 |
| ၂၀၁၈ စက်တင်ဘာ တုန်းက မြန်မာဆိုင်ရာ ကုလအချက်လက်ရှာအဖွဲ့ Geneva တွင် သတင်းစာရှင်းလင်းပွဲပြုလုပ် |
ဂျာကာတာ စံတော်ချိန် နေ့ခင်း ၁၂ နာရီ မြန်မာစံတော်ချိန် နေ့ခင်း ၁၁ နာရီခွဲမှာ သတင်းစာ ရှင်းလင်းပွဲ ကျင်းပမှာ ဖြစ်ပါတယ်။ အစီရင်ခံစာကိုလည်း အဲဒီအချိန်မှာ ထုတ်ပြန်မှာ ဖြစ်ပြီး အစီရင်ခံစာ အကျဉ်းချုပ်ကိုတော့ မြန်မာဘာသာနဲ့လည်း ထုတ်ဝေမှာ ဖြစ်ပါတယ်။ ကုလသမဂ္ဂရဲ့ မြန်မာဆိုင်ရာ အချက်အလက်ရှာ အဖွဲ့ရဲ့ အပြီးသတ် အစီရင်ခံစာကိုတော့ လာမယ့် စက်တင်ဘာလ ၁၆ ရက်နေ့မှာ လူ့အခွင့်အရေး ကောင်စီကို တင်သွင်းဖို့ ရှိပါတယ်။
မြန်မာနိုင်ငံတွင်း စစ်တပ်နဲ့ လုံခြုံရေး တပ်ဖွဲ့တွေရဲ့ အထူးသဖြင့် ရခိုင်ပြည်နယ်တွင်း လူ့အခွင့်အရေး ချိုးဖောက်မှုတွေ၊ စွပ်စွဲချက်တွေကို အချက်အလက် စုဆောင်းဖို့ ကုလသမဂ္ဂ လူ့အခွင့်အရေး ကောင်စီ ဆုံးဖြတ်ချက်နဲ့ လွတ်လပ်တဲ့ နိုင်ငံတကာ အချက်အလက်ရှာ အဖွဲ့ ပေါ်ထွက်လာတာပါ။ ကုလသမဂ္ဂရဲ့ မြန်မာဆိုင်ရာ အချက်အလက်ရှာ အဖွဲ့ကို မြန်မာ အစိုးရဘက်က ပြည်ဝင်ခွင့် မပေးသလို ပူးပေါင်းဆောင်ရွက်မှုလည်း မလုပ်ပါဘူး။ ကုလသမဂ္ဂ အချက်အလက်ရှာ အဖွဲ့ဘက်ကတော့ မူဆလင် ရိုဟင်ဂျာတွေ အပေါ် မြန်မာ စစ်တပ်ရဲ့ လူ့အခွင့်အရေး ချိုးဖောက်မှုတွေကို တာဝန်ခံလာရေး ကြိုးပမ်းမှု အနေနဲ့ မြန်မာ စစ်တပ်နဲ့ ဆက်ဆံမှု အားလုံးကို ဖြတ်တောက်ဖို့ တိုက်တွန်းထားတာပါ။
၂၀၁၇ ခုနှစ် သြဂုတ်လ အတွင်း ရိုဟင်ဂျာ မူဆလင်တွေ အပေါ် မြန်မာစစ်တပ်ရဲ့ ရက်စက်ကြမ်းကြုတ်တဲ့ ဖြိုခွင်းမှုတွေဟာဆိုရင် လူမျိုးတုံးသွားစေဖို့ ရည်ရွယ်ချက်နဲ့ လုပ်တာလို့လည်း အချက်အလက်ရှာ အဖွဲ့က အရင်က စွပ်စွဲထားတာပါ။ မြန်မာဘက်ကတော့ ဒီစွပ်စွဲချက်ကို ငြင်းထားသလို ရိုဟင်ဂျာဆိုတဲ့ အသုံးအနှုန်းကိုလည်း လက်မခံပါဘူး။ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် စစ်တပ် ထိပ်တန်း တာဝန်ရှိသူတွကို လူမျိုးတုံး သတ်ဖြတ်မှု၊ လူသားမျိုးနွယ် အပေါ် ဆန့်ကျင်ကျူးလွန်တဲ့ ရာဇ၀တ်မှု၊ စစ်ရာဇ၀တ်မှုတွေနဲ့ တရားစွဲဖို့ကိုလည်း ကုလသမဂ္ဂ အချက်အလက်ရှာ အဖွဲ့က တိုက်တွန်းနေတာ ဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com
မြန်မာဆိုင်ရာ ကုလအချက်လက်ရှာအဖွဲ့ ဂျာကာတာမှာ သတင်းစာရှင်းမည်
Reviewed by THITHTOOLWIN
on
05:49
Rating:
Reviewed by THITHTOOLWIN
on
05:49
Rating:
