ဝင်စတန်ချာချီ မွေးတဲ့ Blenheim နန်းတော်က ရွှေအိမ်သာ အခိုးခံရ

အခိုးခံလိုက်ရသည့် ရွှေအိမ်သာ။ (သြဂုတ် ၃၀၊ ၂၀၁၇)

ဗြိတိန်နိုင်ငံက ကမ္ဘာ့ယဉ်ကျေးမှု အမွေအနှစ် စာရင်းဝင် Blenheim နန်းတော်ရဲ့ အနုပညာ ပြခန်းတခုထဲက ၁၈ ကာရက်ရွှေနဲ့ လုပ်ထားတဲ့ အိမ်သာတလုံးကို စနေနေ့က ဖောက်ထွင်းသူတစုက ခိုးယူခဲ့လို့ ရေတွေလျှံကျခဲ့ပါတယ်။

အီတလီအနုပညာရှင် Maurizio Cattelan ရဲ့ America လို့ နာမည်ပေးထားတဲ့ ရွှေအိမ်သာက တချိန်ကတော့ အမေရိကန်ပြည်ထောင်စု နယူးယောက်က Guggenheim ပြတိုက်မှာ ပြသခဲ့တာဖြစ်ပြီး အမေရိကန်သမ္မတ Donald Trump ကို ငှားရမ်းဖို့လည်း ကမ်းလှမ်းခဲ့ဖူးပါတယ်။

အင်္ဂလန်အရှေ့တောင်ပိုင်း Oxfordshire ခရိုင်က ၁၈ ရာစုခေတ် ပြတိုက်အိမ်ကြီးမှာ အနုပညာရှင် Cattelan ရဲ့ လက်ရာတွေကို ကြာသပတေးနေ့က စတင်ပြသခဲ့တာ ဖြစ်ပြီး သူ့လက်ရာ ရွှေအိမ်သာ ခိုးယူခံရမှုနဲ့ ပတ်သက်ပြီး အသက် ၆၆ နှစ်အရွယ် အမျိုးသားတဦးကို ဖမ်းဆီးထားပါတယ်။

သူခိုးတွေက ပြတိုက်အိမ်ကြီးထဲကို ညပိုင်းမှာ ဖောက်ထွင်းဝင်ရောက်ခဲ့ပြီး မနက်ခင်း ၄ နာရီ ၅၀ မိနစ်လောက်မှာ ပြန်ပြီး ထွက်ခွာသွားကြကြောင်း၊ ဖောက်ထွင်းမှုအတွင်း တစုံတယောက်မှ ဒဏ်ရာရခဲ့တာ မရှိကြောင်း ဒေသခံရဲအဖွဲ့က ပြောဆိုထားပါတယ်။

ပြတိုက်မှာ ပြသထားတဲ့ ရွှေနဲ့လုပ်ထားတဲ့ တန်ဖိုးကြီးအိမ်သာ ခိုးယူခံရတာဖြစ်ကြောင်း ရဲစုံစမ်းရေးမှူး Jess Milne ကလည်း ပြောပါတယ်။ အဆောက်အဦ ရေပိုက်လိုင်းနဲ့ ဆက်ထားတဲ့ ရွှေအိမ်သာ ဖြုတ်ပြီး ခိုးယူခံရတာကြောင့် အပျက်အစီးတွေရှိပြီး ရေတွေလည်း လျှံကျခဲ့ကြောင်း၊ ဖောက်ထွင်းခိုးယူသူတစုက အနည်းဆုံး ကားနှစ်စီးလောက် သုံးခဲ့တယ်လို့ ယူဆကြောင်း၊ အခုအချိန်ထိတော့ ခိုးယူခံရတဲ့ အနုပညာလက်ရာ ရွှေအိမ်သာကို ပြန်မတွေ့သေးကြောင်းနဲ့ ဖောက်ထွင်းသူတွေကို အရေးယူနိုင်ဖို့ စုံစမ်းနေကြောင်းလည်း ပြောပါတယ်။

ကုလသမဂ္ဂ ပညာရေး၊ သိပ္ပံနဲ့ ယဉ်ကျေးမှုအဖွဲ့ UNESCO ရဲ့ ကမ္ဘာ့ယဉ်ကျေးမှု အမွေအနှစ်စာရင်းဝင် Blenheim နန်းတော်ကိုတော့ အကြောင်းထူးတခုကြောင့်ဆိုပြီး စနေနေ့မနက်က အများပြည်သူ ၀င်ရောက်ကြည့်ရှုခွင့် ပိတ်ခဲ့ပေမယ့် အသေးစိတ်ကိုတော့ မပြောပါဘူး။

၁၂ ဆက်မြောက် Marlborough မြို့စားကြီးနဲ့ မိသားစုနေထိုင်ရာ ဒီ Blenheim နန်းတော်က ဗြိတိန်ခေါင်းဆောင်ဟောင်း ဝင်စတန်ချာချီ ဖွားမြင်ခဲ့ရာအိမ်လည်း ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com