မကွေး ဩဂုတ် ၁၉
မကွေးတိုင်းဒေသကြီး စလင်းမြို့နယ် ဖောင်းလင်းကျေးရွာ ရွှေစောလူး ဘုရားပွဲတွင် ဩဂုတ် ၁၈ ရက် ညသန်းခေါင်က စကားများရန်ဖြစ်ရာမှ ဓားထိုးမှုဖြစ်ကာလူတစ်ဦးသေဆုံးခဲ့သည်။
ဖြစ်စဉ်မှာ စလင်းမြို့နယ် ဖောင်းလင်းကျေးရွာ၌ နှစ်စဉ်ကျင်းပမြဲဖြစ်သော ရွှေစောလူးဘုရားပွဲ ၌ ညဘက်တွင် ဇာတ်ပွဲကပြရာ သာဂရကျေးရွာနေ စည်သူ အောင် (၁၇ နှစ်) သည် ဇာတ်ပွဲကြည့်နေစဉ် အမည်မသိလူတစ်ဦးနှင့် စကားများရန်ဖြစ်ရာမှ ဓားထိုးခံရပြီး စလင်းဆေးရုံသို့တင်ပို့စဉ် စည်သူအောင်မှာ ရရှိဒဏ်ရာဖြင့် လမ်းတွင်ပင်သေဆုံးခဲ့သည်။
အဆိုပါ ဖြစ်စဉ်နှင့်ပတ်သက်၍ မိခင်ဖြစ်သူဒေါ်မိုမိုးက စလင်းမြို့မရဲစခန်းသို့ တိုင်ကြားသဖြင့် စည်သူအောင်အား ဓားဖြင့်ထိုးသွားသူအမည်မသိအား အမှုဖွင့် အရေးယူစုံစမ်းလျက်ရှိကြောင်း သိရသည်။
စစ်ကြည်(စလင်း)
Myanmaalinn
https://www.facebook.com/MYANMAALINNNEWS
စလင်းမြို့နယ် ဖောင်းလင်းရွာ ဘုရားပွဲ၌ ဓားထိုးမှုဖြစ်၍လူတစ်ဦးသေဆုံး
Reviewed by THITHTOOLWIN
on
00:07
Rating: