တပ်မတော်အမြှောက်တပ်ကို အာပီဂျီ ၃လုံးနဲ့ TNLA ပလောင်လွတ်လပ်ရေးတပ်က ပစ်ခတ်ခဲ့တယ် |
"အပစ်ခံရပေမယ့် တပ်ဝန်းထဲကိုမကျဘူး၊ ရှေ့ဖက်မှာပဲကျတယ်။ အထိအခိုက်လည်းမရှိဘူး။ ပစ်ခတ်ပြီးပြီး ချင်းလိုက်ရှင်းတယ်၊ ထိတွေ့မှုတော့မရှိဘူး။ အဲဒီဖက်မှာက TNLA ပဲရှိပါတယ်" လို့ သူကဆိုပါတယ်။
ကျောက်မဲမြို့အခြေစိုက် အဖြူရောင်နှလုံးသားအဖွဲ့ ပရဟိတအသင်းက ဥက္ကဋ္ဌ ဦးမြဝင်းကလည်း ကျောက်မဲ မှာ မနေ့က ညဖက် ၉နာရီခွဲ မှာတစ်ခါ ၁၀နာရီခွဲနဲ့ ၁၁နာရီလောက်မှာတစ်ခါ လက်နက်ကြီးသံတွေကို ကြားခဲ့ရတယ်လို့ ဆိုပါတယ်။
လက်နက်ကြီးသံတွေအပြီး အပြန်အလှန်ပစ်ခတ်တဲ့ သေနတ်သံတွေကိုပါ ဆက်တိုက်ကြားရတယ် လို့ သူကဘီဘီစီကို သြဂုတ်လ ၁၇ရက် မနက်ပိုင်းမှာပြောပါတယ်။
ဗိုလ်မှူးချုပ်ဇော်မင်းထွန်းကတော့ အခုလို အာပီဂျီနဲ့ လာပစ်တာက ပြင်ဦးလွင်၊ နောင်ချို နောက်ဆက်တွဲတိုက်ပွဲအပြီး ထပ်မံနှောင့်ယှက်ပစ်ခတ်တာလို့ ဆိုပါတယ်။ ပစ်ခံရတဲ့ တပ်မတော်အမြှောက်တပ်က ကျောက်မဲမြို့အဝင်၊ ပြည်ထောင်စုလမ်းမကြီးပေါ်မှာရှိတာဖြစ် ပါတယ်။
TNLA ကလာပစ်တာလို့ တပ်မတော်ဖက်က စွပ်စွဲပြောဆိုတဲ့အပေါ် မေးမြန်းနိုင်ဖို့ TNLA ပြောခွင့်ရသူကို ဘီဘီစီက ဆက်သွယ်ပေမယ့် ဆက်သွယ်လို့မရသေးပါဘူး။
BBC Burmese
https://www.bbc.com
ကျောက်မဲအဝင် အမြှောက်တပ်ကို TNLA က အာပီဂျီ ၃ လုံးနဲ့ ပစ်
Reviewed by THITHTOOLWIN
on
23:54
Rating: