ဂုတ်တွင်းတံတားကို ငါးရက်အတွင်း ပြင်ဆင်သွားမယ်လို့ အစိုးရ ထုတ်ပြန်

နောင်ချိုမြို့နယ် ဂုတ်တွင်းတံတားကို မြောက်ပိုင်းမဟာမိတ်သုံးဖွဲ့က တိုက်ခိုက်ခဲ့အပြီး ၂ဝ၁၉ သြဂုတ်လ ၁၅ ရက်နေ့က တွေ့ရစဉ်။
မနေ့က ရှမ်းပြည်နယ်မြောက်ပိုင်း နောင်ချိုမြို့မှာ ဖောက်ခွဲဖျက်ဆီးခံလိုက်ရတဲ့ ဂုတ်တွင်းတံတားကို ငါးရက်အတွင်း နှစ်လမ်းသွား ဘေလီတံတား ပြန်တည်ဆောက်သွားမယ်လို့ ဆောက်လုပ်ရေးဝန်ကြီးဌာနက သတင်းထုတ်ပြန် ပါတယ်။

မနေ့က နောင်ချိုမြို့ ဂုတ်တွင်းတံတားအနားမှာ တိုက်ပွဲတွေဖြစ်ပွားခဲ့တာပါ။ အဲဒီတံတား ပျက်စီးသွားတဲ့အတွက် မန္တလေးကနေ လားရှိုး-မူဆယ်မြို့ကို သွားလာတဲ့ မြန်မာ-တရုတ် နယ်စပ်ကုန်သွယ်ရေးအတွက် အဓိကကျတဲ့ လမ်းဖြစ်တာမို့ ခရီးသွားတွေနဲ့ ကုန်စည်စီးဆင်းမှုတွေလည်း ပြတ်တောက်နေပါတယ်။

ဒ့ါကြောင့် ဆောက်လုပ်ရေးဝန်ကြီးဌာန၊ တံတားဦးစီးဌာနက တံတားတည်ဆောက်ရေး အထူးအဖွဲ့တွေက ပြန်တည်ဆောက်မှာဖြစ်ပါတယ်။

တံတားပြန်ဆောက်ဖို့အတွက် လိုအပ်တဲ့ တံတားသံဘောင်ဘေလီတွေကို မနေ့ညနေပိုင်းကစပြီး ပေးပို့နေတယ် လို့လည်း သိရပါတယ်။

တံတားပြန်လည်တည်ဆောက်မယ့် ကိစ္စနဲ့ပတ်သက်လို့ ဆောက်လုပ်ရေးဝန်ကြီးဌာနကို RFA က ဆက်သွယ်ခဲ့ပေ မယ့်လည်း ဆက်သွယ်လို့ မရခဲ့ပါဘူး။

မနေ့က တပ်မတော်နဲ့ AA, MNDAA , TNLA ပေါင်းထားတဲ့ မဟာမိတ် ၃ ဖွဲ့အကြား တိုက်ပွဲတွေ ဖြစ်ပွားခဲ့ပြီး လမ်းပန်းဆက်သွယ်ရေးတွေလည်း ပြတ်တောက်ခဲ့တာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ