AA အမာခံေတြ လူသတ္မႈက်ဴးလြန္ေနေၾကာင္း တပ္မေတာ္ စြပ္စဲြ



Share/Bookmark

 ရခိုင္ျပည္နယ္၊ ေက်ာက္ေတာ္ၿမိဳ႕နယ္၊ ဝါးေတာင္ေက်းရြာက ေဒသခံႏွစ္ဦးနဲ႔ ပုဏၰားကြ်န္းၿမိဳ႕နယ္၊ ယိုးတရုပ္ ရဲကင္းစခန္းက ဒုတိယရဲအုပ္တစ္ဦးတို႔ စက္တင္ဘာ ၁ ရက္ေန႔က သတ္ျဖတ္ခံရျခင္းဟာ ရကိၡဳင့္တပ္ေတာ္ AA အမာခံေတြရဲ႕ လက္ခ်က္ျဖစ္တယ္လို႔ တပ္မေတာ္ ကာကြယ္ေရးဦးစီးခ်ဳပ္ရံုးက မေန႔က သတင္းထုတ္ျပန္ပါတယ္။

AA ဘက္က သူတို႔ကို မေထာက္ခံတဲ့ ေဒသခံေတြ၊ တပ္မေတာ္ကို သတင္းေပးတယ္လို႔ သူတို႔ သံသယျဖစ္သူေတြကို က်ည္ဆံထည့္ၿပီး စာေပးပို႔ ၿခိမ္းေျခာက္ေနတယ္လို႔ တပ္မေတာ္ သတင္းမွန္ ျပန္ၾကားေရးအဖြဲ႔က ဗိုလ္မွဴးခ်ဳပ္ ေဇာ္မင္းထြန္းက ေျပာပါတယ္။

ရကိၡဳင့္တပ္ေတာ္ AA ရဲ႕ ေျပာေရးဆိုခြင့္ရွိသူ ခိုင္သုခကေတာ့ ေက်ာက္ေတာ္နဲ႔ ပုဏၰားကြ်န္း လူသတ္မႈေတြဟာ AA နဲ႔ ပတ္သက္မႈမရွိသလို AA ရဲ႕ အမာခံလို႔ တပ္မေတာ္က ေျပာတာဟာလည္း အေထာက္အထား မရွိတဲ့ စြပ္စြဲခ်က္သာျဖစ္ေၾကာင္း တုံ႔ျပန္ပါတယ္။

AA အေနနဲ႔ ျပည္သူလူထုကို မတရားလုပ္တာမရွိေသးဘူးလို႔ သူက ဆိုပါတယ္။

တပ္မေတာ္ရဲ႕ ထုတ္ျပန္ခ်က္မွာေတာ့ စက္တင္ဘာ ၁ ရက္ေန႔က ေက်ာက္ေတာ္ၿမိဳ႕နယ္မွာ အသတ္ခံခဲ့ရတဲ့ အမ်ိဳးသားတစ္ဦးနဲ႔ အမ်ိဳးသမီးတစ္ဦးဟာ ေနအိမ္မွာ ေနထိုင္ေနစဥ္ လူငယ္ေျခာက္ဦးက ေနအိမ္အတြင္း ဝင္ေရာက္ၿပီး ဓားနဲထိုးသတ္ခဲ့တာျဖစ္တယ္လို႔ သိရပါတယ္။

ပုဏၰားကြ်န္းၿမိဳ႕နယ္ ယိုးတရုပ္ ရဲကင္းစခန္းက ဒုရဲအုပ္ကိုေတာ့ ေစ်းသြားဝယ္စဥ္မွာ အမ်ိဳးသား ေျခာက္ဦးက သံတုတ္ေတြနဲ႔ရိုက္၊ ဓားေတြနဲ႔ထိုးခဲ့တဲ့အတြက္ ဒုရဲအုပ္ အဲဒီေန႔မွာပဲ ေသဆံုးသြားခဲ့တာလို႔ ဆိုပါတယ္။

RFA Burmese
https://www.facebook.com/rfaburmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ