ကြီးအုံကြီးဝနဲ့ မုန်းချောင်းရေလှောင်တမံအပါအဝင် တမံ ၂၂ ခု ရေကျော်နေပြီ

 ရေကျော်တယ်လို့ ထုတ်ပြန်တဲ့စာရင်းထဲမှာ မကွေးတိုင်းက ကြီးအုံကြီးဝနဲ့ မုန်းချောင်းရေ လှောင်တမံနှစ်ခုကနေ ရေကျော်နေတဲ့ ပမာဏကအများဆုံးဖြစ်ပါတယ်။
မကွေးတိုင်းဒေသကြီး၊ မင်းဘူးခရိုင်အတွင်းက ကြီးအုံကြီးဝနဲ့ မုန်းချောင်းရေလှောင်တမံအပါအဝင် ပြည်နယ်နဲ့ တိုင်း ၉ခုက ရေလှောင်တမံ ၂၂ခုက ရေပိုလွှဲကနေ ရေကျော်နေတယ်လို့ သြဂုတ်လ ၁၉ရက်ထုတ် နိုင်ငံပိုင်သတင်းစာက ထုတ်ပြန်ပါတယ်။

အဲဒီလိုရေကျော်တယ်လို့ ထုတ်ပြန်တဲ့စာရင်းထဲမှာ မကွေးတိုင်းက ကြီးအုံကြီးဝနဲ့ မုန်းချောင်းရေ လှောင်တမံနှစ်ခုကနေ ရေကျော်နေတဲ့ ပမာဏကအများဆုံးဖြစ်ပါတယ်။ ကြီးအုံကြီးဝက ရေပိုလွှဲကနေ ၅ပေကျော် ရေကျော်နေပြီး၊ မုန်းချောင်းကတော့ ၄ ပေကျော်အထိ ရေကျော်နေပါတယ်။

ကျန်တဲ့ ချင်းပြည်နယ်၊ စစ်ကိုင်းတိုင်း၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ဧရာဝတီနဲ့ ပဲခူးတိုင်းဒေသကြီး တို့က ရေလှောင်တမံတွေကတော့ သြဂုတ်လ ၁၈ရက်နေ့၊ မနက်ပိုင်းအထိ ၁ ပေအောက်ကနေ ၂ပေကျော် အထိ ရေကျော်နေတယ်လို့ စိုက်ပျိုး၊ မွေးမြူရေးနဲ့ ဆည်မြောင်းဝန်ကြီးဌာနက သြဂုတ်လ ၁၉ရက်၊ နိုင်ငံပိုင်သတင်းစာမှာထုတ်ပြန်ပါတယ်။

စေတုတ္တရာမြို့ဟာ မုန်းချောင်းနဲ့ ကြီးအုံကြီးဝရေလှောင်တမံရဲ့ကြားမှာရှိနေပြီး၊ မုန်းချောင်းတမံကရေ ကျော်နေလို့ အဲဒီချောင်းနားက လယ်မြေတွေရေနစ်မြှပ်နေပါတယ်။ အဲဒီလိုကျော်ကျနေတဲ့ရေတွေက မုန်းချောင်းကနေ စီးဆင်းပြီး ကြီးအုံကြီးဝရေလှောင်တမံ ထဲကိုရောက်ပါတယ်။

ကြီးအုံကြီးဝက ရေကို မထိန်းပဲ ဆက်ထုတ်မှသာ စေတုတ္တရာမြို့တွင်း ရေကြီးရေလျှံမှုကို မဖြစ်မှာလို့ စေတုတ္တရာမြို့နယ်၊ မဲဆန္ဒနယ်အမှတ် ၂၊ တိုင်းဒေသကြီးလွှတ်တော်ကိုယ်စားလှယ် ဦးထွန်းထွန်းဝင်းက ဘီဘီစီကိုပြောပါတယ်။

"လယ်ဧက ၄၀၀ ကနေ ၅၀၀ ရဲ့ လေးပုံတပုံရေမြှပ်နေတယ်။ ဒီအချိန်ကတော့ ပုံမှန်ပဲလို့ဆိုပေမယ့် ကြီးအုံကြီးဝကရေထိန်းထားရင်၊ ချင်းမှာမိုးများရင် ရေပိုများလာနိုင်တယ်" လို့ သူက ဆိုပါတယ်။

ရေလှောင်တမံတွေရဲ့ ကြံ့ခိုင်မှုက လက်ရှိမှာ အစိမ်းရောင် ပထမအဆင့်အဖြစ် ဆည်မြောင်းက သတ်မှတ် ထားတယ်လို့လည်းသူကပြောပါတယ်။

 ရေလှောင်တမံတွေရဲ့ ကြံ့ခိုင်မှုက လက်ရှိမှာ အစိမ်းရောင် ပထမအဆင့်အဖြစ် ဆည်မြောင်းက သတ်မှတ် ထား
အစိမ်းရောင်အဆင့်က ရေကျော်တဲ့ ပထမအဆင့်ဖြစ်ပြီး၊ အဝါရောင်က အရေကြီးတဲ့အဆင့်ဖြစ်ကာ၊ အနီရောင်က အရေးကြီးဆုံးအဆင့်ဖြစ်တယ်လို့ ဆည်မြောင်းကသတ်မှတ်ထားပါတယ်။

ပြီးခဲ့တဲ့နှစ်ကလည်း ဆွာချောင်းရေလှောင်တမံ ကျိုးလို့ ဆွာချောင်းစီးဆင်းရာမြို့တလျှောက်ရေကြီးရေလျှံ တာအပြင် ရန်ကုန်-နေပြည်တော်အမြန်လမ်းက ဆွာချောင်းတံတားလည်း ပျက်စီးမှုတွေရှိခဲ့ပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ