက်ဒဏ်ရာရရှိပြီး ဆေးရုံတွေမှာ ဆေးဝါးကုသမှု ခံယူနေရတယ်လို့ လူနာတွေကို ကိုယ်တိုင်ကြည့်ရှု မေးမြန်းခဲ့တဲ့ ကျောက်တော်မြို့နယ် ပြည်နယ်လွှတ်တော်ကိုယ်စားလှယ် ဦးမောင်သန်းစိန်က ပြောပါတယ်။

“ဖြစ်တဲ့အခြေအနေကတော့ သန်းခေါင်ကျော်အချိန်လောက်ဆိုတော့ မနက်မှ ကျေန်ာတို့ ကြားရတယ်။ စံပယ်လှ ကျေးရွာသူ ကျေးရွာသားနဲ့ သင်္ဂနက်သား ဒဏ်ရာရသူပြောတဲ့ စကားကတော့။ ကျနော်တို့ ဒီ ကုလားတန်မြစ်ကနေပြီးတော့ မြစ်ကြောင်းတောက်လျှောက် NAVY ကနေပစ်ပြီးတော့ ရွာစဉ်ပစ်ပြီးတော့ သွားတယ်လို့ ပြောပါတယ်။ သင်္ဂနက်က ကျည်ထိတဲ့နှစ်ယောက်ကတော့လေ ဒဏ်ရာပြင်းလို့ စစ်တွေဆေးရုံကို သွားတယ်။ စံပယ်လှက နှစ်ယောက်မှာတော့ ယောကျာ်းတယောက်ရယ် အမျိုးသမီးတယောက်ရယ်။”

ဒီကနေ့ မနက် ၁ နာရီအချိန် ပစ်ခတ်မှုအတွင်း သင်္ဂနက်ရွာသား ၃ ဦးနဲ့ စံပယ်လှရွာသား ၂ ဦး ထိခိုက်ဒဏ်ရာ ရရှိခဲ့ပြီး ဒဏ်ရာပြင်းထန်တဲ့ သင်္ဂနက်ရွာသား ဦးရွှေထွန်းသိန်းနဲ့ ဇနီးဖြစ်သူ ဒေါ်ခင်ညိုမာက်ို စစ်တွေဆေးရုံကို ပို့ထားရသလို စံပယ်လှရွာသား ဦးစံလှကျော်နဲ့ ဒေါ်ပုလဲစိန်တို့ကို ကျောက်တော်ဆေးရုံမှာ ဆေးဝါးကုသ ခံနေကြရတာပါ။

သင်္ဂနက်ရွာအတွင်း ပစ်ခတ်ခံရတဲ့ အခြေအနေနဲ့ပတ်သက်လို့ ဒဏ်ရာရသူ သင်္ဂနက်ရွာသားတဦးရဲ့ ဆွေမျိုးတဦးက အခုလိုပြောပါတယ်။

“ညတုန်းက ၁ နာရီလောက်မှာ NAVY ကပစ်တယ်လို့ ပြောတယ်။ သူတို့တတွေက မြစ်ကမ်းနားအနီးပစ်တယ်။ အိမ်ခေါင်မိုးပေါ်ကျပစ်တယ်။ လက်နက်ကြီးအစ စင်တယ်ပေါ့။ လူနာအခြေအနေက ဆရာဝန်နဲ့ စစ်ဆေးတုန်းပါ။ စိုးတော့စိုးရိမ်ရပါတယ်။”

စံပယ်လှရွာသားတဦးကလည်း ညဥ့်နက်အချိန်မှာ ရေတပ်သင်္ဘောကနေ ပစ်ခတ်ခဲ့လို့ ဒဏ်ရာရရှိခဲ့ကြောင်း ပြောပါတယ်။

“ကျနော်တို့ ညသန်းခေါင်ကျော်ဆိုတော့ အိပ်ပျော်နေတုန်းဖြစ်မယ်။ တခါတည်း ဟိုကနေ ဖရူးဖရူးဆိုပြီးတော့ လက်နက်ကြီးချတယ်။ အဲဒီလိုမျိုးပဲ ကြားတယ်လေ။ သင်္ဘောနဲ့ပစ်တဲ့ပုံစံမျိုး ဖြစ်နေတယ်။ လက်နက်ကြီးကျတော့ ထိတာကတော့ တယောက်တော့ စိုးရိမ်ရတဲ့ အခြေအနေရှိနေတယ်။ တယောက်တော့ သိပ်မများပါဘူး။”

အနောက်ပိုင်းတိုင်းစစ်ဌာနချုပ် တပ်မတော်ပြောခွင့်ရ ဗိုလ်မှူးကြီးဝင်းဇော်ဦးက ကျောက်တော်မြို့နယ် သင်္ဂနက်ရွာဘက်မှာ ပစ်ခတ်မှုဖြစ်ပွားခဲ့ကြောင်း အတည်ပြုပေမယ့် အခြေနေအသေးစိတ် မသိရသေးကြောင်း ပြောပါတယ်။

“ပစ်ခတ်မှုရှိတယ်လို့တော့ သိရတယ်။ ဒါပေမယ့် ဘယ်လိုဖြစ်တယ်ဆိုတာတော့ ကျနော်လည်း ကြားတော့ကြားမိတယ်။ ကျနော် ဂဃနဏမသိဘူး ဖြစ်နေတယ်။”

ဒီကနေ့ ရခိုင်ပြည်နယ်အတွင်း ကျောက်တော်မြို့နယ်အပြင် ဘူးသီးတောင်နဲ့ ရသေ့တောင်မြို့နယ်မှာလည်း မြန်မာစစ်တပ်နဲ့ ရခိုင်လက်နက်ကိုင် AA အဖွဲ့တို့ တိုက်ပွဲဖြစ်ပွားခဲ့ကြာင်း AA ပြောခွင့်ရ ခိုင်သုခက အခုလိုဆက်ပြောပါတယ်။

“ဘူးသီးတောင်နဲ့ ရသေ့တောင်အစပ်ပေါ့နော်၊ သပိတ်တောင်နဲ့ ကင်းချောင်းအကြား ဗမာစစ်တပ်ဘက်ကနေ ထိုးစစ်ဆင်လာတဲ့အတွက်ကြောင့် အဲဒီမှာ တိုက်ပွဲဖြစ်တာရှိတယ်။ ရေစိုးချောင်းရွာအနားမှာလည်းပဲ ရိက္ခာနဲ့ လက်နက်ပစ္စည်းတွေ လာပို့တဲ့ စက်လှေနှစ်စီးကို ကျနော်တို့ဘက်က ဒီမနက်မှာ ပစ်ခတ်နှစ်မြုပ်ခဲ့တာရှိတယ်။”

မနေ့ကလည်း မင်းပြားမြို့နယ် ဒိုင်းသားရွာဘက်နဲ့ ရသေ့တောင်မြို့နယ် အမျက်တောင်ရွာဘက်မှာ နှစ်ဖက်တိုက်ပွဲ ဖြစ်ပွားခဲ့ကြောင်း ခိုင်သုခက ပြောပါတယ်။

ဒီကနေ့မနက် ၁ နာရီခန့်မှာလည်း ကျောက်တော်မြို့နယ် ကန်စောင့်ကျေးရွာအနီး ကန်သုံးဆင့်ရွာအတွင်း လက်နက်ကြီး ကျရောက်ခဲ့လို့ ရွာသားတဦး သေဆုံးခဲ့ကြောင်း ကန်စောင့်ဆရာတော်က မိန့်ပါတယ်။

ရခိုင်ပြည်နယ်အတွင်း မြန်မာစစ်တပ်နဲ့ ရခိုင်လက်နက်ကိုင် AA အဖွဲ့တို့အကြား တိုက်ပွဲတွေကလည်း ကျယ်ကျယ်ပြန့်ပြန့် ဖြစ်ပွားနေသလို တိုက်ပွဲတွေအတွင်း အရပ်သားတွေ ထိခိုက်မှုတွေကလည်း ပိုမိုများပြားလာနေပါတယ်။

ပြီးခဲ့တဲ့ ၂၀၁၈ ခုနှစ် ဒီဇင်ဘာလကနေ ဒီနှစ် ဇူလိုင်လ ၂၅ ရက်နေ့ထိ ရခိုင်ပြည်နယ် တိုက်ပွဲတွေအတွင်း အရပ်သား သေဆုံး ၆၂ ဦးနဲ့ ဒဏ်ရာရသူ ၁၅၆ ဦးရှိတယ်လို့ ရခိုင်တိုင်းရင်းသားမျိုးနွယ်များ အစည်းအရုံး REC ရဲ့ ကောက်ယူထားတဲ့စာရင်းမှာ ဖော်ပြခဲ့ပါတယ်။

ရခိုင်လက်နက်ကိုင် AA အဖွဲ့ အပါအ၀င် မြောက်ပိုင်းမဟာမိတ် ၄ ဖွဲ့ဟာ လာမယ့် စက်တင်ဘာ ၁၆ နဲ့ ၁၇ ရက်နေ့တွေမှာ မြန်မာငြိမ်းချမ်းရေးကော်မရှင်အဖွဲ့နဲ့ ရှမ်းပြည်နယ်အရှေ့ပိုင်း ကျိုင်းတုံမြို့မှာ တွေ့ဆုံဆွေးနွေးသွားမှာ ဖြစ်ပါတယ်။

မြန်မာစစ်တပ်ဘက်ကနေ စစ်တိုင်းကြီး ၅ တိုင်းမှာ အပစ်အခတ် ရပ်စဲထားပေမယ့် ရခိုင်ပြည်နယ်ဘက်မှာ ရပ်စဲတာမရှိတာကြောင့် တိုက်ပွဲတွေ လျှော့ချနိုင်ရေးဟာလည်း မျှော်လင့်ချက် အားနည်းနေသေးတဲ့ အခြေအနေမှာ ရှိနေပါတယ်။

နိုင်ကွန်းအိန်/ ဗွီအိုအေ (မြန်မာပိုင်း)
https://burmese.voanews.com