ရန်ကုန်လေဆိပ်၌ Golden Myanmar လေကြောင်းလိုင်းမှ လေယာဉ်တစ်စီး ဆင်းသက်ချိန် ရှေ့ဘီးကျိုးမှုဖြစ်ပွား၊ လေဆိပ် ယာယီပိတ်

Golden Myanmar လေကြောင်းလိုင်းမှ လေယာဉ်တစ်စီး ရှေ့ဘီးကျိုးမှု ဖြစ်ပွားစဉ်(Nobel Aung)
ရန်ကုန်၊ သြဂုတ် ၂ ရက် (ဆင်ဟွာ)

ရန်ကုန်အပြည်ပြည်ဆိုင်ရာ လေဆိပ်တွင် ယနေ့ (သြဂုတ် ၂ ရက်) ညနေ ၄နာရီ ၃၇ မိနစ်ခန့်တွင်  Golden Myanmar လေကြောင်းလိုင်းမှ လေယာဉ်တစ်စီး ဆင်းသက်ချိန် ရှေ့ဘီးကျိုးမှုဖြစ်ပွားခဲ့သဖြင့် လေဆိပ်ကို ယာယီပိတ်ထားကြောင်းလေကြောင်း ပို့ဆောင်ရေး ညွန်ကြားရေး ဦးစီးဌာန ဒုတိယ ညွန်ကြားရေးမှူးချုပ် ဦးရဲထွဋ်အောင်က ဆင်ဟွာ သတင်းဌာနသို့ပြောကြားသည်။

" ရှေ့ဘီးကျိုးသွားတဲ့ လေယာဉ်ကို ပြေးလမ်းပေါ်ကနေ ဖယ်ရှားဖို့ အမြန်ဆုံးဆောင်ရွက်နေပါတယ် ၊ အလွန်ဆုံး ၄၅မိနစ် တစ်နာရီဆို လေဆိပ်ပြန်ဖွင့်နိုင်မှာပါ" ဟု  ညွန်ကြားရေးမှူးချုပ် ဦးရဲထွဋ်အောင် ဆင်ဟွာသို့ပြောသည်။

Golden Myanmar လေကြောင်းလိုင်းမှ လေယာဉ်တစ်စီး ရှေ့ဘီးကျိုးမှု ဖြစ်ပွားစဉ်(Nobel Aung)
မန္တလေးမှရန်ကုန်သို့ ပျံသန်းလာသည့် Golden Myanmar လေကြောင်းလိုင်းမှ ခရီးစဉ် Y5-506 ATR-72-600 Series လေယာဉ်သည်  ရန်ကုန်အပြည်ပြည်ဆိုင်ရာလေဆိပ်သို့ ဆင်းသက်စဉ် ရှေ့ဘီးကျိုးမှုဖြစ်ပွားခဲ့ခြင်းဖြစ်ကြောင်း သိရသည်။

" ခရီးသည် ထိခိုက်မှုမရှိပါဘူး၊ လေယာဉ်ဆင်းချိန် မိုးက တအားရွာနေတာလဲ ပါတယ်" ဟု လေဆိပ်တွင် တာဝန်ကျ ရဲအရာရှိတစ်ဦးက ဆိုသည်။

အဆိုပါလေယာဉ်ပေါ်တွင် ခရီးသည် ၇၀ ကျော်ပါဝင်ပြီး ခရီးသည်များ ထိခိုက်မှုမရှိကြောင်း သိရသည်။

ရန်ကုန်အပြည်ပြည်ဆိုင်ရာလေဆိပ် ယာယီပိတ်ထားရခြင်းကြောင့် လေဆိပ်မှ ထွက်ခွာမည့် လေယာဉ်များနှင့် လေဆိပ်သို့ ဆိုက်ရောက်မည့် လေယာဉ်များ အချိန်ကြန့်ကြာမှုများရှိနေကြောင်း သိရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ