ဖက်ဒရယ်ပြည်ထောင်စု ပေါ်ပေါက်ရေး တွေ့ဆုံဆွေးနွေးတဲ့နည်းနဲ့ SSPP ကြိုးစားမည်


ရပ်တန့်နေတဲ့ ပြည်တွင်းငြိမ်းချမ်းရေး လုပ်ငန်းစဉ်တွေကို ဆက်လက်အကောင်အထည်ဖော်နိုင်ဖို့အတွက် ဘဝတူ လက်နက်ကိုင်တော်လှန်ရေးအဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့ ရှမ်းပြည်တိုးတက်ရေးပါတီ SSPP က ကြေညာချက်ထုတ်လိုက်ပါတယ်။

ဇူလိုင်လ ၂၂ ရက်နေ့ကနေ သြဂုတ်လ ၂ ရက်နေ့အထိ SSPP ဌာနချုပ် ဝမ်ဟိုင်းမှာ ကျင်းပခဲ့တဲ့ ဗဟိုကော်မတီ မျက်နှာစုံညီ အစည်းအဝေးအပြီးမှာ မနေ့က နေ့စွဲနဲ့ ကြေညာချက် ထုတ်လိုက်တာဖြစ်ပါတယ်။

တိုင်းရင်းသားအားလုံး လိုလားနေတဲ့ စစ်မှန်တဲ့ ဖက်ဒရယ်ဒီမိုကရေစီ ပြည်ထောင်စု ပေါ်ပေါက်လာရေးအတွက် တိုင်းရင်းသား လူမျိုးပေါင်းစုံနဲ့ လက်တွဲပြီး တွေ့ဆုံဆွေးနွေးရေးနည်းလမ်းနဲ့ ငြိမ်းချမ်းရေးလမ်းစဉ်ကို ရပ်တည်ဆောင်ရွက်သွားမှာဖြစ်ကြောင်းလည်း ထုတ်ပြန်ချက်မှာ ဖော်ပြထားပါတယ်။

SSPP နာယက ဗိုလ်ချုပ်ကြီး ဆေထင် အပါအဝင် ဗဟိုကော်မတီဝင်တွေနဲ့ အရံဗဟိုကော်မတီဝင်တွေ စုစုပေါင်း ၃၇ ဦး တက်ရောက်ခဲ့တဲ့ မျက်နှာစုံညီအစည်းအဝေးမှာ ခြောက်လတာအတွင်း ဆောင်ရွက်ခဲ့တာတွေကို သုံးသပ်ခဲ့ကြပြီး ရှေ့ဆက်လုပ်ဆောင်သွားမယ့် လုပ်ငန်းစဉ်တွေနဲ့ ပတ်သက်ပြီး ထုတ်ပြန်ရာမှာ ငြိမ်းချမ်းရေးကိစ္စကို ထည့်သွင်းထုတ်ပြန်ခဲ့တာဖြစ်ပါတယ်။

လက်ရှိအချိန်မှာတော့ SSPP ပါဝင်တဲ့ FPNCC အဖွဲ့ဝင် တိုင်းရင်းသား လက်နက်ကိုင်အဖွဲ့ဝင်တွေဖြစ်တဲ့ KIA၊ AA၊ TNLA၊ MNDAA အဖွဲ့တွေနဲ့ အစိုးရတို့ Bilateral လက်မှတ်ရေးထိုးရေးဆွေးနွေးပွဲဟာ မကျင်းပဖြစ်သေးဘဲ တွေ့ဆုံဆွေးနွေးဖို့ အခက်အခဲတွေ ရှိနေပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ