မူဆယ်မြေပြို အိမ် ၁၀ လုံးကျော် ပျက်စီး လူသူသေကြေထိခိုက်မှုမရှိ


သြဂုတ်လ ၁၆ ရက် ၂၀၁၉

သျှမ်းပြည်နယ် မြောက်ပိုင်း တရုတ်နယ်စပ် မူဆယ်မြို့တွင် ယခုရက်ပိုင်း မိုးများ ဆက်တိုက် ရွာသွန်းမှုကြောင့် ခရစ်ယာန်ရပ်ကွက်နှင့် ကောင်းနောင်ရပ်ကွက် နေအိမ် ၁၀ လုံးကျော်တွင် မြေပြိုမှု ဖြစ်ပွားခဲ့ကြောင်း သတင်းရရှိ သည်။

ယခုရက်ပိုင်း မိုးဆက်တိုက်ရွာသွန်းမှု ကြောင့် တောင်စောင်းတွင် နေထိုင်သည့် ခရစ်ယာန်ရပ်ကွက်နေအိမ် ၁၃လုံး နှင့် ကောင်းနောင်ရပ်ကွက်တွင်နေအိမ် တလုံး သြဂုတ်လ ၁၅ ရက်နေ့က မြေပြိုမှု ဒဏ်ခံရသည်ဟု မူဆယ်မြို့နယ် အမှတ်(၁) ပြည်နယ်လွှတ်တော်ကိုယ်စားလှယ် စိုင်းကျော်သိန်း က သျှမ်းသံတော်ဆင့် သို့ပြောသည်။

“ ခရစ်ယာန်ရပ်ကွက် နဲ့ ကောင်းနောင်ရပ်ကွက် ၂ရပ်ကွက် ဖြစ်တာပါ။ ခရစ်ယာန် က ၁၃အိမ်ပျက်စီးတယ်။ ကောင်းနောင် က ၁အိမ်တည်းပါပဲ။ လူထိခိုက်မှုတော့မရှိပါဘူး” ဟု စိုင်းကျော်သိန်း က ဆိုသည်။

သြဂုတ် ၁၃ ရက်နေ့ တွင် မြေသား အက်ကွဲမှုကြောင့် မြေပြိုမည်ကိုစိုးရိမ်ရကြောင်း ခရစ်ယာန်ရပ်ကွက်မှ အုပ်ချုပ်ရေးမှူး မှ လာရောက် အကြောင်းကြား သဖြင့် ထိခိုက်နိုင်သည့် အိမ်ခြေများကို ကြိုတင်တိမ်းရှောင် ထားနိုင်ခဲ့သဖြင့် လူသူထိခိုက်မှုတော့ မရှိခဲ့ကြောင်း စိုင်းကျော်သိန်းက ပြောသည်။

မြေပြိုမှုကြောင့် ခရစ်ယာန်ရပ်ကွက်တွင် အိမ်ထောင်စု ၁၃ စု လူဦးရေ ၆၀ ဦးတို့၏ အိမ်ခြေ ၁၀ အိမ် ကောင်းနောင်ရပ်ကွက်တွင် အိမ်ခြေ ၁ အိမ် ပျက်စီးခဲ့ခြင်းဖြစ်သည်ဟုသိရသည်။

“ အိမ်ပြိုသွားတဲ့သူတွေကတော့ တချို့ က သူတို့ အမျိုးတွေ အိမ်၊ တချို့ က အိမ်ငှားနေကြတယ်။ မိုးစဲရင်တော့ မြေပိထားတဲ့သူတို့အိမ် ပြန်သွားကူဆယ်ပေးဖို့စီစဉ်ထားပါတယ်” ဟု စိုင်းကျော်သိန်း က ထပ်လောင်းပြောကြားသည်။

ရက်ဆက် မိုးရွာသွန်းမှုကြောင့် မြေသားများပျော့ကာ ခရစ်ယာန်ရပ်ကွက် အပေါ်ဘက် နေထိုင်သည့် နေအိမ်တချို့ မှ မီးဖိုခန်း၊ အိပ်ခန်း နှင့် အိမ်သာ များ ပြိုကျခြင်း ကြောင့် တောင်အောက်ဘက်တွင် နေထိုင်သည့် လူနေအိမ် တချို့ ပျက်စီး ခဲ့သည်။

မြေပြိုမှုကြောင့် ပျက်စီးဆုံးရှုံးမှုတန်ဖိုးကို မသိရှိရသေးပေ။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ